Job 28;1-28
28 “Ke akpanikọ, enyene ebiet eke ẹkụtde silverOnyụn̄ enyene ebiet eke mmọ ẹtemde gold ẹnam asana;+
2 Ẹsio ukwak ke ntan+Ẹnyụn̄ ẹn̄wan̄a okpoho ẹsio ke itiat.
3 Enye enịm utịt ọnọ ekịm;Onyụn̄ odụn̄ọde kpukpru ebiet oyom+Itiat ke ekịm ye ke ọkpọsọn̄ ekịm.
4 Enye etịbi ukpe ke anyan usụn̄ ọkpọn̄ ebiet emi isenowo ẹdụn̄de,+Mme ebiet emi ikpat owo ẹfrede ndisịm;Ndusụk owo ẹfụm ẹsụhọde ẹdụk, mmọ ẹkọn̄ọ ufụm ke esịt.
5 Amaedi isọn̄, udia oto enye ke esịt ọwọrọ;+Edi ẹyụt idak esie ẹkabade nte n̄kpọ eke ẹkamade ikan̄ ẹyụt.
6 Mme itiat esie ẹdi ebiet sapphire,+Enye onyụn̄ enyene ntọn̄ gold.
7 Enyene usụn̄ oro baba inuen utaokpo+ mîfiọkke,Enyịn obubịt mbukpo+ mînyụn̄ ikwe.
8 Ndiọi unam ikọt eke ẹnyenede uten̄e idịghike enye;Abak ekpe inyụn̄ isan̄ake ke enye ibe.
9 Enye anyan ubọk esie ke itiat;Onyụn̄ owụbede mme obot osion̄o ke itie mmọ;
10 Enye anam mme obube mmọn̄ ẹsụhọde ẹdụk ikpọ itiat,+Enyịn esie onyụn̄ okụt kpukpru mme ọsọn̄urua n̄kpọ.
11 Enye esịn ukpehemmọn̄ ke ebiet emi mmọn̄ otode ewet,+Onyụn̄ ada mme n̄kpọ eke ẹdịbede ọwọrọ edi un̄wana.
12 Amaedi ọniọn̄—ẹkeme ndikụt enye ke m̀mọ̀n̄,+M̀mọ̀n̄ ke ẹnyụn̄ ẹkeme ndikụt ifiọk?
13 Owo ifiọkke ekọmurua esie,+Owo inyụn̄ ikwe enye ke isọn̄ mme odu-uwem.
14 Udem ọdọhọ ete,‘Enye idụhe mi ke idem!’Inyan̄ onyụn̄ ọdọhọ ete, ‘Enye idụhe ye ami!’+
15 Owo ikemeke ndida ata gold n̄kpụhọ mbọ enye,+Owo inyụn̄ ikemeke ndidomo silver nnọ nte ekọmurua esie.
16 Owo ikemeke ndidep enye ye gold Ophir,+Ye ọsọn̄urua itiat onyx ye sapphire.
17 Owo ikemeke ndimen enye ndomo ye gold ye akrasi,M̀mê ndikpụhọ enye mbọ n̄kpọ emi ẹnamde ke gold emi ẹdụhọrede.
18 Owo ikemeke ndimen eme+ ye itiat crystal ndomo ye enye,Edi ọyọhọ-ekpat ọniọn̄ ọfọn akan ọyọhọ-ekpat pearl.+
19 Owo ikemeke ndimen topaz+ Cush ndomo ye enye;Owo ikam ikemeke ndida edisana gold ndep enye.
20 Amaedi ọniọn̄—enye oto m̀mọ̀n̄,+Ifiọk onyụn̄ odu ke ebiet ewe?
21 Enye akam edịbe ke enyịn kpukpru mme odu-uwem,+Ẹnyụn̄ ẹdịp enye ke enyịn kpukpru mme edibotn̄kpọ emi ẹfede ke enyọn̄.
22 Nsobo ye n̄kpa ẹdọhọ ẹte,‘Nnyịn imokop etop esie ke utọn̄ nnyịn.’
23 Abasi edi Enye emi ọfiọkde mme usụn̄ esie,+Enye omonyụn̄ ọfiọk ebiet esie,
24 Koro enye adade okụt utịt isọn̄;+Enye omokụt idak ofụri ikpaenyọn̄,
25 Man ọnọ ofụm odudu,+Onyụn̄ odomo mmọn̄ ke udomon̄kpọ;+
26 Ke ini enye ọnọde edịm ewụhọ,+Onyụn̄ enịmde usụn̄ ọnọ idiọk enyọn̄ emi asiahade obuma,
27 Adan̄aoro ke enye okokụt ọniọn̄ onyụn̄ etịn̄ aban̄a enye;Enye etịm enye onyụn̄ odụn̄ọde oyom enye n̄ko.
28 Ndien enye ọdọhọ owo ete,‘Sese! Ndibak Jehovah edi ọniọn̄,+Ndiwọn̄ọde n̄kpọn̄ idiọk onyụn̄ edi asian.’”+
