Mme Hebrew 4;1-16
4 Ke ntre, sia un̄wọn̄ọ edidụk ke nduọkodudu+ esie osụk odude, ẹyak ikpeme mbak editie nte owo mbufo ekededi ataba enye ke ini ekededi.+
2 Koro ẹma ẹkwọrọ eti mbụk ẹnọ nnyịn n̄ko,+ kpa nte ẹkekwọrọde ẹnọ mmọ n̄ko;+ edi ikọ oro mmọ ẹkekopde ikenyeneke ufọn inọ mmọ,+ koro mmọ ikadianake kiet ke mbuọtidem+ ye mbon oro ẹkekopde.+
3 Koro nnyịn emi ikọbuọtde idem ima idụk ke nduọkodudu oro, kpa nte enye ọkọdọhọde ete: “Ntre mma n̄n̄wọn̄ọ+ ke iyatesịt mi nte, ‘Mmọ ididụkke+ ke nduọkodudu mi,’”+ okposụkedi utom esie ama okokụre+ toto ke editọn̄ọ ererimbot.+
4 Koro enye ọdọhọde ke ebiet kiet aban̄a ọyọhọ usen itiaba ntem ete: “Ndien Abasi ọduọk odudu ke kpukpru utom esie ke ọyọhọ usen itiaba,”+
5 onyụn̄ afiak ọdọhọ ke ebiet emi ete: “Mmọ ididụkke ke nduọkodudu mi.”+
6 Ntre, sia osụk anade ndusụk owo ẹdụk ke nduọkodudu oro, ndien mbon oro ẹkebemde iso ẹkwọrọ eti mbụk+ ẹnọ mîkodụkke ke ntak ntụtutọn̄,+
7 enye afiak osio usen kiet enịm ke ndidọhọ ke ata anyan ini ama ekebe ke psalm David ete “Mfịn”; kpa nte ẹkebemde iso ẹtịn̄: “Mfịn edieke mbufo ẹkopde uyo esie,+ ẹkûsọn̄ esịt.”+
8 Koro edieke Joshua+ akpakadade mmọ odụk ebiet nduọkodudu,+ Abasi ikpeketịn̄ke+ iban̄a usen efen ke oro ebede.
9 Ntre sabbath nduọkodudu osụk ododu ọnọ ikọt Abasi.+
10 Koro owo oro odụkde nduọkodudu Abasi+ ọduọk odudu n̄ko ke utom esie,+ kpa nte Abasi ọkọduọkde ke esie.
11 Ke ntre ẹyak nnyịn inam ofụri se ikemede man idụk ke nduọkodudu oro, mbak owo baba kiet ediduọ odụk orụk ntụtutọn̄ oro.+
12 Koro ikọ+ Abasi enyene uwem+ onyụn̄ enyene odudu+ onyụn̄ ọsọp akan akan̄kan̄ iso iba+ onyụn̄ ekịm abahade ukpọn̄+ ye spirit,+ ye ikek ye ndia esie, onyụn̄ ekeme ndifiọk mme uduak ye ekikere esịt owo.+
13 Ndien idụhe baba n̄kpọ kiet oro Abasi obotde eke edịbede enye ke enyịn,+ edi kpukpru n̄kpọ ẹna iferi ẹnyụn̄ ẹna in̄wan̄-in̄wan̄ ke enyịn enye emi nnyịn inyenede ndinam ibat nnọ.+
14 Mmọdo, sia nnyịn inyenede akamba akwa oku, kpa Jesus Eyen Abasi,+ emi akasan̄ade ebe odụk heaven,+ ẹyak nnyịn idọdiọn̄ itịn̄ iban̄a enye.+
15 Koro akwa oku oro nnyịn inyenede idịghe enye emi mîkemeke nditua nnyịn mbọm+ ke mmemidem nnyịn, edi, edi enye emi ẹma ẹkedomo ẹse ke kpukpru usụn̄ kpa nte nnyịn, edi inyeneke idiọkn̄kpọ.+
16 Ke ntre, ẹyak nnyịn ida ifụre utịn̄ikọ+ oro inyenede isan̄a ikpere+ ebekpo mfọnido oro owo mîdotke, man ẹkpetua nnyịn mbọm nnyịn ikponyụn̄ ikụt mfọnido oro owo mîdotke ke nnennen ini oro nnyịn iyomde un̄wam.+
