Se Idin̄wamde Fi Anam Ndụn̄ọde
Se Ẹkpedade Ẹkpep Nditọwọn̄ N̄kpọ
Edi utom ete ye eka ndikpep nditọ mmọ n̄kpọ mban̄a Jehovah. Akamba utom edi oro. (Eph. 6:4) Esop Jehovah ẹsion̄o ediwak n̄wed, vidio, ye ikwọ man ẹn̄wam mme ete ye eka. Didie ke mbufo ẹkeme ndida mmọ n̄kpep nditọ mbufo n̄kpọ?
Ẹka ẹkese mme n̄kpọ emi ẹsion̄ode ẹnọ mmọ. Kpukpru se ẹsion̄ode man ẹda ẹkpep nditọ n̄kpọ, edide vidio, n̄kpọ uwetn̄kpọ, ye enye emi ẹkemede ndida ndrọ n̄kpọ ẹfiak ẹkọlọ, ẹdu ke JW.ORG. a Man ẹkụt mmọ, ẹtaip “Nditọwọn̄” m̀mê “Mme Uyen” ke ebiet emi ẹwetde “Yom.”
Ẹmek se idinen̄erede ifọn ye nditọ mbufo. Ẹma ẹka ikpehe emi ẹkotde “Nditọwọn̄,” ẹmekeme ndikemek vidio, ikwọ, m̀mê n̄kpọ en̄wen emi ẹkerede ke eyenen̄ede ọfọn ye mmọ. Man ẹkụt n̄kpọ oro, ẹka ebiet emi ẹwetde “Yom” ẹketaip “Se Ẹkpenamde ke Ini Utuakibuot Ubon.”
Ẹtie ye nditọ mbufo ẹneme n̄kpọ oro. Ẹkûyak mmọ ẹtie ikpọn̄ ẹse mme vidio oro m̀mê ẹdrọ mme n̄kpọ oro sia mbufo mîyomke mmọ ẹfịna mbufo uwem. Utu ke oro, ẹtie ye mmọ ẹneme mme n̄kpọ oro, ẹnyụn̄ ẹn̄wam mmọ ẹnam se idinamde mmọ ye Jehovah ẹtetim ẹkpere.
a Ediwak vidio emi mme uyen ye nditọwọn̄ ẹkemede ndida n̄kpep n̄kpọ ẹdu idahaemi ke JW Library®. Edi se ẹkemede ndida n̄wet m̀mê ndidrọ n̄kpọ ẹdu ke Ikọmbakara kpọt ke JW Library®, inyụn̄ iwakke.
