Job 41;1-34
41 “Nte afo emekeme ndida uwam ndụri Leviathan+ nsio,Mîdịghe nte emekeme ndida urụk mbọp edeme esie nnịm?
2 Nte afo emekeme ndisịn enye urụk nnyanyan̄a isantịm ke odudu ibuo,+Mîdịghe nte emekeme ndida n̄kukịm ntịbi enye mban̄?
3 Nte enye eyekpe fi ubọk ediwak ini,Mîdịghe nte enye eyetịn̄ ikọ emem emem ye afo?
4 Nte enye oyodiomi ediomi ye afo,Man afo ada enye nte ofụn ke nsinsi?
5 Nte afo eyebre mbre ye enye nte emi ebrede ye inuen,Mîdịghe nte eyetebe enye ọnọ n̄kpri nditọiban fo?
6 Nte mme nsan̄a ẹyemen enye ẹkpụhọ ẹbọ n̄kpọ?
Nte mmọ ẹyebak enye ẹdeme ke otu mbonurua?
7 Nte afo emekeme ndida usam+ nyọhọ enye ikpaidem,M̀mê ndida eduat nyọhọ enye ibuot?
8 Dori enye ubọk ke idem.
Ti en̄wan. Kûfiak udori enye ubọk aba.
9 Sese! Se owo odoride enyịn aban̄a enye oyokpu.
Owo oyonyụn̄ ọduọ ke ndikam n̄kokụt enye.
10 Baba owo kiet inyeneke uko ikem nditịmede enye.
Anie onyụn̄ ekeme ndisọn̄ọ nda mi ke iso?+
11 Anie ekebem iso ọnọ mi n̄kpọ man n̄kpọnọ enye usiene?+Kpukpru n̄kpọ ke idak ikpaenyọn̄ ẹdi okịm.+
12 Nditreke nditịn̄ mban̄a mbakidem esieM̀mê odudu ye idaha uyai esie.
13 Anie ofụhọde enye edisịnen̄kpọ?
Anie edidụk enye inua?
14 Anie eberede itịm inua esie?
Kpukpru edet esie ẹnyene ndịk.
15 Mme udịm ikpọk esie ẹdi iseri esie,Ẹsịre nte ufịkn̄kpọ emi ẹfịkde ọsọn̄.
16 Mmọ ẹsọn̄ọ ẹdiana kiet ye eken,Ndien ofụm ikam ikemeke ndibe ke ufọt mmọ.
17 Mmọ ẹnen̄ede ẹdiana kiet ye eken;Ẹmụm kiet eken ẹkama, owo inyụn̄ ikemeke ndidian̄ade.
18 Isia esie ẹsiaha un̄wana,Enyịn esie ẹnyụn̄ ẹbiet uyama usiere.
19 Emịnen̄mịnen̄ ẹsiaha ẹwọrọ enye ke inua,Mme ebuaikan̄ ẹnyụn̄ ẹwọn̄ọ.
20 Nsụn̄ikan̄ oto enye ibuo ọwọrọ,Nte akwa ikan̄ emi ẹkịmde ke mbiet.
21 Ibifịk* esie ekịm ikan̄ ke ukan̄,Ndien edemeikan̄ ọwọrọ enye ke inua.
22 Odudu odu enye ke itọn̄,Nnanenyịn onyụn̄ efehe iso esie.
23 En̄wek obụkidem esie ẹsọn̄ọ ẹyịre ọtọkiet;Mmọ ẹbiet ukwak, idian̄akede.
24 Ẹbot esịt esie ọsọn̄ nte itiat,Ih, ẹbot ọsọn̄ nte eka itiat ukọkn̄kpọ.
25 Ke ini enye emenerede idem ke enyọn̄ ọkpọsọn̄ owo okop ndịk;+N̄kpen̄eyen̄ esịn idem etịmede mmọ.
26 Akan̄kan̄ esịm enye edi ikemeke ndinọ enye unan,Edide eduat, usam, m̀mê iso idan̄.+
27 Enye abat ukwak+ nte nnyanyan̄a,Ese okpoho nte mbumbu eto.
28 Idan̄ ibịnke enye adaha;Itiat-utop+ akabade etie nte nnyanyan̄a ọnọ enye.
29 Enye abat okpoyon̄ nte nnyanyan̄a,+Onyụn̄ asasak enyịm emi ẹfụn̄de.
30 Idak esie ebiet nsọsọbọ mbai usiọn̄;Enye asiak enyọn̄ mbat nte n̄kpọ udịghi wheat.+
31 Enye anam udem ofụt nte eso;Anam inyan̄ ofụt nte eso edifuọn̄ aran.
32 Enye anam usụn̄ ayama ke edem esie;Owo ekeme ndida udem inyan̄ nte iwat.
33 Se ibietde enye idụhe ke isọn̄,Emi ẹbotde man okûkop ndịk.
34 Enye okụt kpukpru n̄kpọ eke ẹkon̄de.Enye edi edidem kpukpru ikpọ unam ikọt.”
Mme Ikọ Idakisọn̄
^ At. Ed., “ukpọn̄.”
