Psalm 61;1-8
Ẹnọ adausụn̄ ke ndido urụk. Eke David.
61 O Abasi, kop eseme ye n̄kpeubọk mi.+Kpan̄ utọn̄ ke akam mi.+
2 Nyetie ke utịt isọn̄ nseme nnọ fi ke ini esịt mi ofụhọde.+Afo akpakam ada mi usụn̄ aka itiat emi okon̄de akan mi.+
3 Koro afo edide ebiet ubọhọ mi,+Ọkpọsọn̄ tọwa ke iso asua.+
4 Ami nyodụn̄ ke tent fo ke nsinsi;+Nyedịbe ke idak mba fo.+ Selah.
5 Koro afo, O Abasi, omokop mme akan̄a mi.+Afo ọmọnọ mi udeme mmọ eke ẹbakde enyịn̄ fo.+
6 Afo ayadian mme usen ọnọ edidem;+Mme isua esie ẹyebiet ediwak emana.+
7 Enye oyodụn̄ ke nsinsi ke iso Abasi;+O dọn̄ ima-mfọnido ye akpanikọ, man mmọ ẹkpeme enye.+
8 Ntre ami nyọkwọ edinem ikwọ nnọ enyịn̄ fo ke nsinsi,+Man nsio mme akan̄a mi ke usen ke usen.+
