Nehemiah 7;1-73
7 Edikem ke ndondo oro ẹbọpde ibibene oro ẹkụre,+ ami nsọsọp ndọn̄ mme usụn̄.+ Ndien ẹmek mme ekpeme-inuaotop+ ye mme ọkwọikwọ+ ye nditọ Levi.+
2 Ndien nnịm Hanani+ eyenete mi ye Hananiah ọbọn̄ Ọkpọsọn̄ Ebiet+ nte ẹse ẹban̄a Jerusalem, koro enye ekedide owo emi ẹkemede ndiberi edem+ okonyụn̄ abakde+ ata Abasi akan ediwak mbon en̄wen.
3 Ntre ndọhọ mmọ nte: “Owo inyeneke ndiberede mme inuaotop+ Jerusalem tutu utịn ofiop; ndien ke adan̄aemi mmọ ẹdade do, mmọ ẹnyene ndiberi mme usụn̄ nnyụn̄ nsịn ukwak usịnusụn̄.+ Ndien ẹnịm mme andidụn̄ Jerusalem ẹda ẹkpeme, owo kiet kiet ke itie ukpeme esie ye ke iso ufọk esie.”+
4 Ndien obio emi ama atara onyụn̄ okpon, ibat ibat owo ẹkenyụn̄ ẹdu ke esịt,+ ndien owo ikọbọpke ufọk ndomokiet ke esịt.
5 Edi Abasi mi ama esịn mi ke esịt+ ete ntan̄ mbọn̄ ye mme udiana andikara ye mbio obio mbon ọtọkiet man ẹsịn mmọ enyịn̄ ke n̄wed nte udịm ubon mmọ ẹdide.+ Ekem n̄kụt n̄wed udịm ubon+ mbon oro ẹkebemde iso ẹdọk ẹdi, nnyụn̄ n̄kụt ẹwetde ke esịt ẹte:
6 Mmọ emi ẹdi nditọ ikpehe obio ukara+ oro ẹkewọn̄ọde ke ntan̄mfep+ mbon emi Nebuchadnezzar+ edidem Babylon akatan̄de aka ntan̄mfep,+ emi ke ukperedem ẹkefiakde ẹnyọn̄ ẹdi Jerusalem ye Judah, owo kiet kiet ọnyọn̄ obio esie;+
7 mbon emi ẹkesan̄a ye Zerubbabel,+ Jeshua,+ Nehemiah, Azariah, Raamiah, Nahamani, Mordecai,+ Bilshan, Mispereth, Bigvai, Nehum, ye Baanah.
Ibat irenowo ke otu nditọ Israel:
8 Nditọ Parosh,+ owo tọsịn iba ikie kiet ye ata ye duopeba;
9 nditọ Shephatiah,+ owo ikie ita ye ata ye duopeba;
10 nditọ Arah,+ owo ikie itiokiet ye aba ye duopeba;
11 nditọ Pahath-moab,+ ke otu nditọ Jeshua ye Joab,+ owo tọsịn iba ikie itiaita ye efịteta;
12 nditọ Elam,+ owo tọsịn kiet ikie iba ye aba ye duopenan̄;
13 nditọ Zattu,+ owo ikie itiaita ye aba ye ition;
14 nditọ Zaccai,+ owo ikie itiaba ye ata;
15 nditọ Binnui,+ owo ikie itiokiet ye aba ye itiaita;
16 nditọ Bebai,+ owo ikie itiokiet ye edịp ye itiaita;
17 nditọ Azgad,+ owo tọsịn iba ikie ita ye edịp ye iba;
18 nditọ Adonikam,+ owo ikie itiokiet ye ata ye itiaba;
19 nditọ Bigvai,+ owo tọsịn iba ye ata ye itiaba;
20 nditọ Adin,+ owo ikie itiokiet ye aba ye efịt;
21 nditọ Ater,+ ke ufọk Hezekiah, owo anan̄ ye efịteta;
22 nditọ Hashum,+ owo ikie ita ye edịp ye itiaita;
23 nditọ Bezai,+ owo ikie ita ye edịp ye inan̄;
24 nditọ Hariph,+ owo ikie ye duopeba;
25 nditọ Gibeon,+ owo anan̄ ye efịt;
26 mbon Bethlehem+ ye Netophah,+ owo ikie ye anan̄ ye itiaita;
27 mbon Anathoth,+ owo ikie ye edịp ye itiaita;
28 mbon Beth-azmaveth,+ owo aba ye iba;
29 mbon Kiriath-jearim,+ Chephirah+ ye Beeroth,+ owo ikie itiaba ye aba ye ita;
30 mbon Ramah+ ye Geba,+ owo ikie itiokiet ye edịp ye kiet;
31 mbon Michmas,+ owo ikie ye edịp ye iba;
32 mbon Bethel+ ye Ai,+ owo ikie ye edịp ye ita;
33 mbon Nebo+ enye eken, owo aba ye duopeba;
34 nditọ Elam+ enye eken, owo tọsịn kiet ikie iba ye aba ye duopenan̄;
35 nditọ Harim,+ owo ikie ita ye edịp;
36 nditọ Jericho,+ owo ikie ita ye aba ye ition;
37 nditọ Lod,+ Hadid+ ye Ono,+ owo ikie itiaba ye edịp ye kiet;
38 nditọ Senaah,+ owo tọsịn ita ikie usụkkiet ye edịp ye duop.
