Kot Judges 11:30-40 man ekpep n̄kpọ oto mbụk Jephthah ye eyen esie emi aban̄ade owo ndinam se enye ọkọn̄wọn̄ọde.

Nen̄ede kere nsio nsio n̄kpọ emi ẹketịbede ke mbụk oro. Didie ke nditọ Israel emi ẹkesọn̄ọde ẹda ye Jehovah ẹkeda se mmọ ẹken̄wọn̄ọde ẹnọ Jehovah? (Num. 30:2) Didie ke Jephthah ye adiaha esie ẹkewụt ke mmimọ imọbuọt idem ye Jehovah?​—Judg. 11:9-11, 19-24, 36.

Nen̄ede kere mme n̄kpatan̄a n̄kpọ ke mbụk oro. Se ikụtde owụt ke nso ke Jephthah ekenyene ke ekikere ini enye ọkọn̄wọn̄ọde se enye edinamde inọ Jehovah? (w16.04 6 ¶12) Nso ye nso ke Jephthah ye adiaha esie ẹkeyak atak mmọ man ẹkeme ndinam se Jephthah ọkọn̄wọn̄ọde? (w16.04 6-7 ¶14-16) Nso ye nso ke mme Christian ẹkeme ndin̄wọn̄ọ ndinam nnọ Abasi mfịn?​—w17.04 5-8 ¶10-19.

Kere mme n̄kpọ emi ekpepde oto mbụk oro. Bụp idemfo:

• ‘Nso ikeme ndin̄wam mi nnam se n̄kọn̄wọn̄ọde nnọ Jehovah ini n̄kayakde idem nnọ enye?’ (w20.03 13 ¶20)

• ‘Nso ye nso ke n̄keme ndiyak atak man nnen̄ede nsịn idem nnam n̄kpọ Jehovah?’

• ‘Nso ke n̄kpanam man ntetịm nnam se n̄kọn̄wọn̄ọde nnọ n̄wan m̀mê ebe mi ke usen ndọ nnyịn?’ (Matt. 19:5, 6; Eph. 5:28-33)