Kpep N̄kpọ to Nicodemus
Kpep N̄kpọ to Nicodemus
“EDIEKE owo ekededi oyomde nditiene Mi, yak enye otụk idem esie, onyụn̄ emen [eto ndutụhọ, NW] esie ke usen ke usen etiene Mi.” (Luke 9:23) Mme ọkọiyak oro ẹkesụhọrede idem ye mme ọbọ a-tax oro ẹkesede ke ndek ẹma ẹsọsọp ẹyere ikot oro. Mmọ ẹma ẹkpọn̄ kpukpru n̄kpọ ẹtiene Jesus.—Matthew 4:18-22; Luke 5:27, 28.
Ke ẹsụk ẹkokop ikot Jesus oro mfịn, ndien ediwak owo ẹyere. Nte ededi, ndusụk mbon oro ẹmade ndikpep Bible ye Mme Ntiense Jehovah ẹsimen̄e ‘nditụk idemmọ nnyụn̄ mmen eto ndutụhọ mmọ.’ Mmọ ẹsimen̄e ndinyịme mbiomo ye ifet edidi mbet Jesus.
Ntak emi ndusụk owo ẹsimen̄ede ndiyere ikot Jesus nnyụn̄ nyak idemmọ nnọ Jehovah Abasi? Edi akpanikọ, mbon oro mîkọkọrike ye ekikere Mme Jew ye eke Christian oro nte ke Abasi kiet kpọt odu, ẹkeme ndiyom anyan ini Matthew 24:36-42; 1 Timothy 6:9, 10) Se ededi oro idaha ekemede ndidi, mbon oro ẹkade iso ndisịk ubiere edikabade ndi mme anditiene Jesus nnịm, ẹnyene n̄kpọ ndikpep nto mbụk Nicodemus, andikara mme Jew eke eyo Jesus emi ekedide imọ owo.
mbemiso ẹdide ẹdinyene ọyọhọ ifiọk nte ke ata ata ọkpọsọn̄ Andibot odu. Edi, idem ke ẹma ẹkedi ẹdifiọk nte ke Abasi edi ata owo, ndusụk owo isinyịmeke nditiene nde ikpat Jesus. Mmọ ẹkeme ndikop ndịk mban̄a se mme iman ye mme ufan mmọ ẹdikerede edieke mmọ ẹkabarede ẹdi Mme Ntiense Jehovah. Mbon eken, emi ẹfrede nte ini emi nnyịn idude uwem edide usọp usọp, ẹwọn̄ọde ẹbịne ediyom uwọrọiso m̀mê uforo. (Ẹnọ Mme Utịbe Utịbe Ifet
N̄kpọ nte ọfiọn̄ itiokiet kpọt ke Jesus ama ọkọtọn̄ọ utom ukwọrọikọ esie ke isọn̄, Nicodemus ọfiọk Jesus nte “Andikpep emi Abasi osiode ọdọn̄.” Ke okopde n̄kpaidem aban̄a mme utịben̄kpọ oro Jesus akanamde ndondo emi ke Jerusalem ke Passover eke 30 E.N., Nicodemus edi, ke okoneyo, ndidọhọ ke imọ imenịm Jesus ke akpanikọ ndinyụn̄ n̄kpep n̄kpọ efen efen mban̄a andikpep emi. Mmọdo, Jesus etịn̄ ntotụn̄ọ akpanikọ ọnọ Nicodemus aban̄a ufọn ‘editọn̄ọ ntak mmana’ man owo odụk Obio Ubọn̄ Abasi. Ke ini emi, Jesus etịn̄ n̄ko mme ikọ emi: “Abasi akamama ererimbot ntem, tutu Enye osio ikpọn̄-ikpọn̄ Eyen emi Enye obonde ọnọ, man owo ekededi eke ọbuọtde idem ye Enye okûtak, edi enyene nsinsi uwem.”—John 3:1-16.