39 Mme oku: Nditọ Jedaiah+ eke ufọk Jeshua, owo ikie usụkkiet ye ata ye duopeta;
40 nditọ Immer,+ owo tọsịn kiet ye aba ye duopeba;
41 nditọ Pashhur,+ owo tọsịn kiet ikie iba ye aba ye itiaba;
42 nditọ Harim,+ owo tọsịn kiet ye efịteba.
43 Nditọ Levi: Nditọ Jeshua, eke ufọk Kadmiel,+ ke otu nditọ Hodevah,+ owo ata ye duopenan̄.
44 Mme ọkwọikwọ,+ kpa nditọ Asaph,+ owo ikie ye aba ye itiaita.
45 Mme ekpeme-inuaotop,+ nditọ Shallum,+ nditọ Ater, nditọ Talmon,+ nditọ Akkub,+ nditọ Hatita, nditọ Shobai,+ owo ikie ye edịp ye efịteta.
46 Mme Nethinim:+ Nditọ Ziha, nditọ Hasupha, nditọ Tabbaoth,+
47 nditọ Keros, nditọ Sia, nditọ Padon,+
48 nditọ Lebanah, nditọ Hagabah,+ nditọ Salmai,
49 nditọ Hanan,+ nditọ Giddel, nditọ Gahar,
50 nditọ Reaiah,+ nditọ Rezin,+ nditọ Nekoda,
51 nditọ Gazzam, nditọ Uzza, nditọ Paseah,
52 nditọ Besai,+ nditọ Meunim, nditọ Nephushesim,+
53 nditọ Bakbuk, nditọ Hakupha, nditọ Harhur,+
54 nditọ Bazlith, nditọ Mehida, nditọ Harsha,+
55 nditọ Barkos, nditọ Sisera, nditọ Temah,+
56 nditọ Neziah, nditọ Hatipha.+
57 Nditọ mme asan̄autom Solomon:+ Nditọ Sotai, nditọ Sophereth, nditọ Perida,+
58 nditọ Jaala, nditọ Darkon, nditọ Giddel,+
59 nditọ Shephatiah, nditọ Hattil, nditọ Pochereth-hazzebaim, nditọ Amon.+
60 Kpukpru mme Nethinim+ ye nditọ mme asan̄autom Solomon ẹkedi owo ikie ita ye anan̄ ye duopeba.
61 Mmọ emi ẹketo Tel-melah, Tel-harsha, Cherub, Addon ye Immer+ ẹdọk, ndien mmọ ikekemeke ndisiak ufọk mme ete mmọ ye orụk mmọ, m̀mê mmọ ẹketo Israel m̀mê itoho:
62 nditọ Delaiah, nditọ Tobiah, nditọ Nekoda,+ owo ikie itiokiet ye aba ye iba.
63 Ndien ke otu mme oku:+ nditọ Habaiah, nditọ Hakkoz,+ nditọ Barzillai,+ emi okosiode n̄wan ọdọ ke otu nditọiban Barzillai+ owo Gilead, okonyụn̄ ekerede enyịn̄ adian mmọ.
64 Mmọ emi ẹma ẹyom n̄wed enyịn̄ mmọ, man ẹnam kpukpru owo ẹdiọn̄ọ udịm ubon mmọ, ndien owo ikekwe,+ ntre ẹma ẹsion̄o mmọ ẹfep ke itie oku nte ndedehe owo.+
65 Ntem Tirshatha+ ọdọhọ mmọ ete ẹkûdia+ se itode ata ndisana n̄kpọ tutu oku emi akamade Urim+ ye Thummim+ adaha ada.
66 Ndien ofụri esop nte otu kiet ẹkedi owo tọsịn aba ye iba ikie ita ye ata,+
67 ke ẹsiode ifịn iren+ ye ifịn iban mmọ ẹfep, emi ẹkedide owo tọsịn itiaba ikie ita ye edịp ye efịteba;+ mmọ ẹma ẹnyene iren+ mme ọkwọikwọ ye iban+ mme ọkwọikwọ, owo ikie iba ye aba ye ition.
68 Enan̄-mbakara mmọ ẹkedi ikie itiaba ye edịp ye efịtekiet, mule mmọ ẹdi ikie iba ye aba ye ition.+
69 Camel ẹkedi ikie inan̄ ye edịp ye efịt. Ass+ ẹdi tọsịn itiokiet ikie itiaba ye edịp.+
70 Ndien ama odu ndusụk mme etubom+ ke ufọk mme ete+ oro ẹkenọde enọ ke utom emi.+ Tirshatha+ ọkọnọ drachma gold tọsịn kiet, usan aba ye duop, ewụra oku ikie ition ye edịp ye duop ke itie unịm n̄kpọuto.+
71 Ama onyụn̄ odu ndusụk mme etubom ke mme ufọk mme ete-ekpụk emi ẹkenọde drachma gold tọsịn edịp ye mina silver tọsịn iba ikie iba ke itie unịm n̄kpọuto ke utom emi.+
72 Ndien se mmọ eken ẹkenọde ekedi drachma gold tọsịn edịp ye mina silver tọsịn iba ye ewụra oku ata ye itiaba.
73 Ndien mme oku+ ye nditọ Levi ye mme ekpeme-inuaotop ye mme ọkwọikwọ+ ye ndusụk mbio obio ye mme Nethinim+ ye ofụri Israel ẹka ẹkedụn̄ ke mme obio mmọ.+ Ke esịmde ọyọhọ ọfiọn̄ itiaba,+ nditọ Israel ẹma ẹdụn̄ ke mme obio mmọ.+
