Joshua 22;1-34
22 Edikem Joshua okot nditọ Reuben ye nditọ Gad ye ubak esien Manasseh+
2 onyụn̄ ọdọhọ mmọ ete: “Mbufo ẹmenam kpukpru se Moses asan̄autom Jehovah eketemede mbufo,+ ẹma ẹnyụn̄ ẹkop uyo mi ke kpukpru se n̄ketemede mbufo.+
3 Mbufo ikọkpọn̄ke nditọete mbufo ke ediwak usen+ emi tutu esịm mfịn emi, ẹma ẹnyụn̄ ẹnam se Jehovah Abasi+ mbufo okowụkde mbufo ete ẹnam.
4 Ndien, ke emi, Jehovah Abasi mbufo ọnọ nditọete mbufo nduọkodudu, kpa nte enye ọkọn̄wọn̄ọde ọnọ mmọ.+ Mmọdo mbufo ẹnyọn̄ọ ke mme tent mbufo ke isọn̄ mbufo, emi Moses asan̄autom Jehovah ọkọnọde mbufo ke edem Jordan oko.+
5 Edi mbufo ẹkpeme ndinịm ewụhọ+ ye ibet emi Moses asan̄autom Jehovah ọkọnọde mbufo ete ẹma Jehovah Abasi+ mbufo ẹnyụn̄ ẹsan̄a ke kpukpru usụn̄ +esie ẹnyụn̄ ẹnịm mme ewụhọ+ esie ẹnyụn̄ ẹsọn̄ọ ẹyịre ye enye+ ẹnyụn̄ ẹnam n̄kpọ esie+ ke ofụri esịt+ mbufo ye ke ofụri ukpọn̄+ mbufo.”
6 Ntem, Joshua ọdiọn̄+ mmọ onyụn̄ anam mmọ ẹnyọn̄ọ ke mme tent mmọ.
7 Ndien Moses ama ọnọ ubak esien Manasseh udeme ke Bashan,+ Joshua onyụn̄ ọnọ ubak esien eken udeme ke otu nditọete mmọ ke edem Jordan oko ke edem usoputịn.+ Ntre, n̄ko, Joshua ọdiọn̄ mmọ onyụn̄ anam mmọ ẹnyọn̄ọ ke mme tent mmọ.
8 Enye onyụn̄ ọdọhọ mmọ ete: “Ẹda ediwak inyene ye ata ediwak ufene, ye silver ye gold ye okpoho ye ukwak ye ata ediwak+ ọfọn̄, ẹnyọn̄ọ ke mme tent mbufo. Ẹda udeme n̄kpọ mbụme+ mme asua mbufo ẹbahade ye nditọete mbufo.”
9 Ke oro ama ekebe, nditọ Reuben ye nditọ Gad ye ubak esien Manasseh ẹdaha ẹkpọn̄ nditọ Israel eken ke Shiloh, emi odude ke isọn̄ Canaan, ẹnyọn̄ ẹka isọn̄ Gilead,+ ke udeme isọn̄ emi mmọ ẹkedụn̄de kpa nte Jehovah okowụkde ebe ke Moses.+
10 Ke ini mmọ ẹdide ẹdisịm ikpehe Jordan emi odude ke isọn̄ Canaan, nditọ Reuben ye nditọ Gad ye ubak esien Manasseh ẹbọp itieuwa ke mben Jordan, akamba itieuwa+ emi ẹkemede ndisọp nda n̄kụt.
11 Ekem nditọ Israel eken ẹkop+ nte ẹdọhọde ẹte: “Sese! nditọ Reuben ye nditọ Gad ye ubak esien Manasseh ẹmebọp itieuwa ke adan̄a isọn̄ Canaan ke ikpehe n̄kan̄ Jordan emi enyenede nditọ Israel.”
