Psalm 96;1-13
96 Mbufo ẹkwọ obufa ikwọ ẹnọ Jehovah.+Kpukpru mbufo mbio isọn̄, ẹkwọ ikwọ ẹnọ Jehovah.+
2 Ẹkwọ ikwọ ẹnọ Jehovah, ẹtoro enyịn̄ esie.+Ke usen ke usen, ẹbụk eti mbụk edinyan̄a esie.+
3 Ẹtan̄a ubọn̄ esie ke otu mme idụt,+Ye mme utịbe utom esie ke otu mbio obio.+
4 Koro Jehovah okponde+ onyụn̄ enen̄erede odot se ẹtorode.Enye enyene uten̄e akan kpukpru mme abasi efen.+
5 Koro kpukpru mme abasi mme idụt ẹdi mme abasi eke mînyeneke ufọn;+Edi amaedi Jehovah, edi enye akanam enyọn̄.+
6 Uku ye ubọn̄ ẹdu enye ke iso;+Odudu ye uyai ẹdu ke edisana ebiet esie.+
7 O mbufo ubon mme idụt, ẹnọ Jehovah,+Ẹnọ Jehovah ubọn̄ ẹnyụn̄ ẹtan̄a odudu esie.+
8 Ẹnọ Jehovah ubọn̄ emi enyenede enyịn̄ esie;+Ẹda enọ ẹdụk ẹdi ke mme okụre esie.+
9 Ẹsịne edisana edisịnen̄kpọ ẹtuak ibuot ẹnọ Jehovah;+Mbufo kpukpru mbio isọn̄, ẹdu ke ọkpọsọn̄ ubiak ke ntak esie.+
10 Ẹdọhọ ke otu mme idụt ẹte: “Jehovah amakabade edi edidem.+Isọn̄ n̄ko ọsọn̄ọ owụhọ ndien ikemeke ndisehede.+Enye eyekpe ikpe mme owo nte enende.”+
11 Yak mme heaven ẹdat esịt, yak isọn̄ onyụn̄ adara.+Yak inyan̄ okpot ye se iyọhọde ke esịt.+
12 Yak in̄wan̄ adara ye kpukpru se idude ke esịt.+Yak kpukpru eto akai ẹnyụn̄ ẹsio n̄kpo idara+
13 Ke iso Jehovah. Koro enye emedi;+Koro enye emedi ndikpe ikpe nnọ isọn̄.+Enye eyekpe ikpe ọnọ isọn̄ ke edinen ido+Onyụn̄ ekpe ikpe mme owo ke edinam akpanikọ esie.+
