Ẹkot Genesis 25:29-34 man ẹdiọn̄ọ m̀mê Esau ye Jacob ẹkemek nnennen n̄kpọ.

Ẹnen̄ede ẹkere nsio nsio n̄kpọ emi ẹketịbede ke mbụk oro. Nso iketịbe mbemiso se ẹbụkde ke Genesis 25:29-34? (Gen. 25:20-28) Nso iketịbe ke oro ebede?​—Gen. 27:1-46.

Ẹnen̄ede ẹkere mme n̄kpatan̄a n̄kpọ eken ke mbụk oro. Nso unen ye mbiomo ke akpan ekenyene ini oro?​—Gen. 18:18, 19; w10 5/1 13.

• Ndi akana owo edi akpan mbemiso enye esịnede ke otu mme ete ete Messiah? (w17.12 14-15)

Ẹkere mme n̄kpọ emi ẹkpepde ẹto mbụk oro ekem ẹnanam se ẹkpepde. Nso ikanam Jacob ada itie akpan ke akpan n̄kpọ akan Esau? (Heb. 12:16, 17; w03 10/15 28-29) Didie ke Jehovah akada nditọeka iba oro? Ntak emi enye akadade mmọ ntre? (Mal. 1:2, 3) Nso ke Esau akpakanam man enye emek nnennen n̄kpọ?

• Ẹbụp idem mbufo ẹte: ‘Didie ke se ndade ini mi nnam ọtọn̄ọde ke Monday esịm Sunday, ye ami ndikụt ete ke mmenyene ini nnọ Utuakibuot Ubon owụt ke ndinam se inemde Jehovah esịt enen̄ede edi akpan n̄kpọ ọnọ mi?’