12 Ke ini nditọ Israel ẹkopde n̄kpọ emi, ofụri esop nditọ Israel+ ẹsop idem ọtọkiet ke Shiloh+ ndidọk n̄kan̄wana ekọn̄ ye mmọ.+
13 Ndien nditọ Israel ẹdọn̄+ Phinehas+ eyen Eleazar oku utom ẹnọ nditọ Reuben ye nditọ Gad ye ubak esien Manasseh ke isọn̄ Gilead,
14 mbọn̄ duop ẹnyụn̄ ẹsan̄a ye enye, ọbọn̄ kiet ke ufọk mme ete mmọ ke kpukpru esien Israel, ndien mmọ kiet kiet ẹkedi etubom ufọk mme ete mmọ ke otu ediwak tọsịn Israel.+
15 Ekem mmọ ẹdisịm nditọ Reuben ye nditọ Gad ye ubak esien Manasseh ke isọn̄ Gilead ẹnyụn̄ ẹdọhọ mmọ+ ẹte:
16 “Emi edi se ofụri esop Jehovah+ ẹdọhọde, ‘Nso idiọkido+ ke mbufo ẹnam ntem mfịn emi ye Abasi Israel ke ndifiak+ edem ntre nditiene Jehovah ke n̄kọbọp itieuwa+ nnọ idem mbufo, nnyụn̄ nsọn̄ ibuot mfịn emi ye Jehovah?
17 Nte idiọkn̄kpọ Peor+ ikponke ikem, emi nnyịn mîkam inamke kan̄a idem nnyịn asana tutu esịm emi, emi ufen okodorode ofụri esop Jehovah?+
18 Ndien mbufo ẹyom ndifiak edem ntre nditiene Jehovah; ndien edieke mbufo ẹsọn̄de ibuot mfịn emi ye Jehovah, n̄kpọn̄ do enye ayayat esịt ye ofụri esop Israel.+
19 Mmọdo edieke isọn̄ emi mbufo ẹdade ẹnyene mîsanake,+ mbufo ẹdọk ẹka isọn̄ emi enyenede Jehovah,+ emi tent utuakibuot Jehovah odude,+ ẹnyụn̄ ẹdụn̄ ke otu nnyịn; ẹkûnyụn̄ ẹsọn̄ ibuot ye Jehovah ẹkûnyụn̄ ẹnam nnyịn isọn̄ ibuot ke mbufo ndibọp itieuwa nnọ idem mbufo ke adan̄aemi edide imenyenyene itieuwa Jehovah Abasi+ nnyịn.
20 Nte idịghe Achan+ eyen Zerah akanam idiọk ke ndida mme n̄kpọ nsobo, edi nte iyatesịt+ ikodoroke ofụri esop Israel ke idem? Enye ikonyụn̄ ikpaha ikpọn̄ ke idiọkn̄kpọ esie.’”+
21 Ekem nditọ Reuben ye nditọ Gad ye ubak esien Manasseh ẹbọrọ+ mme etubom ediwak tọsịn Israel ẹte:+
22 “Ata Ọkpọsọn̄,+ Abasi,+ Jehovah, Ata Ọkpọsọn̄, Abasi, Jehovah,+ ọmọfiọk,+ Israel oyonyụn̄ ọfiọk.+ Edieke edide nsọn̄ibuot,+ edieke onyụn̄ edide inam idiọkido idue Jehovah,+ ẹkûnyan̄a nnyịn mfịn emi.
23 Edieke nnyịn ikọbọpde itieuwa inọ idem nnyịn man ifiak edem itre nditiene Jehovah, onyụn̄ edieke ikọbọpde man ida iwa edifọp uwa inyụn̄ iwa uwa n̄kpasịp,+ edieke ikonyụn̄ ibọpde man iwa uwa ebuana, yak Jehovah odụn̄ọde ese;+
24 edieke mînyụn̄ idịghe n̄kpọ efen ekenyek nnyịn idem anam nnyịn inam n̄kpọ emi, ite, ‘Nditọ mbufo ẹyedọhọ nditọ nnyịn ke ini iso, ẹte: “Mbufo ẹsan̄a nso ye Jehovah Abasi Israel?
