NDI ẸKEBOBOT?
Ikpa Urụkikọt
SIA urụkikọt mînyeneke ukot se ada asan̄a isan̄, ana ikpa esie okpokpụp man enye okûda unan. Ndusụk urụkikọt ẹsidọk eto emi mîdọnọke idem, ndusụk ẹsinyọni ke odudu ke esịt isọn̄. Nso inam ikpa urụkikọt etie ntem?
Kere ise: Ikpa urụkikọt etiene nte urụkikọt etiede. Edi enyene n̄kpọ emi edikụtde ke kpukpru ikpa: Edem ọsọsọn̄ edi esịt ememem. Didie ke emi esin̄wam urụkikọt? Anam-ndụn̄ọde kiet emi ekerede Marie-Christin Klein ọdọhọ ke ‘n̄kpọ emi etiede ntem isisọpke inyene unan inyụn̄ isọpke iwaha ke ini n̄kpọ ekịmde m̀mê akwatde enye.’ Nte ikpa urụkikọt etiede anam urụkikọt esikeme ndinyọni ke isọn̄ inyụn̄ iyakke enye akwat idem ọkpọsọn̄ ke itiat mbak itiat edinọ enye unan. Urụkikọt esifọrọde ikpa ke ọfiọn̄ iba m̀mê ita ẹbede. Edieke ikpa emi mîkpokpụpke, enye ikpekemeke ndisan̄a ofụri oro mbemiso ọfọrọrede.
Nte ikpa urụkikọt etiede ayan̄wam ntaifiọk ẹnam n̄kpọ emi ẹdisịnde owo ke idem ke ini ẹsiakde owo idem. Mmọ ẹyom enye emi edibịghide edinyụn̄ ọsọn̄ọde esịne ke itie emi ẹsịnde enye. Ẹkere ndida ifiọk emi n̄ko nsio obufa masịn emi esiwerede n̄kpọ, emi mîdiyomke ẹsịn ediwak aran.
Afo ekere didie? Ndi n̄kpọ okoforo urụkikọt emi enyenede utọ ikpa emi? Mîdịghe ndi ẹkebobot?
Ekeme Ndidi Ayama Mmọ Emi N̄ko
ẸDEMEDE!
Ikpọk N̄kọp ye Ikpọk Ekwọn̄ Inyan̄
Nte ikpọk n̄kọp ye ikpọk ekwọn̄ inyan̄ etiede esinam n̄kpọ okûsọp anam mmọ ke inyan̄.
ẸDEMEDE!
Mfri Oro Ẹkotde Pollia Berry
Pollia berry inyeneke mmọn̄ibọk emi esinamde mfri enyene uduot. Edi idụhe mfri en̄wen emi enyenede utọ uduot emi. Nso inam enye enyene utọ ediye uduot emi?
ẸDEMEDE!
Idet Iyụn̄
Ediwak unam emi ẹdụn̄de ke mmọn̄ ẹnyene ata akamba ikpọn̄ ke idem, ndien ikpọn̄ emi isiyakke tuep ọsọp anam mmọ. Edi enyene n̄kpọ en̄wen emi esin̄wamde iyụn̄.
ẸDEMEDE!
Nte Ọkwọk Esisan̄ade Ọsọrọ ke N̄kpọ
Ntak emi ọfọnde ẹse nte ọkwọk esisọrọde man ẹkeme ndibot ukwakutom emi ẹsinamde efe aka ebiet en̄wen akanam n̄kpọ?
ẸDEMEDE!
Idet Nnuene Sahara
Nnuene Sahara emi ntaifiọk ẹkotde Cataglyphis bombycina edi kiet ke otu n̄kpọ emi ekemede ndiyọ ufiop eyo n̄kan. Nso isinam enye ekeme ndiyọ ufiop ntem?
ẸDEMEDE!
N̄kọp Emi Enyenede N̄kam
N̄kọp emi enyenede n̄kam esisọn̄ọ eyịre ke n̄kpọ. Ndifiọk nte n̄kam emi etiede ekeme ndin̄wam ntaifiọk ẹdiọn̄ọ nte ẹkpebọpde n̄kpọ ẹdian ke ufọk ye nte ẹkpenamde esịp adiana ye ọkpọ ke ini owo enyenede mfịna ke ọkpọ.
