Leviticus 7;1-38
7 “‘Ndien emi edi ibet uwa ubiomikpe:+ Enye edi ata edisana n̄kpọ.+
2 Mmọ ẹdiwot unam uwa ubiomikpe ke ebiet+ emi ẹsiwotde unam edifọp uwa, ndien ẹyeda iyịp+ esie ẹsịme+ ẹkanade itieuwa.
3 Amaedi ofụri ikpọn̄+ esie, enye ediwa ikpọn̄ ikpọn̄ isịm ye ikpọn̄ emi ofụhọde ke nsia,
4 ye ekpụt mbiba ye ikpọn̄ emi ofụhọde ke mmọ ukem nte enye oro adianade ke isịn. Amaedi ikpọn̄ oro ofụkde esịt, enye ayadian̄ade ikpọn̄ ye mme ekpụt+ oro.
5 Ndien oku enyene ndifọp mmọ ke itieuwa nte uwa emi ẹfọpde ke ikan̄ ẹnọ Jehovah.+ Enye edi uwa ubiomikpe.
6 Kpukpru irenowo ke otu mme oku ẹdita enye.+ Ẹdita enye ke edisana ebiet. Enye edi ata edisana n̄kpọ.+
7 Uwa ubiomikpe ebiet uwa idiọkn̄kpọ. Mmọ ẹnyene ibet kiet.+ Enye edinyene oku emi edidade enye osio isop.
8 “‘Amaedi oku emi awade edifọp uwa owo ekededi, ikpa+ unam edifọp uwa emi owo oro ọnọde oku edidi eke oku oro.
9 “‘Ndien uwa n̄kpasịp ekededi emi ẹsan̄de ke usan̄uyo+ ye emi ẹfran̄de ke aran ke eso ufran̄n̄kpọ,+ emi ẹnyụn̄ ẹsan̄de ke akpan̄kpan̄+ enyene oku emi awade enye. Enye edinyene oku.+
10 Edi kpukpru uwa n̄kpasịp oro ẹbuakde aran+ m̀mê eke edide nsat+ ẹdinyene kpukpru nditọiren Aaron, eke owo kiet edidi ukem nte eke owo enye eken.
11 “‘Ndien emi edi ibet uwa ebuana+ oro owo ediwade ọnọ Jehovah:
12 Edieke enye awade uwa ekọm,+ se enye enyenede ndidian ke uwa ekọm oro edidi ekara uyo eke leaven mîdụhe emi ẹbuakde aran ye mfefere uyo eke leaven mîdụhe emi ẹyetde aran+ ye eti ndomuyo emi ẹtịmde ẹbuak ẹda ẹnam ekara uyo emi ẹbuakde aran.
13 Enye ayadian ekara uyo eke leaven+ odude ke uwa esie oro asan̄ade ye uwa ebuana emi enye ọnọde nte uwa ekọm.
14 Ndien enye oyosio kiet ke otu se enye adade edi ndiwa, ọnọ Jehovah nte edisana udeme;+ emi edinyene oku+ emi esịmede iyịp uwa ebuana.
15 Ndien ẹnyene ndita obụk unam uwa ebuana emi enye awade nte uwa ekọm ke usen emi enye awade. Enye inyeneke ndiyak baba kiet osụhọ tutu esịm usenubọk.+
16 “‘Ndien edieke uwa emi enye awade edide akan̄a+ m̀mê uwa unyịmesịt,+ ẹdita enye ke usen emi enye awade uwa esie, ndien ẹkeme n̄ko ndita se isụhọde ke ndan̄nsiere.
17 Edi ẹnyene ndifọp obụk unam uwa emi osụhọde esịm ọyọhọ usen ita ke ikan̄.+
18 Ndien edieke ẹtade obụk unam uwa ebuana esie ke ọyọhọ usen ita, Abasi idinemke esịt+ ye andiwa. Idibatke enye inọ andiwa.+ Emi edidi n̄kpọ ndek, ndien ikpe oyobiom ukpọn̄ emi atade ubak unam emi.+
19 Owo inyeneke ndita obụk unam emi otụkde ndedehe+ n̄kpọ ekededi. Ẹnyene ndifọp enye ke ikan̄. Amaedi obụk unam eken, kpukpru owo eke ẹsanade ẹkeme ndita.
