Nte Afo Emeti?

Nte afo ama adara ndikot mme nsiondi Enyọn̄-Ukpeme eke ndondo emi? Ọfọn, se m̀mê afo emekeme ndibọrọ mme mbụme ẹtienede mi:

• Akwa Esop Ibet Ukara Germany eketịp esịn ke ewe edikan ke ikpe emi abuanade ido ukpono?

Esop oro ama abiat ukwan̄ ubiereikpe oro esop efen ekebierede ọnọ Mme Ntiense Jehovah ye mmọ ndidi se ẹnọde unyịme nte n̄ka oro ibet enyịmede. Ubiereikpe edikan oro ọkọdọhọ ete ke “ndisụk ibuot nnọ mme ukpepn̄kpọ ido ukpono” n̄kan se Ukara oyomde edi se ikemde ye ifụre ido ukpono.—8/15, page 8.

• Job okokụt ndutụhọ ebịghi adan̄a didie?

N̄wed Job iwụtke ke enye ama okụt ndutụhọ ke ediwak isua. Ekeme ndidi ndutụhọ Job ye ubiere esie ẹketịbe ke ufan̄ ọfiọn̄ ifan̄, eyedi ama osụhọde akan isua kiet.—8/15, page 31.

• Ntak emi nnyịn ikemede nditịm nnịm nte ke Devil idịghe nsunsu ekikere?

Jesus Christ ama ọfiọk ete ke Devil edi ata owo. Ata owo okodomo Jesus, idịghe ndusụk idiọkn̄kpọ esịtidem esie. (Matthew 4:1-11; John 8:44; 14:30)—9/1, page 5-6.

• Mme N̄ke 10:15 ọdọhọ ete: “Inyene ọbọn̄ edi ọkpọsọn̄ obio esie: nsobo mme ubuene edi unana mmọ.” Didie ke emi edi akpanikọ?

Inyene ekeme ndikpeme owo nsio ke ndusụk mfịna uwem, kpa nte obio ibibene ọnọde mbon oro ẹdụn̄ọde ke esịt ndusụk udomo ukpeme. Ke n̄kan̄ eken, ubuene ekeme ndikama nsobo ke ini mme n̄kpọntịbe unana idotenyịn ẹtịbede.—9/15, page 24.

• Ke nso usụn̄ifiọk ke ẹketọn̄ọ “ndikot Jehovah ke enyịn̄ Esie” ke eyo Enosh? (Genesis 4:26)

Ẹma ẹsikot enyịn̄ Abasi toto ke ntọn̄ọ mbụk owo; ntem, se ẹketọn̄ọde ke eyo Enosh ikedịghe edikot enyịn̄ Jehovah ke mbuọtidem. Ekeme ndidi mme owo ẹma ẹsabade enyịn̄ Abasi ebe ke ndida enye n̄kere ke idemmọ mîdịghe ẹda enye ẹsio mme owo en̄wen oro mmọ ke abian̄a ẹkenamde nte ituak ibuot inọ Abasi ebe ke mmọ.—9/15, page 29.

• Nte ẹdade ẹtịn̄ ikọ ke Bible, nso ke ikọ oro “ntụnọ” ọwọrọ?

Ikọ oro inọhọ ekikere iban̄a mfiomo m̀mê ibak ekededi. (Mme N̄ke 4:13; 22:15) Ikọ Greek oro adade ọnọ “ntụnọ” enyene ebuana akpan akpan ye item, ukpep, edinen̄ede, ndien, ke ndusụk idaha, edinọ enyene-iwụk ye ima ima ufen. Akpan usụn̄ kiet emi mme ete ye eka ẹkemede ndikpebe Jehovah edi ke ndidomo ndisineme nneme ye nditọ mmọ. (Mme Hebrew 12:7-10)—10/1, page 8, 10.

• Didie ke mme ata Christian mfịn ẹwụt nte ke mmimọ ida inọ ukara Abasi?

Sia ẹdade ẹnọ Obio Ubọn̄ Abasi, Mme Ntiense Jehovah isịnke idem ke mbre ukara m̀mê ndisịn udọn̄ nnọ nsọn̄ibuot, idem ke mme idụt oro ẹkpande Mme Ntiense. (Titus 3:1) Mmọ ẹdomo ndinọ eti un̄wam ukem nte Jesus ye mme mbet esie eke akpa isua ikie ẹnyụn̄ ẹdomo ndin̄wam mme owo ẹnyene nti edu oro ẹkemde ye Bible, utọ nte edinam akpanikọ, edisana ido uwem, ye eti edu unam utom.—10/15, page 6.

• Didie ke ọnọ-uwem mmọn̄ ọfiọrọ ke Andes?

Mme Ntiense Jehovah do ke ẹsịn ukeme ndida akpanikọ Bible nsọk mme owo, idem ke usem iba oro ẹsemde ke n̄kann̄kụk oro, Quechua ye Aymara. Mme Ntiense ẹsika ẹkese mme owo oro ẹdụn̄ọde ke mme isuo Lake Titicaca, esịnede mme isuo n̄kpoto oro “ẹfiọrọde-fiọrọ” emi ẹdade mme nnyanyan̄a oro ẹkọride ke mmọn̄ isuo oro ẹnam.—10/15, page 8-10.

• Nso ke Abasi ọnọ ndida nnyịn usụn̄ oro ẹkemede ndimen ndomo ye ndutịm kọmputa oro ẹdade ẹnọ ubomofụm ndausụn̄ mfịn?

Abasi ọnọ mme owo ukeme ndausụn̄ ido uwem, kpa ifiọk ido uwem esịtidem. Emi edi ndammana ubieresịt nnyịn. (Rome 2:14, 15)—11/1, page 3-4.

• Ntak emi n̄kpa Jesus enyenede akwa ufọn?

Ke ini mfọnmma owo oro Adam akanamde idiọkn̄kpọ, enye ama ọduọk uwem esie eke owo ye uwem nditọ esie. (Rome 5:12) Nte mfọnmma owo, Jesus ama awa uwem esie eke owo, ntem ọnọde ufak oro anamde ubonowo oro ọbuọtde idem ekeme ndinyene nsinsi uwem.—11/15, page 5-7.

• Mmanie ẹkedi mbon Scythia oro ẹtịn̄de ẹban̄a ke Colossae 3:11?

Mbon Scythia ẹkedi idụt nyon̄ oro ẹkedụn̄ọde ke mme in̄wan̄ Europe ye Asia, ẹkarade ọtọn̄ọde ke n̄kpọ nte 700 esịm 300 M.E.N. Mmọ ẹkedi mme enyene-ndyọ awat enan̄ mbakara ye mbonekọn̄. Ekeme ndidi Colossae 3:11 iketịn̄ke iban̄a akpan idụt kiet, edi eketịn̄ aban̄a ata mbon esịtikọt.—11/15, page 24-25.

• Ntak emi nnyịn ikemede ndidọhọ ke Mfọnmma Ibet edi ukpepn̄kpọ oro odotde ikere iban̄a kpukpru ini?

Ẹkpep edumbet ido uwem emi ke Ido Ukpono Mme Jew, Ido Ukpono Buddha, ukpepn̄kpọ akwaifiọk Greece, ye Ido Ukpono Confucius. Nte ededi, oyom ẹda se Jesus ekekpepde ke Ukwọrọikọ oro ke Obot ẹsịn ke edinam, ndien enye otụk uwem mme owo ke kpukpru itie ye ke kpukpru emana. (Matthew 7:12)—12/1, page 3.