Idụhe owo nnyịn ndomokiet emi akanam owo esie mîkpaha. Ndi oro ọwọrọ ke nnyịn idikwe aba mbon nnyịn oro ẹkpade? Ndi Abasi efre mbon oro ẹkpade? Ndi eke mmọ okụre?

ABASI IFREKE MME AKPAN̄KPA

“Kpukpru mme andidu ke udi editi [ẹyewọn̄ọ] ẹdi.”—John 5:28, 29.

Abasi ayanam mbon oro enye etide ẹset.

MME OWO ẸYESET ẸDIDU UWEM KE ISỌN̄ EMI

“Ndinen owo ye mme anam ukwan̄n̄kpọ ẹyeset ke n̄kpa.”—Utom 24:15.

Ata ediwak owo ẹyeset ẹdidu uwem ke nsinsi ke ini emem edidude ke ofụri ererimbot.

SE INAMDE INỊM KE ABASI AYANAM MME OWO ẸSET

“[Abasi] abat ntantaọfiọn̄; okot kpukpru mmọ ke enyịn̄.”—Psalm 147:4.

Edieke Abasi ọfiọkde kpukpru ntantaọfiọn̄ ke enyịn̄, ọwọrọ idisọn̄ke enye nditi mbon oro enye edinamde ẹset.