Judges 10;1-18
10 Ekem ke Abimelech ama akakpa, Tola eyen Puah, eyen Dodo, owo Issachar adaha ada ndinyan̄a+ Israel, ndien enye okodụn̄ ke Shamir ke obot obot ikpehe Ephraim.+
2 Ndien enye ekpe ikpe Israel ke isua edịp ye ita, ekem enye akpa, ẹnyụn̄ ẹbụk enye ke Shamir.
3 Ke enye ama akakpa, Jair owo Gilead+ adaha ada, ndien enye ekpe ikpe Israel ke isua edịp ye iba.
4 Ndien enye ama enyene nditọiren edịp ye duop emi ẹkesiwatde ke ass+ edịp ye duop emi ẹma ẹkekponi ẹwọrọ, mmọ ẹnyụn̄ ẹnyene obio edịp ye duop. Ndien ẹkot mme obio oro Havvoth-jair+ tutu esịm mfịn emi; mmọ ẹdu ke isọn̄ Gilead.
5 Edikem Jair akpa ẹnyụn̄ ẹbụk enye ke Kamon.
6 Ndien nditọ Israel ẹtọn̄ọ ntak ẹnam se idiọkde ke enyịn Jehovah,+ ẹnyụn̄ ẹnam n̄kpọ ẹnọ mme Baal+ ye mme mbiet Ashtoreth+ ye mme abasi Syria+ ye mme abasi Sidon+ ye mme abasi Moab+ ye mme abasi nditọ Ammon+ ye mme abasi mbon Philistia.+ Ntre mmọ ẹkpọn̄ Jehovah inyụn̄ inamke n̄kpọ esie.+
7 Ntem Jehovah enen̄ede ayat esịt ye Israel,+ tutu enye ayak+ mmọ esịn mbon Philistia+ ye nditọ Ammon+ ke ubọk.
8 Ntem mmọ ẹsuan ẹnyụn̄ ẹtetịm ẹfịk nditọ Israel ke isua oro—ke isua efịteta ke mmọ ẹkefịk kpukpru nditọ Israel emi ẹkedude ke edem Jordan oko ke isọn̄ mme Amorite emi okodude ke Gilead.
9 Ndien nditọ Ammon ẹbe Jordan ẹken̄wana ye Judah ye Benjamin ye ufọk Ephraim; ndien Israel ẹdu ke akwa nnanenyịn.+
10 Ekem nditọ Israel ẹseme ẹnọ Jehovah ẹyom un̄wam,+ ẹte: “Nnyịn imanam idiọkn̄kpọ+ idue fi, koro nnyịn ikọkpọn̄de Abasi nnyịn inyụn̄ ikanam n̄kpọ inọ Baal.+
11 Ndien Jehovah ọdọhọ nditọ Israel ete: “Nte idịghe Egypt+ ye mme Amorite+ ye nditọ Ammon+ ye mbon Philistia+
12 ye mbon Sidon+ ye Amalek+ ye Midian+ ke n̄kanyan̄a mbufo nsio mmọ ke ubọk ke ini mmọ ẹkefịkde mbufo+ ndien mbufo ẹseme ẹyom un̄wam?
13 Edi mbufo ẹma ẹkpọn̄ mi+ ẹkenam n̄kpọ ẹnọ mme abasi efen.+ Ntak edi oro ami mmendinyan̄ake mbufo aba.+
14 Ẹka ẹkeyom un̄wam ẹto mme abasi+ emi mbufo ẹmekde.+ Yak mmọ ẹnyụn̄ ẹnyan̄a mbufo ke ini nnanenyịn mbufo.”
15 Edi nditọ Israel ẹdọhọ Jehovah ẹte: “Nnyịn imanam idiọkn̄kpọ.+ Afo nyụn̄ nam ye nnyịn se ededi oro afo okụtde ke ọfọn fi ke enyịn.+ Edi, mbọk, kam nyan̄a nnyịn mfịn emi.”+
16 Ndien mmọ ẹsion̄o mme isen abasi ẹfep ke otu+ mmọ ẹnyụn̄ ẹnam n̄kpọ Jehovah,+ ukpọn̄+ esie inyụn̄ ikemeke aba ndiyọ afanikọn̄ oro ekesịmde Israel.+
17 Edikem nditọ Ammon+ ẹsop idem ọtọkiet ẹnyụn̄ ẹwụk itienna ke Gilead.+ Nditọ Israel ẹnyụn̄ ẹsop idem ọtọkiet, ndien ẹwụk itienna ke Mizpah.+
18 Ndien mbon Gilead ye mbọn̄ mmọ ẹdọhọ ye kiet eken ẹte: “Anie edibe iso man ikan̄wana ye nditọ Ammon?+ Yak enye akabade edi etubom ọnọ kpukpru mme andidụn̄ Gilead.”+
