Judges 19;1-30
19 Ke eyo oro edidem ikodụhe ke Israel.+ Ndien eyen Levi kiet edidụn̄ ke ekpri ini ke ata nsannsan obot obot ikpehe Ephraim.+ Ekem enye ada n̄wan emi otode Bethlehem+ eke Judah ọdọ nte n̄wanesa.+
2 Ndien n̄wanesa esie oro edue enye anam use.+ Ekem n̄wan oro ọkpọn̄ enye adaha ọnyọn̄ ufọk ete esie ke Bethlehem ke Judah onyụn̄ okodu do ke ofụri ọfiọn̄ inan̄.
3 Ekem ebe esie adaha ebịne enye ndidọn̄ enye esịt nnyụn̄ nda enye mfiak nnyọn̄; enye onyụn̄ asan̄a ye isụn̄utom+ esie ye nyara ass iba. Ntre n̄wan emi ada enye odụk ufọk ete esie. Ke ndondo oro ete eyenan̄wan emi okụtde enye, enye okop idatesịt ndisobo ye enye.
4 Ntre ete n̄wan esie, kpa ete eyenan̄wan oro, omụm enye enịm, enye onyụn̄ odu do ye enye usen ita; ndien mmọ ẹdia n̄kpọ ẹnyụn̄ ẹn̄wọn̄ n̄kpọ, enye onyụn̄ adan̄ do.+
5 Edikem ke ọyọhọ usen inan̄, ke ini mmọ ẹbakde ẹdemede ke usenubọk nte ido edide, enye adaha ete inyọn̄, edi ete eyenan̄wan oro ọdọhọ ebe eyen esie ete: “Da ekpri uyo+ mụm idịbi mbemiso mbufo ẹnyọn̄ọ.”
6 Ntre mmọ ẹsụhọde ẹtie, mmọ mbiba ẹdia udia ẹnyụn̄ ẹn̄wọn̄ n̄kpọ ọtọkiet; ekem ete eyenan̄wan oro ọdọhọ eren oro ete: “Mbọk, dan̄+ mfịn mi, yak esịt onyụn̄ enem fi.”+
7 Ke ini eren oro adahade ete inyọn̄, ete n̄wan esie osụk ekpek enye tutu enye afiak adan̄ do.+
8 Ke ini enye abakde edemede ke usenubọk ọyọhọ usen ition ndidaha nnyọn̄, ete eyenan̄wan oro ọdọhọ ete: “Mbọk da uyo mụm idịbi.”+ Ndien mmọ ẹbịghi tutu esịm mbubreyo. Mmọ mbiba ẹnyụn̄ ẹdia udia.
9 Eren+ oro adaha ada ndien ete inyọn̄, enye ye n̄wanesa+ esie ye isụn̄utom+ esie; edi ete n̄wan esie, kpa ete eyenan̄wan oro, ọdọhọ enye ete: “Ke emi, sese! eyo ekpere ndikụt. Mbọk, mbufo ẹdan̄+ mfịn mi. Koro eyo ke okụt. Ẹdan̄ mfịn mi, ẹnyụn̄ ẹnem idem mbufo esịt.+ Ndien n̄kpọn̄ mbufo ẹbabak ẹtọn̄ọ isan̄ ẹka tent mbufo.”
10 Ndien eren oro inyịmeke ndidan̄ do, edi enye adaha isan̄ unyọn̄, onyụn̄ asan̄a tutu edisịm nsakiso Jebus,+ oro edi, Jerusalem;+ ndien nyara ass iba emi ẹdoride ifụm ke edem ẹdu ye enye, ọkọrọ ye n̄wanesa esie ye isụn̄utom esie.
11 Ke adan̄aemi mmọ ẹkperede Jebus, sia eyo ama ekenen̄ede osụhọde,+ isụn̄utom oro ọdọhọ eteufọk esie ete: “Ẹyak nnyịn iwaha obio Jebus+ emi idan̄ do.”
12 Edi eteufọk esie ọdọhọ enye ete: “Ẹyak nnyịn ikûwaha obio isenowo+ emi mîdịghe nditọ Israel; ẹyak ibe ika Gibeah.”+
13 Enye onyụn̄ ọdọhọ isụn̄utom esie ete: “Ẹdi nnyịn ikadan̄ ke kiet ke otu mme ebiet emi, edide ke Gibeah m̀mê ke Ramah.”+
14 Ntre mmọ ẹsan̄a ẹbe ẹka, ndien utịn ọtọn̄ọ ndisop ke ini mmọ ẹkperede Gibeah emi enyenede Benjamin.
15 Ntem mmọ ẹwaha ẹka ndidan̄ ke Gibeah. Ndien mmọ ẹwaha ẹkesụhọde ẹtie ke an̄wa obio oro, inyụn̄ idụhe owo emi adade mmọ odụk ufọk man ẹdan̄+ do.
