Didie ke Fon Ekeme Ndibiat Ekikere Fo?
Kpukpru usen, mme owo ẹsida fon ye kọmputa ẹkpep n̄wed, ẹkpep utom, ẹnyụn̄ ẹkpep n̄kpọ en̄wen. Idahaemi enen̄ede emem utom owo nditie ke ufọk esie n̄kpep nsio nsio n̄kpọ.
Edi, esisọsọn̄ mbon emi ẹyakde fon adia mmọ idem . . .
-
ndida ini n̄kot n̄wed.
-
nditịn̄ enyịn nnam n̄kpọ kiet nsio.
-
ndinyụn̄ ntie ikpọn̄, ikopke ndobo.
SE AKPANADE ỌDIỌN̄Ọ
NDIKOT N̄WED
Mbon emi ẹyakde fon adia mmọ idem isinyeneke ime itie ikot ofụri se ẹwetde, ẹsinyụn̄ ẹtotop enyịn ẹse n̄kpọ ifan̄ ẹbe.
Idiọkke nditop enyịn nse se ẹwetde ke ini oyomde n̄kpọ usọp usọp, edi edieke oyomde se okotde an̄wan̄a fi, ana enen̄ede ada ini okot.
KERE ISE: Ndi emesikot n̄wed ebịghi? Didie ke ndida ini n̄kot n̄wed ekeme ndin̄wam fi enen̄ede ọfiọk se okotde?—MME N̄KE 18:15.
NDITỊN̄ ENYỊN
Ndusụk owo ẹdọhọ ke fon esin̄wam mmimọ inam n̄kpọ iba ukem ini, ke uwụtn̄kpọ, ke ikpep n̄kpọ ke inọ ufan mmimọ etop. Edi ti ke owo isikamake n̄kpọ ubọk iba idọk enyọn̄. Ntre ọsọsọn̄ ndinam n̄kpọ iba ukem ini.
Kpa ye esisọn̄de ndusụk owo nditịn̄ enyịn n̄kpep n̄kpọ, ndinam oro esinam se ikpepde enen̄ede an̄wan̄a nnyịn. N̄kaiferi emi ekerede Grace ọdọhọ ke ama etịn̄ enyịn okot n̄wed ke udunen̄ekede unam ndudue, ke idinyụn̄ inen̄ekede ikak fi. Enye ọdọhọ ke ọfọn nditịn̄ enyịn nnam n̄kpọ kiet nsio.
KERE ISE: Ndi ndisinam n̄kpọ iba ukem ini esinam se ikotde okûn̄wan̄a nnyịn onyụn̄ esinam ọsọn̄ nnyịn nditi se ikpepde?—MME N̄KE 17:24.
NDITIE IKPỌN̄
Ndusụk owo isimaha ndidu ikpọn̄. Ntre ke ini mmọ ẹdude ikpọn̄, mmọ ẹsifịk fon man ẹdikop ndobo. Mma kiet emi ekerede Olivia ọdọhọ ete: “Edieke ntiede minit 15 mfịkke fon nnyụn̄ nsehe TV, mmesikop ndobo.”
Edi owo ekeme ndida ini emi enye etiede ikpọn̄ enen̄ede ekere n̄kpọ, ndien emi esinam owo okûsọp ufre se enye ekpepde.
KERE ISE: Ndi emesida ini emi odude ikpọn̄ etie ekere n̄kpọ?—1 TIMOTHY 4:15.
SE AKPANAMDE
FIAK KERE SE ESIDADE FON ANAM
Didie ke fon ekeme ndin̄wam fi enen̄ede ekpep n̄kpọ? Edi didie ke enye ekeme ndinam okûsịn esịt ke se ekpepde?
SE BIBLE ỌDỌHỌDE: “Kpeme ata ọniọn̄ ye ukeme ukere n̄kpọ.”—MME N̄KE 3:21.
Ekeme Ndidi Ayama Mmọ Emi N̄ko
N̄KPARAWA OWO ẸBỤP
N̄kpanam Nso Man Nsisịn Ofụri Ekikere Mi ke Se Nnamde?
Se ini ita emi fon m̀mê n̄kpọ ntre ekemede ndinam fi okûnen̄ede usịn ekikere ke se anamde, nyụn̄ se se akpanamde man ekeme ndisisịn ofụri ekikere fo ke se anamde.
ẸDEMEDE!
Ndi Se Enyenede Ndinam Awak Akaha?
Esisọn̄ ediwak owo ndinam ediwak utom oro mmọ ẹnyenede ke itieutom ye ke ufọk. Ntak emi esisọn̄de mmọ ndinam? Nso ke ẹkeme ndinam mban̄a mfịna emi?
N̄KPARAWA OWO ẸBỤP
Ndi Ọfọn Nsinam Ediwak N̄kpọ Ini Kiet?
Ndi emekeme ndinam ediwak n̄kpọ ini kiet onyụn̄ enen̄ede etịn̄ enyịn anam kpukpru ọfọn?
