N̄weditoro Eti Utom

ORO edi se N̄ka Uforo Mbon Congo ye Mme Ọkọmbụk N̄kpọntịbe Africa (AJOCAD) ke Democratic Republic of Congo esinọde “ndiwụt esịtekọm nnọ mme owo m̀mê esop n̄kaowo oro ẹtịpde ekese ẹsịn ke uforo [Congo].”

Ke November 17, 2000, ẹma ẹnọ Mme Ntiense Jehovah N̄weditoro Eti Utom oro ke “se mmọ ẹtịpde ẹsịn ke uforo mbon Congo [ebe ke] ifiọk ye ukpep oro ẹdọn̄ọde ke mme n̄wed mmọ.”

Ke etịn̄de aban̄a enọ oro, n̄wedmbụk n̄kpọntịbe Kinshasa oro Le Phare ọkọdọhọ ete: “Ọsọsọn̄ ndikụt owo Congo kiet oro mînyeneke magazine Enyọn̄-Ukpeme ye Awake! m̀mê mme n̄wed eken oro Mme Ntiense Jehovah ẹsiode. Mme magazine emi [ẹsitịn̄ ẹban̄a] kpukpru ikpehe uwem.” Ibuotikọ oro ama etịn̄ n̄ko ete ke mme n̄wed oro ẹsiwụt “nte ẹkpeyọde mme mfịna ẹdude mfịn” ẹnyụn̄ ẹnyan ubọk ẹwụt “se mme n̄kpọntịbe eke ndondo emi ẹnen̄erede ẹwọrọ.” Nsiondi Awake! kiet kiet ‘ada san̄asan̄a ọkpọn̄ ukaraidem inyụn̄ imenekede orụk kiet ke enyọn̄ ikan en̄wen.’ Ke adianade do, mme n̄wed emi ẹbọp “mbuọtidem ke un̄wọn̄ọ Andibot aban̄ade emem emem ererimbot oro ekperede ndida itie idiọk, mbiara editịm n̄kpọ emi odude ke emi.”

Nte AJOCAD okosiode owụt, mme n̄wed Mme Ntiense Jehovah ẹnyene ufọn ẹnọ ata ediwak mbon Congo. Sia ẹdude ke ediwak usem ke mme itie ikie, ọnọ-idotenyịn etop mmọ ekeme n̄ko ndinyene ufọn nnọ fi.

Mbọk se idakisọn̄ emi man ọfiọk nte afo ekemede ndibọ ufọn nto mmọ.