Psalm 44;1-26
Ẹnọ adausụn̄. Eke nditọ Korah.+ Maskil.
44 O Abasi, nnyịn imokop ke utọn̄ nnyịn,Mme ete ete nnyịn ẹmebụk ẹnọ nnyịn+Ẹban̄a edinam emi afo akanamde ke mme usen mmọ,+Ke eyo oko.+
2 Afo akada ubọk fo ebịn mme idụt efep,+Onyụn̄ emen mme ete ete nnyịn enịm ke itie mmọ.+Afo ama anuak mme idụt onyụn̄ ebịn mmọ efep.+
3 Koro idịghe akan̄kan̄ mmọ ke mmọ ẹkeda ẹbọ isọn̄ oro ẹnyene,+Inyụn̄ idịghe ubọk mmọ akada edinyan̄a ọsọk mmọ.+Edi ekedi ubọk nnasia fo ye odudu fo+ ye un̄wana iso fo,Koro afo ekenemde esịt ye mmọ.+
4 Afo edi Edidem mi, O Abasi.+Wụk akwa edinyan̄a nọ Jacob.+
5 Nnyịn iyada fi inụk mme asua nnyịn;+Ida enyịn̄ fo idịghi mmọ eke ẹdahade ẹda ẹn̄wana ye nnyịn.+
6 Koro n̄kọbuọtke idem ke utịgha mi+Inyụn̄ idịghe akan̄kan̄ mi akanyan̄a mi.+
7 Koro edi afo akanyan̄a nnyịn osio mme asua nnyịn ke ubọk,+Afo okonyụn̄ anam mmọ eke ẹnen̄erede ẹsua nnyịn ẹdia bụt.+
8 Nnyịn iyotoro Abasi kpukpru usen,+Iyonyụn̄ itoro enyịn̄ fo ke nsinsi.+ Selah.
9 Edi, ke emi, afo omotop nnyịn ọduọk onyụn̄ esuene nnyịn,+Afo unyụn̄ usan̄ake ye udịmekọn̄ nnyịn uwọrọ.+
10 Afo amanam nnyịn ifen̄e ke iso mme asua,+Ndien mmọ eke ẹnen̄erede ẹsua nnyịn ẹmetan̄ mbụme ẹnọ idemmọ.+
11 Afo amasana nnyịn ayak ọnọ nte erọn̄, nte se ẹtade,+Afo omonyụn̄ asuan nnyịn ọdọn̄ ke otu mme idụt.+
12 Afo anyam ikọt fo ke ata mmemurua,+Ekọmurua mmọ inyụn̄ inamke fi oforo.
13 Afo enịm nnyịn nte n̄kpọ esuene ọnọ mme mbọhọidụn̄ nnyịn,+Nte n̄kpọ imam ye nsahi ọnọ kpukpru mbon oro ẹkande nnyịn ẹkụk.+
14 Afo amanam nnyịn idi ufiet ke otu mme idụt,+Ye se mme idụt ẹfụn̄de ibuot ẹban̄a.+
15 Esuene mi odu mi ke iso kpukpru usen,Bụt onyụn̄ ofụk mi iso,+
16 Ke ntak uyo andisuene emi etịn̄de ikọ isụn̄i,Ke ntak asua ye owo emi osiode usiene.+
17 Kpukpru emi ẹmesịm nnyịn, ndien nnyịn ifreke fi,+Nnyịn inyụn̄ inamke abian̄a ke ediomi fo.+
18 Esịt nnyịn ifiakke edem ke unana edinam akpanikọ,+Ikpat nnyịn inyụn̄ iwahake ikpọn̄ usụn̄ fo.+
19 Koro afo amanuak nnyịn ke ebiet mme jackal,+Onyụn̄ ada ọkpọsọn̄ ekịm ofụk nnyịn.+
20 Edieke nnyịn ifrede enyịn̄ Abasi nnyịn,M̀mê itatde ekaubọk nnyịn inọ esen abasi,+
21 Nte Abasi ididụn̄ọkede emi?+Koro enye ọfiọkde ndịben̄kpọ esịt owo.+
22 Edi ẹwot nnyịn ofụri usen ke ntak fo;Ẹbat nnyịn nte erọn̄ eke ẹdade ẹka ndiwot.+
23 Demede. Nso inam afo edede idap, O Jehovah?+Demede. Kûtop nnyịn uduọk ke nsinsi.+
24 Ntak emi afo edịpde iso fo?Ntak emi afo efrede ukụt nnyịn ye ufịk nnyịn?+
25 Koro ukpọn̄ nnyịn onụhọde ke ntan;+Idịbi nnyịn amadiana ke isọn̄.
26 Daha da n̄wam nnyịn+Nyụn̄ fak nnyịn ke ntak ima-mfọnido fo.+
