SE AKPANAMDE MAN ETRE NDISUA OWO
1 | Kûsari Owo
Se Bible Ọdọhọde:
“Abasi inamke asari, edi ke kpukpru idụt enye enyenyịme owo eke abakde enye onyụn̄ anamde edinen ido.”—UTOM 10:34, 35.
Se Itien̄wed Emi Ọwọrọde:
Jehovah * Abasi isisehe ebiet emi owo otode m̀mê nte enye etiede. Edi enye esise se owo ekerede ye se idọn̄de owo. Bible ọdọhọ n̄ko ete: “Owo ese se enye okụtde ke enyịn; edi Jehovah ese esịt.”—1 Samuel 16:7.
Se Akpanamde:
Kpa ye oro nnyịn mîkemeke ndidiọn̄ọ se isịnede owo ke esịt, imekeme ndima kpukpru owo nte Abasi amade. Kûsua owo ke ntak ebiet emi enye otode. Edieke ekerede ke emesisari owo ke ntak ebiet emi enye otode, bọn̄ akam dọhọ Jehovah an̄wam fi etre utọ n̄kpọ oro. (Psalm 139:23, 24) Edieke ọbọn̄de akam eben̄e Jehovah an̄wam fi etre asari, enye oyokop akam fo onyụn̄ an̄wam fi. —1 Peter 3:12.
^ ikp. 6 Bible ọdọhọ ke Abasi ekere Jehovah.—Psalm 83:18.
“Akanam ntiehe kiet ye mbakara . . . Idahaemi ndisịne ke ubon nditọ Abasi oro ẹdude ke ofụri ererimbot.”—TITUS
Ekeme Ndidi Ayama Mmọ Emi N̄ko
ENYỌN̄-UKPEME
Jehovah “Inamke Asari”
Abasi esikpan̄ utọn̄ okop akam kpukpru ikọt esie inamke n̄kpọ m̀mê mmọ ẹto m̀mọ̀n̄. Nnyịn isan̄a didie ifiọk?
ẸDEMEDE!
Nso ke Bible Etịn̄ Aban̄a Asari?
Ndi kpukpru orụk ẹdi ukem ukem? Ndi asari eyetre tutu amama?
