Psalm 19;1-14
Ẹnọ adausụn̄. Ikwọ David.
19 Mme heaven ke ẹbụk ubọn̄ Abasi;+Ikpaenyọn̄ onyụn̄ etịn̄ se ubọk esie anamde.+
2 Uwemeyo kiet kiet anam ikọ ọwọrọ,+Okoneyo kiet kiet onyụn̄ osio ifiọk owụt.+
3 Mmọ itịn̄ke n̄kpọ, ikọ inyụn̄ idụhe;Owo ikopke mmọ uyo.+
4 Urụk udomon̄kpọ mmọ emesịm ofụri isọn̄,+Ikọ mmọ omonyụn̄ esịm utịt isọn̄.+Enye onyụn̄ ọbọp tent ke mmọ ọnọ utịn,+
5 Enye onyụn̄ ebiet ebendọ ke ini otode ke ubet ndọ esie ọwọrọ edi;+Enye adara ndifehe ke usụn̄ esie nte emi ọkpọsọn̄ owo efehede.+
6 Enye oto ke utịt heaven kiet ọwọrọ,Onyụn̄ asan̄a akanade ekesịm utịt eken;+Ndien baba n̄kpọ kiet idụhe emi ufiop esie mîtụkke.+
7 Ibet+ Jehovah ọfọn ama,+ edemede ukpọn̄.+Se Jehovah etide+ nnyịn edi se ẹberide edem,+ anam ọkọi edi ọniọn̄.+
8 Mme ewụhọ+ Jehovah ẹnen,+ ẹdat owo esịt;+Ibet+ Jehovah asana,+ an̄wan̄a owo enyịn.+
9 Mbak+ Jehovah edi edisana, ada ke nsinsi.Mme ubiereikpe+ Jehovah ẹdi akpanikọ;+ kpukpru mmọ ẹnenen.+
10 Mmọ ẹdi se ẹkpeyomde ẹkan gold, ih, ẹkan gold emi ẹtịmde ẹdụhọde;+Ẹnyụn̄ ẹnịn̄e ẹkan aranọkwọk+ ye aranọkwọk emi ọtọide ke obukpa.+
11 N̄ko, ẹmeda mmọ ẹdụri asan̄autom fo utọn̄;+Akwa udori odu ke ndinịm mmọ.+
12 Anie ekeme ndidiọn̄ọ ndudue esiemmọ?+Nam mi nsana mbọhọ ndedịbe idiọkn̄kpọ.+
13 Nyụn̄ kpeme asan̄autom fo sio ke mme edinam iseri;+Kûyak mmọ ẹkara mi.+Ntre ke ami ndiyọhọ n̄kem,+Ami nyonyụn̄ nsana mbọhọ ekese ubiatibet.
14 Yak ikọ inua mi ye se esịt mi ekerede+Ẹnem fi, O Jehovah Akwa Itiat+ mi ye Andifak mi.+
