Ndi akanam emekpep n̄kpọ ama edi ọsọn̄ fi nditi se osụk ekpepde idahaoro? Esitịbe ọnọ kpukpru nnyịn ndusụk ini. Nso ikeme ndin̄wam fi? Edi afo ndifiak n̄kere mme akpan n̄kpọ ke se ekekpepde.

Yak edi anam anam, afo atuak ada ekere se idide ata akpan n̄kpọ ke se ekpepde. Se se apostle Paul eketịn̄de man an̄wam mbon emi enye ekewetde leta ọnọ ẹnanam se enye ekewetde. Enye ọkọdọhọ ete: “Akpan n̄kpọ edi emi.” (Heb. 8:1) Paul akada ikọ oro an̄wam mmọ ẹkụt se enye akan̄wanade nditịn̄, onyụn̄ an̄wam mmọ ẹkụt nte nsio nsio n̄kpọ emi enye etịn̄de ẹsan̄ade n̄kpọ ye kiet eken.

Ama ekpep n̄kpọ ama, emekeme ndida n̄kpọ nte minit duop ekere mme akpan n̄kpọ emi ekekpepde. Mûkemeke nditi, se n̄kpri ibuotikọ m̀mê mme udịmikọ emi ẹnemede n̄kpọ ẹban̄a ibuotikọ emi osụk ekpepde do. Utọ udịmikọ oro ẹsiwak ndidi mme akpa udịmikọ ke ikpehe kiet kiet. Ama ese mme n̄kpọ oro, eyekeme nditi se ekekpepde. Edieke ekpepde obufa n̄kpọ, domo nditịn̄ se ekekpepde ke ikọ idemfo. Nte osụk ekerede mme akpan n̄kpọ oro, ayafiak emem fi utom nditi se ekekpepde, oyonyụn̄ an̄wam fi enen̄ede okụt nte ekemede ndinam se ekekpepde.