Psalm 121;1-8
Ikwọ Mmọ emi Ẹdọkde.
121 Ami nyemenede enyịn mi nse mme obot.+Un̄wam mi edito m̀mọ̀n̄?+
2 Un̄wam mi oto Jehovah,+Kpa Andinam enyọn̄ ye isọn̄.+
3 Enye idiyakke ukot fo esehede.+Andikpeme fi idiyetke idap.+
4 Sese! Enye idiyetke idap, idinyụn̄ idehe,+Kpa Enye emi ekpemede Israel.+
5 Jehovah ke ekpeme fi.+Jehovah edi mfụt+ ke ubọk nnasia fo.+
6 Utịn idifiomoke fi ke uwemeyo,+Ọfiọn̄ idinyụn̄ ifiomoke fi ke okoneyo.+
7 Jehovah eyekpeme fi osio ke kpukpru afanikọn̄.+Enye eyekpeme ukpọn̄ fo.+
8 Jehovah eyekpeme fi ke ini afo ọwọrọde ye ke ini afo odụkde+Ke emi ye ke nsinsi.+