20 “‘Ndien amaedi ukpọn̄ eke atade obụk unam uwa ebuana, emi enyenede Jehovah, ke adan̄aemi ndek esie osụk odude enye ke idem, ẹnyene ndisịbe ukpọn̄ oro mfep ke otu mbio obio esie.+
21 Ndien edieke ukpọn̄ otụkde ndedehe n̄kpọ ekededi, ndek owo+ m̀mê ndedehe unam+ m̀mê ndedehe n̄kpọ itekesịt ekededi,+ onyụn̄ atade ndusụk obụk unam uwa ebuana, emi enyenede Jehovah, ẹnyene ndisịbe ukpọn̄ oro mfep ke otu mbio obio esie.’”
22 Ndien Jehovah ọdọhọ Moses ete:
23 “Dọhọ nditọ Israel ete, ‘Mbufo ẹkûta ikpọn̄+ ayara enan̄ m̀mê eke abak okukịm erọn̄ m̀mê eke ebot.
24 Ndien mbufo ẹmekeme ndida ikpọn̄ unam emi ama akakpa ye ikpọn̄ unam eke ẹwaide+ nnam n̄kpọ efen ekededi, edi mbufo ẹkûta enye baba kiet.
25 Koro owo ekededi eke atade ikpọn̄ unam emi enye ọnọde nte uwa emi ẹfọpde ke ikan̄ ẹnọ Jehovah, ẹnyene ndisịbe ukpọn̄ eke atade mfep+ ke otu mbio obio esie.
26 “‘Ndien mbufo ẹkûdia iyịp+ ekededi ke ebiet ekededi emi mbufo ẹdụn̄de, edide eke inuen m̀mê eke unam.
27 Amaedi ukpọn̄ ekededi emi adiade iyịp ekededi, ẹnyene ndisịbe ukpọn̄ oro mfep+ ke otu mbio obio esie.’”
28 Ndien Jehovah ọdọhọ Moses ete:
29 “Dọhọ nditọ Israel ete, ‘Owo eke adade uwa ebuana esie ọsọk Jehovah, edisio uwa emi enye ọnọde Jehovah ke otu uwa ebuana+ esie.
30 Ubọk esie ayada ikpọn̄+ emi ofụhọde ke ikọn̄esịt edi nte uwa Jehovah emi ẹfọpde ke ikan̄. Enye edida enye edi ye ikọn̄esịt ndifụn̄ enye n̄ka iso mfiak edem nte edifụn̄ uwa+ ke iso Jehovah.
31 Ndien oku enyene ndifọp+ ikpọn̄ emi ke itieuwa, edi ikọn̄esịt edinyene Aaron ye nditọiren esie.+
32 “‘Ndien mbufo ẹyesio ukot nnasia ke uwa ebuana mbufo ẹnọ oku nte edisana udeme.+
33 Kiet ke otu nditọiren Aaron emi awade iyịp uwa ebuana ye ikpọn̄ edinyene ukot nnasia nte udeme esie.+
34 Amaedi ikọn̄esịt edifụn̄ uwa+ ye ukot edisana udeme, mmosio ke uwa ebuana nditọ Israel nda nnọ Aaron oku ye nditọiren esie, nte nsinsi ewụhọ, ke otu nditọ Israel.
35 “‘Emi ekedi udeme itie oku Aaron ye udeme itie oku nditọiren esie emi otode uwa Jehovah emi ẹfọpde ke ikan̄, ke usen emi enye adade mmọ edi+ ete ẹnam utom nte oku Jehovah,
36 kpa nte Jehovah okowụkde ete iyọnọ mmọ ke usen emi enye eyetde mmọ aran+ ke otu nditọ Israel. Emi edi nsinsi ewụhọ ke ofụri emana mmọ.’”+
37 Emi edi ewụhọ emi aban̄ade edifọp uwa,+ uwa n̄kpasịp+ ye uwa idiọkn̄kpọ+ ye uwa ubiomikpe+ ye uwa edida owo nsịn ke itieutom+ ye uwa ebuana,+
38 kpa nte Jehovah okowụkde Moses ke Obot Sinai+ ke usen emi enye okowụkde nditọ Israel ete ẹda uwa mmọ ẹsọk Jehovah ke wilderness Sinai.+
