Job 8;1-22
8 Ndien Bildad eyen Shuah+ ọbọrọ onyụn̄ ọdọhọ ete:
2 “Adan̄a didie ke afo editịn̄ mme n̄kpọ emi,+Ke ini ikọ inua fo edide ọkpọsọn̄ ofụm?+
3 Nte Abasi ayakwan̄a ikpe,+Mîdịghe nte Ata Ọkpọsọn̄ ayakwan̄a se inende?+
4 Edieke nditọ fo ẹkenamde idiọkn̄kpọ ẹdue enye,Ntre enye ayak mmọ ẹbọ ufen ke ntak nsọn̄ibuot mmọ,
5 Edieke afo ediyomde Abasi,+Edieke afo edinyụn̄ eben̄ede Ata Ọkpọsọn̄ oyom mfọn,
6 Edieke afo edide edisana ye edinen,+Adan̄aemi enye akpadaha ada an̄wam fi.Ndien enye akpafiak ọnọ fi edinen ebietidụn̄ fo.
7 N̄ko, ekeme ndidi ntọn̄ọ fo ekedi ekpri,Edi utịt fo ekpenen̄ede okpon ke oro ebede.+
8 Mbọk, kam bụp ban̄a emana emi ekebemde iso,+Nyụn̄ nọ ntịn̄enyịn ke mme n̄kpọ emi mme ete+ mmọ ẹkedụn̄ọrede ẹfiọk.
9 Koro nnyịn idide sụk mbon n̄kpọn̄+ emi ekebede, nnyịn inyụn̄ ifiọkke n̄kpọ ndomokiet,Koro mme usen uwem nnyịn ke isọn̄ ẹdide mbukpọn̄.+
10 Nte mmọ iditemeke fi, idinyụn̄ isianke fi,Nte mmọ idisioho ikọ ke esịt mmọ itịn̄?
11 Nte n̄kukịp+ ekeme ndikọri nniọn̄ ke mîdaha ke okpụk?Nte nnyanyan̄a ekeme ndikọri n̄kpon ke mmọn̄ mîdụhe?
12 Ke adan̄aemi enye osụk edide nsek, owo mînyụn̄ isịbeke enye,Enye eyebem kpukpru mbiet eken iso asat.+
13 Ntem ke edi ye usụn̄ kpukpru mbon emi ẹfrede Abasi,+Ndien idotenyịn owo mfiakedem ayatak,+
14 Emi ẹsịbede ibetedem esie ẹfep,Emi mbuọtidem esie onyụn̄ edide n̄kpan̄utue.*+
15 Enye eyebere ke ufọk esie, ndien ufọk emi idisọn̄ọke ida;Enye oyomụm enye akama, edi ufọk emi idibịghike.
16 Enye okop odudu ke ini utịn asiahade,Ndien n̄kọk esie esehe ke in̄wan̄esa esie.+
17 Ndien enye ọdọn̄ n̄kam ke ebok itiat,Enye okụt ufọkitiat.
18 Edieke owo emende enye ke ebiet esie emen,+Enye n̄ko ayakan̄ enye, onyụn̄ ọdọhọ ete, ‘Ami n̄kwe fi.’+
19 Sese! Oro edi utịt usụn̄ esie;+Ndien mbon en̄wen ẹto ntan ẹwọrọ ẹdi.
20 Sese! Abasi idisịnke owo ekededi eke mînyeneke nduduọhọ,Enye idinyụn̄ imụmke mme anamidiọk ikama,
21 Tutu enye anam inua fo ọyọhọ ye imam,Onyụn̄ anam n̄kpọkinua fo ọyọhọ ye n̄kpo idara.
22 Ẹyemen bụt+ ẹsịne mbon emi ẹsuade fi,Tent mme idiọkowo idinyụn̄ idụhe.”
Mme Ikọ Idakisọn̄
^ At. Ed., “ufọk utue.”
