Ekeme ndidi esisọn̄ fi nditi se ekpepde ukem nte esisọn̄de ediwak nnyịn. Kpa ye oro, ndi emesikụt ke imesisọsọp iti mme uwụtn̄kpọ emi Jesus ọkọnọde? Emekeme ndikokụt mme uwụtn̄kpọ oro ke ekikere fo, ndien oro ayan̄wam fi eti se enye ekekpepde. Ukem ntre n̄ko, emekeme nditi ediwak n̄kpọ emi ekpepde ama odomo ndikokụt se osụk ekpepde. Didie ke ekeme ndinam oro? Edidi nte afo osụk ekpepde n̄kpọ, afo ke ọdrọ mme ndise.

Mme owo emi ẹsidrọde mme ndise mbufa n̄kpọ emi mmọ ẹkpepde ẹsiwak nditi se mmọ ẹkpepde oro. Mmọ ndidrọ mme ndise esinam mme ikọ kiet kiet ke se mmọ ẹkpepde an̄wan̄a mmọ, afiak anam mme akpan n̄kpọ emi ẹdude ke ukpepn̄kpọ oro an̄wan̄a mmọ. Ndise emi mmọ ẹsidrọde ẹsidi ekpri idaha-idaha, isiwakke-wak n̄kukọhọ. Ndidrọ mme ndise esinen̄ede an̄wam mbon emi ẹkponde owo ẹti se mmọ ẹkpepde.

Ini en̄wen ama afiak ekpep n̄kpọ, emekeme ndidomo ndidrọ ndusụk ndise n̄kpọ emi ekpepde. Ekeme ndikpa fi idem adan̄a ediwak n̄kpọ emi editide!