25 Koro Jehovah adade Jordan enịm adan̄a ke ufọt nnyịn ye mbufo, kpa nditọ Reuben ye nditọ Gad. Mbufo inyeneke udeme ke Jehovah.”+ Ndien nditọ mbufo ẹyenam nditọ nnyịn ẹtre ndibak Jehovah.’+
26 “Ntak edi oro nnyịn ikọdọhọde ite, ‘Mbọk ẹyak nnyịn itịm idem ibọp itieuwa inọ idem nnyịn, idịghe ndida mfọp uwa inyụn̄ idịghe ndida n̄wa uwa,
27 edi man ekpedi n̄kpọ ntiense ke ufọt nnyịn+ ye mbufo, ye ke ufọt mme emana nnyịn emi ẹditienede nnyịn edem man nnyịn inam n̄kpọ Jehovah ke iso esie ke ndifọp edifọp uwa nnyịn nnyụn̄ n̄wa mme uwa nnyịn eken ye mme uwa ebuana nnyịn,+ mbak nditọ mbufo ẹdidọhọ nditọ nnyịn ke ini iso ẹte: “Mbufo inyeneke udeme ke Jehovah.”’
28 Ntre ke nnyịn ikọdọhọ ite, ‘Ama ekem edieke mmọ ẹdidọhọde nnyịn n̄kpọ emi, ẹdinyụn̄ ẹdọhọde mme emana nnyịn ke ini iso, nnyịn n̄ko iyọdọhọ ite: “Mbufo ẹse mbiet itieuwa Jehovah oro mme ete ete nnyịn ẹkenamde mi, idịghe ndida mfọp uwa, inyụn̄ idịghe ndida n̄wa uwa, edi man edi n̄kpọ ntiense ke ufọt nnyịn ye mbufo.”’
29 Nsa nnyịn-o ndisọn̄ ibuot ye Jehovah nnyụn̄ mfiak edem mfịn emi ntre nditiene Jehovah+ ke ndibọp itieuwa emi ẹsiwade edifọp uwa, uwa n̄kpasịp ye uwa eken ke adan̄aemi edide imenyenyene itieuwa Jehovah Abasi nnyịn ke iso tent utuakibuot+ esie!”
30 Ke adan̄aemi Phinehas+ oku ye mbọn̄ esop+ ye mme ibuot ediwak tọsịn ke otu Israel ye kpukpru mbon emi ẹdude ye enye ẹkopde ikọ oro nditọ Reuben ye nditọ Gad ye nditọ Manasseh ẹtịn̄de, esịt enem mmọ.
31 Ntre ke Phinehas eyen Eleazar oku ọdọhọ nditọ Reuben ye nditọ Gad ye nditọ Manasseh ete: “Nnyịn imọfiọk mfịn emi ite ke Jehovah odu ke otu nnyịn,+ koro mbufo mînamke idiọkido idue Jehovah. Mmọdo mbufo ẹmenyan̄a nditọ Israel ẹsio ke ubọk Jehovah.”+
32 Ekem Phinehas eyen Eleazar oku ye mbọn̄ ẹdaha ẹkpọn̄+ nditọ Reuben ye nditọ Gad ke isọn̄ Gilead ẹnyọn̄ isọn̄ Canaan ẹbịne nditọ Israel ẹnyụn̄ ẹda etop ẹsọk mmọ.+
33 Ndien ikọ oro enem nditọ Israel esịt; nditọ Israel ẹtoro Abasi,+ inyụn̄ itịn̄ke aba iban̄a edidọk n̄kan̄wana nnyụn̄ nsobo isọn̄ emi nditọ Reuben ye nditọ Gad ẹdụn̄de.
34 Ndien nditọ Reuben ye nditọ Gad ẹsio itieuwa oro enyịn̄, koro “enye edide n̄kpọ ntiense ke ufọt nnyịn nte ke Jehovah edi ata Abasi.”+
