Bible Ọdọhọ Didie?
Ndi Abasi enyene enyịn̄?
NDUSỤK OWO ẸDỌHỌ ke enye inyeneke enyịn̄, ndusụk ẹdọho ke enyịn̄ esie edi Abasi m̀mê Ọbọn̄, mbon en̄wen ẹdọhọ ke enye enyene ediwak enyịn̄. Afo ekere didie?
SE BIBLE ỌDỌHỌDE
“Afo, emi enyịn̄ fo edide Jehovah, afo ikpọn̄ edi Ata Edikon̄ ke ofụri isọn̄.”—Psalm 83:18.
NSO EN̄WEN KE BIBLE ỌDỌHỌ?
Okposụkedi emi ẹsikotde Abasi “Ọbọn̄,” “Andibot,” ye mme n̄kpọ ntre, idịghe enyịn̄ esie edi oro. Abasi enyene enyịn̄ kiet kpọt.—Exodus 3:15.
Abasi oyom nnyịn ifiọk imọ.—Utom 17:27.
Ndifiọk enyịn̄ Abasi ayan̄wam nnyịn ikeme ndidi ufan esie.—James 4:8.
Ndi ọdiọk ndikot enyịn̄ Abasi?
DIDIE KE ỌKPỌBỌRỌ?
Ih
Ihih
Ekeme ndidiọk
SE BIBLE ỌDỌHỌDE
“Kûtomo enyịn̄ Jehovah Abasi fo ke usụn̄ eke mîdotke.” (Exodus 20:7) Se idiọkde edi ndikot enyịn̄ Abasi ke usụn̄ emi mîdotke.—Jeremiah 29:9.
NSO EN̄WEN KE BIBLE ỌDỌHỌ?
Jesus ama ọdiọn̄ọ enyịn̄ Abasi, enye ama esinyụn̄ okot enyịn̄ oro.—John 17:25, 26.
Abasi ọdọhọ nnyịn isikot imọ ke enyịn̄. —Psalm 105:1.
Mme asua Abasi ẹdomo ndinam mme owo ẹfre enyịn̄ esie.—Jeremiah 23:27.
Ekeme Ndidi Ayama Mmọ Emi N̄ko
ESSENTIAL BIBLE TEACHINGS
Abasi Ekere Didie?
Bible ọdọhọ ke Abasi edi Ata Ọkpọsọn̄ m̀mê Abasi Ibom, Andibot, ye Ọbọn̄. Edi ata enyịn̄ esie odu ke Bible ebe utịm ike-7,000.
BIBLE EKEME NDIBỌRỌ MBỤME FO
Abasi Enyene Enyịn̄ Ifan̄?
Ndusụk owo ẹkeme ndikere ke enyịn̄ Abasi edi ‘Allah’ ye ‘El Shaddai,’ m̀mê ‘Jehovah-Jireh’ ye ‘Alpha and Omega.’ Ntak ọfọnde idiọn̄ọ enyịn̄ emi ikpokotde Abasi?
BIBLE EKEME NDIBỌRỌ MBỤME FO
Ndi Jesus Edi Enyịn̄ Abasi?
Akananam Jesus idọhọke ke imọ idi Ata Ọkpọsọn̄ Abasi. Ntak mîdọhọke?
ENYỌN̄-UKPEME
