Job 38;1-41
38 Ndien Jehovah etie ke oyobio+ ọbọrọ Job onyụn̄ ọdọhọ ete:
2 “Anie edi emi eke edịpde itemKe nditịn̄ ikọ eke mîsịneke ifiọk?+
3 Mbọk, bọbọ mbọbọ fo ke isịn, nte erenowo,Ndien yak mbụp fi mbụme, afo nyụn̄ sian mi.+
4 Afo okodu m̀mọ̀n̄ ke ini n̄kanamde isọn̄?+Sian mi, edieke afo enyenede ifiọk.
5 Anie ekenịm udomon̄kpọ esie, edieke afo ọfiọkde,Mîdịghe anie ekenen̄ede urụk udomo esie enịm?
6 Mme etak+ esie ẹwụhọ ke nso,Mîdịghe anie ekesịn itiat inụk esie,
7 Ke ini mme ntantaọfiọn̄+ usenubọk ẹkesiode n̄kpo idara ọtọkiet,Kpukpru nditọ Abasi+ ẹnyụn̄ ẹsiode n̄kpo?
8 Anie okonyụn̄ eberi usụn̄ abaha inyan̄,+Emi obụmerede ọwọrọ nte n̄kpọ eke otopde ọwọrọ ke itie eyen;
9 Ke ini n̄kesịnede enye obubịt enyọn̄ nte ọfọn̄idemYe ọkpọsọn̄ ekịm nte ubọpidem esie,
10 Ndien ami nnọ enye ewụhọ miNnyụn̄ nsịn eto usịnusụn̄ ye mme usụn̄,+
11 Ndien ndọhọ nte, ‘Mi ke afo editre, udubehe mi;+Adan̄a mbufụt iseri fo edi emi’?+
12 Nte edi toto ke eyo fo ke afo okowụk usenubọk?+Nte afo akanam usiere ọfiọk ebiet esie,
13 Man omụm mme utịt isọn̄,Man ẹken̄ mme idiọkowo ẹsion̄o ke esịt?+
14 Enye okpụhọde idemesie nte mbat+ emi ẹfịkde ufịkn̄kpọ,Ndien mme n̄kpọ ẹwọrọ ẹda ke itie mmọ nte n̄kpọ eke ẹsịnede mmọ ọfọn̄.
15 Ndien un̄wana mmọ iyamake inọ mme idiọkowo,+Ubọk oro ẹmenerede onyụn̄ obụn̄ọ.+
16 Nte afo emesịm ebiet emi inyan̄ ọtọn̄ọde,Mîdịghe nte afo amasan̄a+ oyom udem+ mmọn̄?
17 Nte ẹberede mme inuaotop n̄kpa+ ẹwụt fi,Mîdịghe nte afo emekeme ndikụt mme inuaotop ọkpọsọn̄ ekịm?+
18 Nte afo emetịm ekere aban̄a nte isọn̄ atarade?+Tịn̄, edieke edide afo ọmọfiọk kpukpru.
19 Ke emi, ewe edi usụn̄ emi ẹsan̄ade ẹsịm ebietidụn̄ un̄wana?+M̀mọ̀n̄ onyụn̄ edi ebiet emi ekịm odude,
20 Man afo ada enye akayak ke adan̄a esieMan afo onyụn̄ ọfiọk mme usụn̄ ufọk esie?
21 Nte afo ọfiọk koro afo ama amana ini oro,+Ye koro ibat usen fo ẹwakde?
22 Nte afo omodụk mme ufọk ubon snow,+Mîdịghe nte afo amakam okụt mme ufọk ubon edịm itiat,+
23 Emi mmụmde nnịm nnọ usen nnanenyịn,Nnịm nnọ usen en̄wan ye ekọn̄?+
24 Ke emi, ewe edi usụn̄ emi un̄wana asan̄ade asiaha,Ofụm+ edem usiahautịn onyụn̄ ofụmede ke ofụri iso isọn̄?
25 Anie abahade usụn̄ ọnọ ukwọYe usụn̄ idiọk enyọn̄ emi asiahade obuma,+
26 Man anam edịm edep ke isọn̄ ke ebiet emi owo mîdụhe,+Edep ke wilderness emi owo mîdụn̄ke,
27 Man oyụhọ mme ebiet emi oyobio abiatde ye mme ebiet emi ẹnade ndonOnyụn̄ anam mbiet etịbe?+
28 Nte edịm+ enyene ete,Mîdịghe anie akaman mbara?+
29 Ice oto idịbi anie ọwọrọ edi,Ndien amaedi n̄kpri mbai ice+ heaven, anie aman mmọ?
30 Mmọn̄ ẹdịp idemmọ nte ẹdịbe ke idak itiat,Enyọn̄ udem onyụn̄ ọsọn̄.+
31 Nte afo emekeme nditebe ubọpn̄kpọ otu ntantaọfiọn̄ Kimah ọsọn̄,Mîdịghe nte afo emekeme nditat urụk otu ntantaọfiọn̄ Kesil?+
32 Nte afo emekeme ndida otu ntantaọfiọn̄ Mazzaroth n̄wọrọ ndi ke edikem ini esie?
Ndien amaedi otu ntantaọfiọn̄ Ash, ọkọrọ ye nditọ esie, nte afo emekeme ndida mmọ usụn̄?
33 Nte afo ọmọfiọk mme ewụhọ heaven,+Mîdịghe nte afo emekeme ndiwụk odudu esie ke isọn̄?
34 Nte afo emekeme ndimenede uyo fo nnọ obubịt enyọn̄,Man akamba mmọn̄ otop ofụk fi?+
35 Nte afo emekeme ndidọn̄ emịnen̄mịnen̄ ẹwọrọẸnyụn̄ ẹdọhọ fi ẹte, ‘Sese nnyịn mi!’?
36 Anie ekesịn ọniọn̄+ ke mme ikpehe obubịt enyọn̄,Mîdịghe anie ọkọnọ n̄kpọntịbe ikpaenyọn̄ mbufiọk?+
37 Anie ekeme ndida ọniọn̄ mbat obubịt enyọn̄,Mîdịghe anie ekeme ndinụk mme aban̄ mmọn̄ heaven nduọk,+
38 Ke ini ntọn̄ ọduọhọde nte ebok emi ẹtarade,Mme ebok ntan ke isọn̄ ẹnyụn̄ ẹdianade kiet?
39 Nte afo emekeme ndiyom udia nnọ ekpeNdien nte afo emekeme ndinọ mme abak ekpe+ emi ọkpọsọn̄ ọbiọn̄ ọdọn̄de udia ẹyụhọ,
40 Ke ini mmọ ẹkụbọde ke mme itie udịbe,+M̀mê ẹnade ke itie udịbe ẹbet?
41 Anie anam udia ọnọ raven+Ke ini nditọ esie ẹsemede ẹnọ Abasi ẹyom un̄wam,Ke ini mmọ ẹyode ẹsan̄a sia n̄kpọ mîdụhe se ẹdiade?
