Mmọ Ẹkot Enyịn̄ Abasi ke Ufọt Ufọt Africa

ATA ediwak owo ke Ufọt Ufọt Africa ẹnịm Abasi ke akpanikọ. Mmọ inyeneke eyịghe ndomokiet nte ke enye edi Andibot kpukpru n̄kpọ. (Ediyarade 4:10b) Nte ededi, ukem nte ediwak owo ke mme itie en̄wen, mmọ ẹsiwak ndifụmi ọkpọkpọ enyịn̄ esie—Jehovah.

Mme owo ke Ufọt Ufọt Africa, ọkọrọ ye ediwak ikpehe eken ke ererimbot, ẹsitịn̄ ẹban̄a enyịn̄ Abasi ke ini mmọ ẹbọn̄de Akam Ọbọn̄ ẹte, “Yak ikpono enyịn̄ Fo.” (Matthew 6:9) Edi ke anyan ini, ibat ibat owo ẹkediọn̄ọ enyịn̄ oro. Ke ediwak isua oro ẹbede, ifịk ifịk utom ukwọrọikọ Mme Ntiense Jehovah omokpụhọde edu oro mme owo ẹnyenede ẹban̄a edikot enyịn̄ Abasi. Mfịn, ẹdiọn̄ọ ẹnyụn̄ ẹnyịme enyịn̄ Abasi ntatara ntatara ke mme usem Africa, utọ nte Zulu (uJehova), Yoruba (Jehofah), Xhosa (uYehova) ye Swahili (Yehova). Kpa ye oro, ata ediwak edikabade Bible ke mme usem emi isụk idaha enyịn̄ Abasi.

Eti edikabade oro adade enyịn̄ Abasi edi Bible usem Zande, kpa usem oro ẹsemde ke ndusụk ikpehe Central African Republic, Sudan, ye Democratic Republic of Congo. Ke ikpehe ererimbot n̄kan̄ oro, mme owo ẹkot enyịn̄ Abasi, ẹbọpde enye nte Yekova ke usem ẹmana mmọ. Inamke n̄kpọ m̀mê ẹwet enyịn̄ Abasi didie ke usem emana fo, edi akpan n̄kpọ ndikot enye. Ntak-a? Koro “owo ekededi eke edisemede okot enyịn̄ Jehovah ọyọbọhọ.”—Rome 10:13.

[Ndise obio/Ndise ke page 32]

(Ama oyom ndikụt nte enye enen̄erede etie, se n̄wed)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Ebiet Ẹdade N̄kpọ Ẹto]

The Complete Encyclopedia of Illustration/J. G. Heck