Psalm 11;1-7
Ẹnọ adausụn̄. Eke David.
11 Ami nda Jehovah ke ebiet ubọhọ.+Mbufo ẹnam didie ẹdọhọ ukpọn̄ mi ẹte:“Fe nte inuen ka obot fo!+
2 Koro sese! mme idiọkowo ẹmekọk utịgha,+Mmọ ẹdori idan̄ mmọ ke urụk utịgha,Man ẹtie ke ekịm ẹtop mmọ eke esịt mmọ enende.+
3 Ke ini ẹwụride mme itiat idakisọn̄,+Nso ke edinen owo edinam?”
4 Jehovah odu ke edisana temple esie.+Jehovah—ebekpo esie odu ke heaven.+Enyịn esie omokụt, nyayama enyịn esie odụn̄ọde+ nditọ owo.
5 Jehovah odụn̄ọde edinen owo ọkọrọ ye idiọkowo,+Ndien ukpọn̄ Esie asasua owo ekededi eke amade afai.+
6 Enye ayanam afia, ikan̄ ye sulphur ẹdep mme idiọkowo ke idem+Ye ufiop ofụm nte udeme cup mmọ.+
7 Koro Jehovah edide edinen;+ enye amama ndinen edinam.+Mmọ eke ẹnende ẹdikụt iso esie.+
