Nehemiah 12;1-47
12 Ndien mmọ emi ẹdi mme oku ye nditọ Levi emi ẹkesan̄ade ye Zerubbabel+ eyen Shealtiel+ ye Jeshua+ ẹdọk: Seraiah, Jeremiah, Ezra,
2 Amariah,+ Malluch, Hattush,
3 Shecaniah, Rehum, Meremoth,
4 Iddo, Ginnethoi, Abijah,
5 Mijamin, Maadiah, Bilgah,
6 Shemaiah,+ ye Joiarib, Jedaiah,+
7 Sallu, Amok,+ Hilkiah, ye Jedaiah.+ Mmọ emi ẹkedi mme etubom ẹnọ mme oku ye nditọete mmọ ke eyo Jeshua.+
8 Ndien nditọ Levi ẹkedi Jeshua,+ Binnui,+ Kadmiel,+ Sherebiah, Judah, ye Mattaniah+ emi akadade usụn̄ ke ndikwọ ikwọ ekọm, enye ye nditọete esie.
9 Ndien Bakbukiah ye Unni emi ẹdide nditọete mmọ ẹdu ke nsakiso mmọ ẹnam utom ukpeme.
10 Jeshua obon Joiakim,+ Joiakim obon Eliashib,+ Eliashib onyụn̄ obon Joiada.+
11 Ndien Joiada obon Jonathan, Jonathan onyụn̄ obon Jaddua.+
12 Ndien ke eyo Joiakim mme oku ẹma ẹdu, kpa mme etubom ke mme ufọk mme ete-ekpụk+ mmọ: eke Seraiah,+ Meraiah; eke Jeremiah, Hananiah;
13 eke Ezra,+ Meshullam; eke Amariah, Jehohanan;
14 eke Malluchi, Jonathan; eke Shebaniah,+ Joseph;
15 eke Harim,+ Adna; eke Meraioth, Helkai;
16 eke Iddo, Zechariah; eke Ginnethon, Meshullam;
17 eke Abijah,+ Zichri; eke Miniamin, ——;* eke Moadiah, Piltai;
18 eke Bilgah,+ Shammua; eke Shemaiah, Jehonathan;
19 ndien eke Joiarib, Mattenai; eke Jedaiah,+ Uzzi;
20 eke Sallai, Kallai; eke Amok, Eber;
21 eke Hilkiah, Hashabiah; eke Jedaiah,+ Nethanel.
22 Ẹma ẹwet enyịn̄ nditọ Levi emi, Joiada+ ye Johanan ye Jaddua+ ẹsịn ke n̄wed nte mme etubom ke mme ufọk mme ete-ekpụk mmọ, ye mme oku n̄ko, ke eyo Eliashib,+ tutu esịm ini ukara Darius owo Persia.
23 Ẹma ẹwet enyịn̄ nditọ Levi nte mme etubom ke mme ufọk mme ete-ekpụk+ mmọ, ẹsịn ke n̄wed n̄kpọntịbe eyo oro, idem tutu esịm eyo Johanan eyen Eliashib.
24 Ndien mme etubom nditọ Levi ẹkedi Hashabiah, Sherebiah+ ye Jeshua eyen Kadmiel+ ye nditọete mmọ emi ẹkedude ke nsakiso mmọ man ẹnọ itoro ye ekọm nte ekemde ye ewụhọ+ David owo ata Abasi, otu mbon ukpeme kiet ada ekpere otu mbon ukpeme en̄wen.
25 Mattaniah+ ye Bakbukiah, Obadiah, Meshullam, Talmon, Akkub,+ ẹkeda ẹkpeme itie unịmn̄kpọ ke inuaotop nte mme ekpeme-inuaotop.+
26 Emi ekedi ke eyo Joiakim+ eyen Jeshua+ eyen Jozadak+ ye ke eyo Nehemiah+ andikara ye Ezra+ oku, kpa osion̄o-n̄wed.+
27 Ndien ke ini ediyak ibibene Jerusalem nnọ,+ mmọ ẹyom nditọ Levi man ẹda mmọ ẹwọrọ ke kpukpru itie mmọ ẹdi Jerusalem man ẹdinịm usọrọ ediberede ẹnyụn̄ ẹdara, ẹnọ ekọm+ ẹnyụn̄ ẹkwọ ikwọ,+ ẹbre usan n̄kukwak ye ndido urụk+ ye harp.+
28 Ndien nditọ mme ọkwọikwọ ẹto Ikpehe Jordan+ ẹdisop idem ọtọkiet, ẹto ofụri n̄kanade Jerusalem ye mme obio-in̄wan̄ mme Netophah,+
29 ẹnyụn̄ ẹto Beth-gilgal+ ye mme in̄wan̄ Geba+ ye Azmaveth,+ koro mme ọkwọikwọ ẹkebọpde mme obio-in̄wan̄+ do ẹnọ idemmọ ke ofụri n̄kanade Jerusalem.
