Micah 2;1-13
2 “Mbọm mbon oro ẹduakde idiọk, ye mbon oro ẹnade ke bed mmọ ẹkere ndinam idiọk!+ Mmọ ẹnam enye ke usiere,+ koro odudu esịnede mmọ ke ubọk.+
2 Ndien mmọ ẹyom mme in̄wan̄ ẹnyụn̄ ẹbọ ke n̄kanubọk;+ ẹyom mme ufọk n̄ko, ẹnyụn̄ ẹbọ ẹda; mmọ ẹnyụn̄ ẹtụk owo ye mbonufọk+ esie, ẹnyụn̄ ẹbian̄a owo ye udeme inyene esie.+
3 “Mmọdo ntem ke Jehovah ọdọhọ ete, ‘Sese ami mmekere ndida afanikọn̄+ ntiene idụt+ emi, afanikọn̄ emi mbufo mîdikemeke ndisio itọn̄ mbufo mfep,+ mbak mbufo ẹdisan̄a ke iseri;+ koro emi edi ini afanikọn̄.+
4 Ke usen oro owo oyotoho mbufo ufiet+ onyụn̄ eseme eseme, ih eseme.+ Owo oyonyụn̄ ọdọhọ ete: “Ẹmebụme nnyịn idiọk idiọk!+ Enye omokpụhọde udeme ikọt mi.+ Kamse nte enye emende enye ọkpọn̄ mi! Enye emedeme in̄wan̄ nnyịn ọnọ owo eke mînamke akpanikọ.”
5 Mmọdo afo udunyeneke owo ndomokiet ke esop Jehovah emi edidade urụk odomo isọn̄ oro ẹsịnde afia+ ẹdeme.
6 Mbufo ẹkûtịn̄ ikọ.+ Mmọ ẹtịn̄ ikọ. Mmọ iditịn̄ke ikọ iban̄a mme n̄kpọ emi. Esuene iditreke.+
7 “‘O ufọk Jacob,+ ndi ẹdọhọ ẹte: “Nte spirit Jehovah amayat esịt, mîdịghe nte mme edinam esie ẹdi emi?”+ Nte ikọ mi inamke ufọn+ inọ owo eke asan̄ade nte enende?+
8 “‘Ndien ikọt mi ẹma ẹkabade ẹdi ata asua mi n̄kpọn̄.+ Mbufo ẹmesion̄o ndiye n̄kpọmbana ke iso ọfọn̄ mbon oro ẹsan̄ade uko uko ẹbe, nte mbon oro ẹnyọn̄de ekọn̄ ẹdi.
9 Mbufo ẹmebịn iban ikọt mi ẹsion̄o ke ufọk oro n̄wan okopde idatesịt. Mbufo ẹmesio ubọn̄+ mi ẹfep ke idem nditọ esie, ke nsinsi.+
10 Daha da nyọn̄,+ koro idịghe ebiet nduọkodudu edi emi.+ Ke ntak oro enye edehede,+ ẹyesobo enye; ndien nsobo emi ayabiak enye.+
11 Edieke owo emi asan̄ade ke ofụm ye abian̄a osude nsu ete:+ “Nyetịn̄ ikọ nnọ fi mban̄a wine ye ọkpọsọn̄ mmịn,” enye n̄ko ayakabade edi owo emi etịn̄de ikọ ọnọ mbio obio esie.+
12 “‘Nditreke nditan̄ Jacob, kpukpru mbufo,+ mbon ọtọkiet; ndinyụn̄ ntreke nditan̄ nsụhọ Israel mbon ọtọkiet.+ Nyobon mmọ ọtọkiet, nte otuerọn̄ ke itienna, ye nte otu ufene ke in̄wan̄ mbiet;+ mme owo ẹyenam uyom ke mmọ.’+
13 “Enye emi obomde ọwọrọ eyebem mmọ iso:+ mmọ ẹyebom ẹwọrọ. Ndien mmọ ẹyesan̄a ke inuaotop ẹbe, ẹnyụn̄ ẹto ke esịt ẹwọn̄ọ.+ Ndien edidem mmọ eyebem mmọ iso ebe, Jehovah oyonyụn̄ ebem mmọ iso.”+
