Psalm 4;1-8
Ẹnọ adausụn̄ ke ndido urụk.+ Ikwọ David.
4 O edinen Abasi mi, yere mi ke ini n̄kotde fi.+Nam akwa ufan̄ nọ mi ke ini nnanenyịn.Tua mi mbọm+ nyụn̄ kop akam mi.
2 Mbufo nditọ owo, adan̄a didie ke ubọn̄ mi+ edidi n̄kpọ usọn̄enyịn,Ke adan̄aemi mbufo ẹsụk ẹmade mme ikpîkpu n̄kpọ,Ke adan̄aemi mbufo ẹsụk ẹdụn̄ọrede ẹyom nsu? Selah.
3 Ntre ẹfiọk ẹte ke Jehovah ayadian̄ade owo emi ọsọn̄ọde ada ye enye+ enịm;Jehovah oyokop ke ini n̄kotde enye.+
4 Ẹyat esịt, edi ẹkûnam idiọkn̄kpọ.+Ẹna ke bed+ mbufo ẹneme ke esịt mbufo, ẹnyụn̄ ẹdop uyo. Selah.
5 Ẹwa mme uwa edinen ido,+Ẹnyụn̄ ẹbuọt idem ye Jehovah.+
6 Ediwak owo ẹdọhọ ẹte: “Anie ediwụt nnyịn se ifọnde?”O Jehovah, nam un̄wana iso fo ayama ọnọ nnyịn.+
7 Afo ọyọnọ mi idatesịt+Okpon akan ini emi wheat* mmọ ye obufa wine mmọ ẹwakde.+
8 Nyosụhọde nna nnyụn̄ nde idap ke emem,+Koro afo ikpọn̄, O Jehovah, anam mi ndụn̄ ke ifụre.+
Mme Ikọ Idakisọn̄
^ Mîdịghe, emi ekeme ndidi “barley.”
