Nehemiah 8;1-18
8 Ndien kpukpru owo ẹsop idem ọtọkiet nte owo kiet+ ke an̄wa obio+ emi odude ke iso Inuaotop Mmọn̄.+ Ekem mmọ ẹdọhọ Ezra+ osion̄o-n̄wed ẹte ada n̄wed+ ibet Moses,+ emi Jehovah ọkọnọde Israel,+ edi.
2 Ntem ke akpa usen ke ọyọhọ ọfiọn̄ itiaba,+ Ezra oku+ ada ibet edi ke iso esop+ emi esịnede irenowo ye iban ye kpukpru owo emi ẹfiọkde n̄kpọ ekem ndikpan̄ utọn̄.+
3 Ndien enye okot+ enye uyo ọwọrọ ke an̄wa obio emi odude ke iso Inuaotop Mmọn̄, ọtọn̄ọde ke usiere+ tutu esịm ufọt uwemeyo, ke iso irenowo ye iban ye mbon eken emi ẹfiọkde n̄kpọ; ndien kpukpru owo ẹkpan̄ utọn̄+ ke n̄wed ibet emi.
4 Ndien Ezra osion̄o-n̄wed ada ke n̄kpoto,+ emi mmọ ẹkedade eto ẹnam ẹnọ edinam emi; ndien Mattithiah, Shema, Anaiah, Uriah, Hilkiah ye Maaseiah ẹda ye enye ke ubọk nnasia, ke adan̄aemi Pedaiah, Mishael, Malchijah,+ Hashum,+ Hash-baddanah, Zechariah ye Meshullam ẹdade enye ke ufien.
5 Ndien Ezra okụbọde+ n̄wed emi ke iso kpukpru owo, koro enye akadade ke ebiet emi okon̄de akan eke kpukpru owo; ndien nte enye okụbọrede n̄wed oro kpukpru owo ẹdaha ẹda.+
6 Ndien Ezra otoro Jehovah+ ata Abasi, Enye emi okponde, ntem kpukpru owo ẹbọrọ, “Amen! Amen!”+ ẹnyụn̄ ẹmenede ubọk mmọ ke enyọn̄.+ Ekem mmọ ẹnụhọ+ ẹtuak ibuot ẹnọ Jehovah ẹnyụn̄ ẹkịbi iso mmọ ke isọn̄.+
7 Ndien Jeshua ye Bani ye Sherebiah,+ Jamin, Akkub, Shabbethai, Hodiah, Maaseiah, Kelita, Azariah, Jozabad,+ Hanan, Pelaiah,+ kpa nditọ Levi, ẹnam ibet an̄wan̄a mme owo,+ ke adan̄aemi mme owo ẹsụk ẹdade-da.+
8 Ndien mmọ ẹka iso ndikot+ n̄wed oro uyo ọwọrọ, ẹkot ibet ata Abasi, ẹtat enye ẹnyụn̄ ẹtịn̄ se enye ọwọrọde; mmọ ẹnyụn̄ ẹka iso ndinam se ẹkotde an̄wan̄a.+
9 Ndien Nehemiah,+ oro edi, Tirshatha,+ ye Ezra+ oku, kpa osion̄o-n̄wed, ye nditọ Levi emi ẹketemede mme owo, ẹdọhọ kpukpru owo ẹte: “Mfịn emi edi edisana usen ọnọ Jehovah Abasi mbufo.+ Mbufo ẹkûfụhọ ẹkûnyụn̄ ẹtua.”+ Koro kpukpru owo ẹketuade ke adan̄aemi mmọ ẹkopde ikọ ibet emi.+
10 Enye onyụn̄ ọdọhọ mmọ ete: “Mbufo ẹka, ẹkedia se inyenede isek ẹnyụn̄ ẹn̄wọn̄ se inịn̄ede, ẹnyụn̄ ẹnọ enọ+ ẹsọk enye emi mîketịmke n̄kpọ inọ idemesie; koro mfịn emi edide edisana usen ọnọ Ọbọn̄ nnyịn, mbufo ẹkûfụhọ koro idatesịt Jehovah edide odudu mbufo.”
11 Ndien nditọ Levi ẹnam kpukpru owo ẹdobo, ẹdọhọ ẹte: “Mbufo ẹdop uyo! Koro mfịn emi edide edisana usen; mbufo ẹkûfụhọ.”
12 Ntre kpukpru owo ẹnyọn̄ọ ẹkedia n̄kpọ ẹnyụn̄ ẹn̄wọn̄ n̄kpọ ẹnyụn̄ ẹnọ enọ+ ẹnyụn̄ ẹkop akwa idatesịt,+ koro ikọ emi ẹkesiande mmọ akan̄wan̄ade mmọ.+
13 Ndien ke ọyọhọ usen iba mme etubom mme ete kpukpru owo, mme oku ye nditọ Levi, ẹsop idem ọtọkiet ye Ezra osion̄o-n̄wed, man ẹdụn̄ọde ẹfiọk se ikọ ibet emi ọwọrọde.+
14 Ntem mmọ ẹkụt ke ibet oro Jehovah ọkọnọde ebe ke Moses+ nte ke nditọ Israel ẹnyene ndidụn̄ ke mme ataya+ ke ini usọrọ emi ke ọyọhọ ọfiọn̄ itiaba,+
15 ye nte ke mmọ ẹnyene nditan̄a+ nnyụn̄ ntọt ke kpukpru obio ye ke ofụri Jerusalem,+ ẹte: “Mbufo ẹwọrọ ẹka mme ikpehe emi ẹtiede obot obot+ ẹkeda mme ikọn̄ olive+ ye mme ikọn̄ eto aran ye ikọn̄ eto myrtle ye ndakeyop ye mme ikọn̄ n̄kọk eto ẹnam mme ataya, nte ekemde ye se ẹwetde.”
16 Ndien mme owo ẹwọrọ ẹka ẹkeda mmọ ẹdi ẹnyụn̄ ẹdibọp mme ataya ẹnọ idemmọ, owo kiet kiet ke ọkọm ufọk+ esie ye ke okụre esie ye ke mme okụre+ ufọk ata Abasi ye ke an̄wa obio+ Inuaotop Mmọn̄+ ye an̄wa obio Inuaotop Ephraim.+
17 Ntem ofụri esop mbon emi ẹketode ntan̄mfep ẹnyọn̄ọ ẹdi ẹbọp mme ataya ẹnyụn̄ ẹdụn̄ ke mme ataya oro; koro nditọ Israel mîkanamke ntem toto ke eyo Joshua eyen Nun+ tutu esịm usen oro, ntre ata akwa idatesịt odu.+
18 Ndien ẹkot n̄wed ibet ata Abasi ke usen ke usen+ uyo ọwọrọ, ọtọn̄ọde ke akpa usen tutu esịm akpatre usen; ndien mmọ ẹnịm usọrọ ke usen itiaba, ẹnyụn̄ ẹnịm edisana esop ke ọyọhọ usen itiaita, nte ekemde ye ibet.+
