Psalm 12;1-8
Ẹnọ adausụn̄ ke Sheminith.+ Ikwọ David.
12 Nyan̄a mi,+ O Jehovah, koro mbon emi ẹsọn̄ọde ẹda ẹmekụre;+Koro mbon oro ẹnamde akpanikọ ẹmekụre ke otu nditọ owo.
2 Mmọ ẹtịn̄ se mîdịghe akpanikọ ẹnọ kiet eken;+Ẹda nneminua+ ẹtịn̄ ikọ ye esịt iba.+
3 Jehovah eyesịbe kpukpru mbon nneminua efep,Kpa edeme eke etịn̄de ikpọ n̄kpọ,+
4 Mbon oro ẹdọhọde ẹte: “Nnyịn iyada edeme nnyịn ikan.+Nnyịn inyene n̄kpọkinua nnyịn. Anie edidi etubom ọnọ nnyịn?”
5 “Ke ntak emi ẹbụmede mbon ukụt, ke ntak eseme mme ubuene,+Ami nyadaha nda ke emi,” ntem ke Jehovah ọdọhọ.+“Ami nyekpeme enye nsio ke ubọk owo ekededi oro asakde enye nsahi.”+
6 Ikọ Jehovah edi edisana ikọ,+Nte silver emi ẹtarade ẹnam asana ke ikan̄ utịm emi ẹbarade ke isọn̄, emi ẹdụhọrede utịm ikatiaba.
7 O Jehovah, afo eyekpeme mmọ;+Afo oyomụm mmọ kiet kiet akama ọtọn̄ọde ke emana emi tutu ke nsinsi.
8 Mme idiọkowo ẹsan̄a ẹkanade,Koro ẹtorode oburobụt ido ke otu nditọ owo.+
