Nehemiah 6;1-19
6 Edikem ke ndondo oro ẹsiande Sanballat+ ye Tobiah+ ye Geshem+ owo Arabia+ ye mme asua nnyịn eken ẹte ke ami mmafiak mbọp ibibene+ ye nte ke baba ufan̄ kiet isụhọke eke owo mîsịrike (okposụkedi mmen̄kọdọn̄ke usụn̄+ kan̄a ke mme inuaotop ini oro),+
2 Sanballat ye Geshem ẹsọsọp ẹdọn̄ utom ẹnọ mi, ẹte: “Di, yak nnyịn idiomi ini inyụn̄ isop idem+ ke kiet ke otu mme obio-in̄wan̄ unaisọn̄ itịghede Ono.”+ Edi mmọ ẹkeduak ndinam mi idiọk.+
3 Ntre ami ndọn̄ mme isụn̄utom nnọ mmọ,+ nte: “Ami n̄kama akwa utom ke ubọk,+ ntre ndikemeke ndisụhọde ndi. Ntak emi utom emi akpatuakde ada ke adan̄aemi n̄kpọn̄de utom nsụhọde ntiene mbufo?”+
4 Ndien mmọ ẹdọn̄ ukem etop emi ẹnọ mi utịm ikanan̄, ndien ami nnọ mmọ ukem ibọrọ.
5 Ekem Sanballat+ ọdọn̄ isụn̄utom esie ukem etop oro ọnọ mi ọyọhọ utịm ikotion, ye ana-in̄wan̄ leta ke ubọk esie.
6 Ẹkewet ke esịt esie ẹte: “Ẹmekop ke otu mme idụt, Geshem+ onyụn̄ ọdọhọ ete ke afo ye mme Jew ke ẹduak ndisọn̄ ibuot.+ Ntak edi oro mbufo ẹbọpde ibibene oro; ndien ikọ emi owụt ke afo amakabade edi edidem mmọ.+
7 Ndien afo amakam emek mme prọfet ete ẹtan̄a fi ke ofụri Jerusalem, ẹte, ‘Edidem do ke Judah!’ Ndien, ke emi, ẹyetịn̄ mme n̄kpọ emi ẹnọ edidem. Mmọdo di, nnyịn isop ibuot ọtọkiet.”+
8 Ndien ndọn̄ ẹkedọhọ enye ẹte: “Utọ n̄kpọ emi afo etịn̄de mi itịbeke,+ edi afo etịbi mmọ osio ke esịt fo.”+
9 Koro kpukpru mmọ ẹkedomo ndisịn nnyịn ndịk ke idem, ẹdọhọde ẹte: “Ubọk+ eyemem mmọ ke utom emi, mmọ idinyụn̄ inamke enye ima.” Edi, ke emi, sọn̄ọ mi ubọk.+
10 Ndien ami ndụk ufọk Shemaiah eyen Delaiah eyen Mehetabel ke adan̄aemi enye eberide usụn̄ abaha idem.+ Ndien enye ọdọhọ ete: “Yak idiomi+ ini inyụn̄ isop idem ke ufọk ata Abasi, ke esịt temple,+ yak nnyịn inyụn̄ iberi mme usụn̄ temple; koro mmọ ke ẹdi ndiwot fi, ke okoneyo+ ke mmọ ẹdidi ndiwot fi.”
11 Edi ndọhọ enye nte: “Ndi owo nte ami ekpefehe?+ Anie owo nte ami okpodụk temple ndien osụk odu uwem?+ Ami ndidụkke!”
12 Ntre ami nnam ndụn̄ọde, ndien sese idịghe Abasi+ ọkọdọn̄ enye, edi enye eketịn̄+ ikọ emi ndibiọn̄ọ mi kpa nte Tobiah ye Sanballat+ ẹkekpede enye ẹte etịn̄.+
13 Ẹkekpe+ enye man esịn mi ndịk ke idem+ man nnyụn̄ nnam ntre, nnyụn̄ nnam idiọkn̄kpọ+ ndien mmọ ẹyenyene n̄kpọ ndida mbiat enyịn̄+ mi, man mmọ ẹsuene mi.+
14 O Abasi mi, ti+ Tobiah+ ye Sanballat, nte ekemde ye mme edinam mmọ kiet kiet, n̄ko ye Noadiah prọfet an̄wan+ ye mme prọfet eken emi ẹkekade iso ẹdomo ndisịn mi ndịk ke idem.
15 Ekem ẹkụre ndibọp ibibene+ oro ke ọyọhọ usen edịp ye ition ke Elul, ke usen aba ye duopeba.
16 Edikem ke ndondo oro kpukpru mme asua nnyịn+ ẹkopde n̄kpọ emi, kpukpru mme idụt emi ẹkande nnyịn ẹkụk ẹnyụn̄ ẹkụtde n̄kpọ emi, idem emem mmọ, ndien mmọ ẹdifiọk ke edi Abasi+ nnyịn esịn ẹnam utom emi.
17 Ke mme usen oro n̄ko, mbọn̄+ Judah ẹnọ ediwak leta ẹsọk Tobiah,+ ndien eke Tobiah ẹnyụn̄ ẹdisịm mmọ.
18 Koro ediwak owo ke Judah ẹken̄wọn̄ọde un̄wọn̄ọ ẹnọ enye, sia enye ekedide ebe eyen Shecaniah eyen Arah;+ ndien Jehohanan eyen esie eren ọkọdọ eyen Meshullam+ eyen Berechiah.
19 N̄ko, mmọ ẹtịn̄ nti n̄kpọ ẹban̄a enye ke iso mi.+ Ndien mmọ ẹmen ikọ mi ẹketịn̄ ẹnọ enye. Tobiah ama onyụn̄ ọnọ mme leta ẹsọk mi man esịn mi ndịk ke idem.+
