Psalm 48;1-14
Ikwọ nditọ Korah.+
48 Jehovah okpon onyụn̄ enen̄ede odot se ẹtorode+Ke obio Abasi nnyịn,+ ke edisana obot esie.+
2 Obot Zion emi odude ke nsannsan edem edere,+Obio Akwa Edidem,+Okon̄ eye, edi idara ofụri isọn̄.+
3 Ẹmefiọk Abasi nte edikon̄ ebiet ubọhọ ke mme tọwa ufọkidụn̄ obio emi.+
4 Koro, sese! ndidem ẹmediomi ẹsop idem,+Mmọ ẹsan̄a kiet ẹbe.+
5 Mmọ ẹkụt; ke ntre idem akpa mmọ.Esịt etịmede mmọ, mmọ ẹfen̄e ke nnyekidem.+
6 Idem enyek mmọ do,+Ubiak mmọ ebiet eke n̄wan emi oyomde ndiman eyen.+
7 Afo ada ofụm edem usiahautịn owụri mme nsụn̄ikan̄ Tarshish.+
8 Kpa nte ikokopde, ntre ke nnyịn ikụt+Ke obio Jehovah mme udịm, ke obio Abasi nnyịn.+Abasi ọyọsọn̄ọ owụk enye ke nsinsi.+ Selah.
9 O Abasi, nnyịn imetie ikere ima-mfọnido fo+Ke esịt temple fo.+
10 Ukem nte enyịn̄ fo,+ O Abasi, itoro fo amataraEsịm utịt isọn̄.Ubọk nnasia fo ọyọhọ ye edinen ido.+
11 Obot Zion+ akpakam adara,N̄kpri obio Judah ẹkpekam ẹdat esịt+ ẹban̄a mme ubiereikpe fo.+
12 Mbufo ẹsan̄a ẹkanade Zion, ẹnyụn̄ ẹkan enye ẹkụk,+Ẹbat mme tọwa esie.+
13 Ẹwụk esịt mbufo ke ibibene ukpeme esie.+Ẹsan̄a ẹse mme tọwa ufọkidụn̄ esie,Man mbufo ẹkpebụk ẹnọ emana ini iso.+
14 Koro Abasi emi edide Abasi nnyịn ke nsinsi nsinsi.+Enye ayada nnyịn usụn̄ tutu nnyịn ikpan̄a.+
