Judges 17;1-13
17 Ndien owo kiet emi ekerede Micah odu ke obot obot ikpehe Ephraim.+
2 Ekem enye ọdọhọ eka esie ete: “Mbak silver tọsịn kiet ikie kiet oro ẹkebọde fi, oro afo okonyụn̄ esịnde isụn̄i,+ okonyụn̄ etịn̄de esịn mi ke utọn̄—sese! silver oro odu ye ami. Ami n̄kemen enye.”+ Ndien eka esie ọdọhọ enye ete: “Jehovah akpakam ọdiọn̄ fi eyen mi.”+
3 Ntem enye ọkpọn̄ mbak silver tọsịn kiet ikie kiet oro ọnọ eka esie;+ ndien eka esie ọdọhọ ete: “Nditreke ndida ubọk mi nnam silver oro asana nnọ Jehovah mban̄a eyen mi, man nnam edisọi mbiet+ ye editara mbiet;+ ndien mfiak n̄kpọn̄ enye nnọ fi.”
4 Ntre enye ọkpọn̄ silver oro ọnọ eka esie, eka esie onyụn̄ osio mbak silver ikie iba ọnọ odom silver.+ Enye ada anam edisọi mbiet+ ye editara mbiet;+ ndien ẹnịm enye ke ufọk Micah.
5 Edi Micah ama enyene ufọk mme abasi+, enye onyụn̄ anam ephod+ ye teraphim,+ onyụn̄ ada odudu+ ọyọhọ eyeneren esie kiet ubọk,* man enye anam utom nte oku ọnọ imọ.+
6 Ke eyo oro edidem ndomokiet ikodụhe ke Israel.+ Kpukpru owo ẹkenam se ededi oro enende mmọ ke enyịn.+
7 Ndien odu akparawa kiet oro ekedide owo Bethlehem+ eke Judah, emi okonyụn̄ otode ubon Judah, ndien enye ekedi eyen Levi.+ Enye okonyụn̄ odụn̄ do ke ekpri ini.
8 Ndien eren oro oto ke obio Bethlehem eke Judah ete ikodụn̄ ke ekpri ini ke ebiet ekededi emi imọ idikụtde itie. Edikem nte enye osụk akade, enye edi ke obot obot ikpehe Ephraim tutu edisịm ufọk Micah.+
9 Ndien Micah obụp enye ete: “Afo oto m̀mọ̀n̄?” Ndien enye ọbọrọ ete: “Ami ndi eyen Levi ndien nto Bethlehem eke Judah, nnyụn̄ nyom ebiet ekededi emi n̄kemede ndikụt itie ndụn̄ ke ekpri ini.”
10 Ntre Micah ọdọhọ enye ete: “Dụn̄ ye ami nyụn̄ tie nte ete+ ye oku+ nọ mi, ndien ami nyọnọ fi mbak silver duop ke isua ye ọfọn̄ oro odotde, ye udia.” Ndien eyen Levi oro enyịme ndidụn̄ do.
11 Ntem eyen Levi oro enyịme ndidụn̄ ye owo oro, ndien akparawa oro etie nte kiet ke otu nditọiren esie.
12 Ekem Micah ada odudu+ ọyọhọ eyen Levi oro ubọk, man akparawa oro edi oku+ ọnọ enye onyụn̄ aka iso odụn̄ ke ufọk Micah.
13 Ndien Micah ọdọhọ ete: “Ami mmọfiọk ke emi nte ke Jehovah ọyọfọn mfọn ye ami, koro eyen Levi oro amakabade edi oku mi.”+