16 Ekem, sese! Akani eren kiet ọnyọn̄ utom in̄wan̄ edi ke mbubreyo,+ ndien eren oro edi owo obot obot ikpehe Ephraim,+ onyụn̄ odụn̄ ke Gibeah ke ekpri ini; edi mbon obio oro ẹkedi nditọ Benjamin.+
17 Ke ini enye emenerede enyịn, enye okụt owo oro, kpa akaisan̄ oro, ke an̄wa obio. Ntre akani eren oro ọdọhọ ete: “Afo oto m̀mọ̀n̄, onyụn̄ aka m̀mọ̀n̄?”+
18 Ndien eren oro ọbọrọ enye ete: “Nnyịn ito Bethlehem ke Judah ndibe nnyọn̄ ata nsannsan obot obot ikpehe Ephraim.+ Do ke ami nto, edi n̄kaka Bethlehem ke Judah;+ ndien nyom ndinyọn̄ ufọk mi, edi idụhe owo eke adade mi esịn ke ufọk.+
19 Nnyịn imakama nnyanyan̄a ye udia+ ufene inọ nyara ass nnyịn, imonyụn̄ inyene uyo+ ye wine eke ekemde mi ye ofụn an̄wan+ fo ye isụn̄utom+ emi odude ye owo fo. Nnyịn inanake baba n̄kpọ kiet.”
20 Edi akani eren oro ọdọhọ ete: “Emem akpakam odu ye afo!+ Kam yak mi nse mban̄a se ededi oro ananade fi.+ Edi kûdan̄ ke an̄wa obio.”
21 Ndien akani eren oro ada enye esịn ke ufọk+ esie onyụn̄ otop udia oro ẹbuakde ọnọ nyara ass.+ Ekem mmọ ẹyet ukot,+ ndien ẹdia udia ẹnyụn̄ ẹn̄wọn̄ n̄kpọ.
22 Ke adan̄aemi mmọ ẹsụk ẹnemde idemmọ esịt,+ sese! irenowo obio oro, mme mbukpo owo,+ ẹkan ufọk oro ẹkụk,+ ẹberi kiet eken ẹtọ ke usụn̄; mmọ ẹnyụn̄ ẹdọhọ akani eren oro, kpa enyeneufọk, ẹte: “Sio eren oro odụkde ufọk fo di, man nnyịn idan̄ enye.”+
23 Ndien enyeneufọk oro ọwọrọ etiene mmọ,+ ọkọdọhọ mmọ ete: “Mbọk nditọete+ mi, ẹkûnam baba idiọk kiet, mbọk, sia owo emi edide edidụk ufọk mi. Ẹkûnam esuene esuene ido+ emi.
24 Sese eyen mi an̄wan emi mîfiọkke erenowo mi ye n̄wanesa eren emi. Ẹyak nda mmọ n̄wọrọ nsọk mbufo, mbufo ẹdan̄ mmọ ke n̄kanubọk+ ẹnyụn̄ ẹnam mmọ nte ọfọnde mbufo ke enyịn. Edi ẹkûnam esuene esuene n̄kpọ emi ye eren emi.”
25 Ndien iren oro imaha ndikpan̄ utọn̄ nnọ enye. Ntem eren oro omụm n̄wanesa+ esie ọwọrọ ada ọsọk mmọ ke an̄wa; ndien mmọ ẹdan̄ enye,+ ẹnyụn̄ ẹsabade+ enye ofụri okoneyo oro tutu esịm usenubọk, ke ini eyo ọtọn̄ọde ndisiere, mmọ ẹsana enye ẹyak.
26 Ndien n̄wan oro edi ke usiere, ediduọ ana ke enyịnusụn̄ ufọk eren oro eteufọk esie odude,+—tutu utịn asiaha.
27 Ekem eteufọk esie edemede ke usenubọk, eberede usụn̄ onyụn̄ ọwọrọ ete inyọn̄, ndien sese! n̄wan oro mi, kpa n̄wanesa+ esie, ọduọde ana ke enyịnusụn̄, ubọk esie onyụn̄ odoro ke asan̄udọk!
28 Ndien enye ọdọhọ n̄wan oro ete: “Daha da man inyọn̄ọ.” Edi enye ibọrọke.+ Ntre eren oro emen enye odori ke ass adaha ọnyọn̄ ebiet esie.+
29 Ekem enye edisịm ufọk esie ndien ada ikwa ubakunam, omụm n̄wanesa esie okpok ke ikek ke ikek esịn ke itie duopeba+ onyụn̄ ọnọ enye ẹsọk ofụri obio Israel.+
30 Ndien kpukpru owo eke ẹkụtde n̄kpọ emi ẹdọhọ ẹte: “Akananam owo inamke utọ n̄kpọ emi, owo inyụn̄ ikwe utọ n̄kpọ emi toto ke usen emi nditọ Israel ẹkewọrọde ke isọn̄ Egypt tutu esịm mfịn emi. Mbufo ẹkere ẹban̄a n̄kpọ emi, ẹkọk ibuot,+ ẹnyụn̄ ẹtịn̄ se mbufo ẹkerede.”