30 Ndien mme oku ye nditọ Levi ẹnam idem asana+ ẹnyụn̄ ẹnam mbio obio+ ye mme inuaotop+ ye ibibene+ ẹsana.
31 Ekem ami nda mbọn̄+ Judah ndọk enyọn̄ ibibene. Ndien ntịm ikpọ n̄ka ikwọ ekọm+ iba ye mme udịm isan̄, ndien n̄ka kiet asan̄a ke enyọn̄ ibibene oro aka n̄kan̄ nnasia Inuaotop Ebok Ntọn̄.+
32 Ndien Hoshaiah ye ubak mbọn̄ Judah ẹsan̄a mmọ ke edem,
33 ọkọrọ ye Azariah, Ezra ye Meshullam,
34 Judah ye Benjamin ye Shemaiah ye Jeremiah;
35 n̄ko ye nditọ mme oku emi ẹkamade obukpon̄,+ kpa Zechariah eyen Jonathan eyen Shemaiah eyen Mattaniah eyen Micaiah eyen Zaccur+ eyen Asaph,+
36 ye nditọete esie Shemaiah ye Azarel, Milalai, Gilalai, Maai, Nethanel ye Judah, Hanani, ẹkama mme n̄kpọ ubre ikwọ+ David owo ata Abasi; ndien Ezra+ osion̄o-n̄wed ebem mmọ iso.
37 Ndien ke Inuaotop Idịm Mmọn̄+ emi odude mmọ nnennen ke iso, mmọ ẹsan̄a ẹdọk Udịghiukot+ Obio David+ ke usụn̄ emi ẹtode ẹdọk ibibene ke enyọn̄ enyọn̄ Ufọk David tutu ẹsịm Inuaotop Mmọn̄+ ke n̄kan̄ edem usiahautịn.
38 Ndien n̄ka ikwọ ekọm+ enye eken ẹsan̄a ke iso, ami nnyụn̄ nsan̄a mmọ ke edem, ubak mme owo ẹdoro ke ibibene ke enyọn̄ Tọwa Usan̄uyo+ tutu ẹsịm Ntatara Ibibene,+
39 ye enyọn̄ Inuaotop Ephraim+ ẹsịm enyọn̄ Inuaotop Akani Obio+ ẹnyụn̄ ẹsịm Inuaotop Iyak+ ye Tọwa Hananel+ ye Tọwa Meah+ tutu ẹsịm enyọn̄ Inuaotop Erọn̄;+ ndien mmọ ẹdituak ẹda ke Inuaotop Ufọk-Ukwak.
40 Ekem n̄ka ikwọ ekọm+ mbiba oro ẹdituak ẹda ke ufọk+ ata Abasi, ami n̄ko ye ubak mme udiana andikara oro ẹdude ye ami,+
41 ye mme oku Eliakim, Maaseiah, Miniamin, Micaiah, Elioenai, Zechariah, Hananiah, emi ẹkamade obukpon̄,+
42 ye Maaseiah ye Shemaiah, ye Eleazar ye Uzzi ye Jehohanan ye Malchijah ye Elam ye Ezer. Ndien mme ọkwọikwọ ye Izrahiah esenyịn, ẹkwọ ikwọ ẹnam ẹkop uyo mmọ.+
43 Ndien ke usen oro mmọ ẹwa ikpọ uwa+ ẹnyụn̄ ẹdat esịt,+ koro ata Abasi akanamde mmọ ẹkop akwa idatesịt.+ Ndien n̄ko iban+ ye nditọwọn̄+ ẹdat esịt tutu ẹda ke anyan usụn̄ ẹkop uyom idatesịt ke Jerusalem.+
44 N̄ko-n̄ko, ke usen oro ẹma ẹmek irenowo ndise mban̄a mme ufọk+ itie ubonn̄kpọ,+ mme etịbe,+ akpa mbun̄wụm+ ye ọyọhọ mbak duop,+ man ẹtan̄ n̄kpọ ke mme in̄wan̄ obio, kpa mme udeme oro ẹketemede ke ibet+ ẹte ẹnọ mme oku ye nditọ Levi,+ ẹdọn̄ ke esịt; ndien idatesịt Judah ekedi koro mme oku ye nditọ Levi+ ẹkedude do.
45 Ndien mmọ ẹtọn̄ọ ndinam utom+ Abasi mmọ ye utom edinam asana,+ mme ọkwọikwọ+ ye mme ekpeme-inuaotop+ ẹnyụn̄ ẹnam eke mmọ, nte ekemde ye ewụhọ David ye eke Solomon eyen esie.
46 Koro ke ini edem, ke eyo David ye Asaph, ẹma ẹnyene mme etubom mme ọkwọikwọ,+ ẹnyene n̄ko ikwọ itoro ye ikwọ emi ẹkwọde ekọm Abasi.+
47 Ndien ke eyo Zerubbabel+ ye eke Nehemiah,+ ofụri Israel ẹnọ udeme mme ọkwọikwọ+ ye eke mme ekpeme-inuaotop+ nte ekemde ye se ẹyomde ke usen ke usen ẹnyụn̄ ẹnam mmọ ẹsana ẹnọ nditọ Levi;+ ndien nditọ Levi ẹnam mmọ ẹsana ẹnọ nditọ Aaron.
Mme Ikọ Idakisọn̄
^ Etie nte uwetn̄kpọ Usem Hebrew osio enyịn̄ kiet mi efep.