Malachi 4;1-6
4 “Koro, sese! usen ke edi eke asakde nte akwa ikan̄,+ ndien kpukpru mbon iseri ye mbon oro ẹnamde idiọkido ẹyetie nte ọkpọ nnyanyan̄a.+ Ndien usen oro edide iditreke ndita mmọ,” Jehovah mme udịm ọdọhọ, “idinyụn̄ isụhọke orụn̄ m̀mê n̄kọk inọ mmọ.+
2 Edi utịn edinen ido ayasiaha ọnọ mbufo emi ẹbakde enyịn̄ mi,+ se ikọkde udọn̄ọ oyodu enye ke mba;+ ndien mbufo ẹyewọn̄ọ ẹkefrọ nte nditọ enan̄ eke ẹnyenede isek.”+
3 “Ndien mbufo ẹyedịghi mme idiọkowo, koro mmọ ẹyekabade ntọn̄ ke ekaikpat mbufo ke usen emi ami ndinamde n̄kpọ,”+ Jehovah mme udịm ọdọhọ.
4 “Mbufo ẹti ibet Moses, asan̄autom mi, emi n̄kowụkde enye ke Horeb mban̄a ofụri Israel, kpa mme ewụhọ ye mme ubiereikpe.+
5 “Sese! Ami mmọn̄ ndọn̄ prọfet Elijah+ utom nnọ mbufo mbemiso akwa ye enyene-ndịk usen Jehovah edide.+
6 Ndien enye ayakabade esịt mme ete ọnọ nditọ, onyụn̄ akabade esịt nditọ ọnọ mme ete; mbak ami ndidi ndimia isọn̄ nnyụn̄ nyak enye nnọ nsobo.”+
