Psalm 32;1-11
Eke David. Maskil.
32 Owo emi ẹfende nsọn̄ibuot esie ẹnyụn̄ ẹfụkde idiọkn̄kpọ esie okop inemesịt.+
2 Owo emi Jehovah mîbatke ndudue esie inọ enye,+Emi mînyụn̄ inyeneke edu abian̄a, okop inemesịt.+
3 Ke ini n̄kodopde uyo mme ọkpọ mi ẹyemede oto mmụm emi mmụmde ofụri usen.+
4 Koro ubọk fo okodobide mi ke idem uwemeyo ye okoneyo.+Mmọn̄ uwem asat mi ke idem nte ini ufiop ndaeyo.+ Selah.
5 Ekem nyarade idiọkn̄kpọ mi nnọ fi, nnyụn̄ mfụkke ndudue mi.+N̄kọdọhọ nte: “Nyayarade idiọkn̄kpọ mi nnọ Jehovah.”+Ndien afo efen ndudue mi ye mme idiọkn̄kpọ mi.+ Selah.
6 Ke ntak emi, kpukpru mbon emi ẹsọn̄ọde ẹda ye afo ẹyebọn̄ akam ẹnọ fi+Ke adan̄aemi ẹkemede ndikụt fi.+Ndien ukwọ ediwak mmọn̄ iditụkke enye.+
7 Afo edi ebiet udịbe mi; afo eyekpeme mi osio ke nnanenyịn.+Afo ayanam n̄kpo idara akan mi okụk ke edinyan̄a emi afo ọnọde mi.+ Selah.
8 “Ami nyanam fi enyene ikike nyonyụn̄ nteme fi usụn̄ eke afo edisan̄ade.+Nyetịn̄ fi enyịn ke idem nnyụn̄ nteme fi.+
9 Mbufo ẹkûbiet enan̄-mbakara m̀mê mule emi mînyeneke ifiọk,+Emi ẹdade n̄kpahainua ye urụk ẹsụk ide mmọ+Mbemiso mmọ ẹsan̄ade ẹkpere fi.”+
10 Mme idiọkowo ẹkop ediwak ubiak;+Edi amaedi owo eke ọbuọtde idem ye Jehovah, ima-mfọnido akan enye okụk.+
11 Mbufo ndinen owo ẹdat esịt ke Jehovah ẹnyụn̄ ẹdara;+Ẹnyụn̄ ẹsio n̄kpo idara, kpukpru mbufo emi esịt enende.+