Nso utịbe utịbe idotenyịn ina Nicodemus
ntem ke iso! Enye ekeme ndikabade ndi n̄kpet n̄kpet nsan̄a Jesus, ekemede ndida enyịn n̄kụt nsio nsio ikpehe uwem Jesus ke isọn̄. Nte andikara mme Jew ye andikpep ke Israel, Nicodemus enyene ndusụk ifiọk Ikọ Abasi. Enye n̄ko enen̄ede enyene ikike, nte ẹkemede ndikụt ke enye ndifiọk Jesus nte andikpep emi Abasi okosiode ọdọn̄. Nicodemus enyene udọn̄ ke mme n̄kpọ eke spirit, ndien enye enen̄ede osụhọde idem. Anaedi ọsọn̄ didie ntem andibuana ke n̄kponn̄kan esopikpe mme Jew ndinyịme usụhọde eyen anamusọ eto nte owo emi Abasi osiode ọdọn̄! Kpukpru utọ edu oro ẹdi akpan n̄kpọ ke owo ndidi mbet Jesus.Etie nte udọn̄ oro Nicodemus enyenede ke idem owo Nazareth emi isụhọkede. Isua iba ye ubak ke ukperedem, ke Usọrọ Mme Ataya, Nicodemus odụk mbono Sanhedrin. Ke ini emi, Nicodemus osụk ededi “owo kiet ke otu mmọ.” Ikpọ oku ye mme Pharisee ẹdọn̄ mme isụn̄utom ẹte ẹkemụm Jesus. Mme isụn̄utom oro ẹnyọn̄ọ ẹdi ẹditọt ẹte: “Akananam owo itịn̄ke ikọ nte owo emi.” Mme Pharisee ẹtọn̄ọ ndisụhọde mmọ itie, ẹte: “Nte mbufo n̄ko ẹmewaha ẹkpọn̄ usụn̄? Nte baba owo kiet ke otu mbiowo m̀mê ke otu mme Pharisee ọkọbuọt idem ye Enye? Ama edi otu owo eke mîfiọkke ibet, mmọ ẹdi mbukpo owo.” Nicodemus ikemeke aba ndime. Enye ọdọhọ ete: “Nte ibet nnyịn ebiere ikpe owo, ke ini mîkopke kan̄a uyo esie, mînyụn̄ ifiọkke se enye anamde?” Ntem ke mme Pharisee eken ẹtọn̄ọ ndikụt ndudue nnọ enye, ẹte: “Nte afo n̄ko oto ke Galilee? Dụn̄ọde kokụt ete, baba prophet kiet itoho ke Galilee iwọrọ.”—John 7:1, 10, 32, 45-52.
N̄kpọ nte ọfiọn̄ itiokiet ke ukperedem, ke Usen Passover eke 33 E.N., Nicodemus okụt nte ẹkọn̄ọrede okpo Jesus ke eto ndutụhọ. Enye adiana ye Joseph owo Arimathea, owo Sanhedrin n̄ko, ke nditịm okpo Jesus mben̄e edibụk. Ke ntak oro, Nicodemus ada “mbuaha myrrh ye aloes” emi udop esie ekperede pound 100 ke udomon̄kpọ mbon Rome, edide pound 72 ke udomon̄kpọ England, edi. Emi edi ata ediwak okụk. Enye ndinyene n̄kpọ ndinam ye “owo abian̄a,” nte mme John 19:38-42; Matthew 27:63; Mark 15:43.
ekemmọ Pharisee ẹkotde Jesus, oyom uko n̄ko. Ke ẹtịmde okpo Jesus usọp usọp ẹben̄e edibụk, owo iba emi ẹnịm Jesus ke obufa udi oro odude ekpere. Nte ededi, idem idahaemi Nicodemus isụk iwụtke idem nte mbet Jesus!—Ntak Emi Enye Mîkanamke N̄kpọ
John ikayarakede ke mbụk esie se ikedide ntak emi Nicodemus mîkenyịmeke ‘ndimen eto ndutụhọ esie’ ntiene Jesus. Nte ededi, enye ama etịn̄ ndusụk n̄kpọ oro ẹkemede ndinam an̄wan̄a ntak emi Pharisee emi ekemen̄ede ndinam ubiere.
Akpa kan̄a, John ama osio owụt nte ke ọbọn̄ Jew oro ekedi “etiene Jesus ke okoneyo.” (John 3:2) Eyen ukpepn̄kpọ Bible kiet ọnọ ekikere ete: “Nicodemus ikedịghe ke okoneyo ke ntak ndịk, edi man efep otuowo oro ẹkpekebiọn̄ọde enye ndibụp Jesus mbụme.” Edi, John eketịn̄ aban̄a Nicodemus nte ‘owo emi ekedide ke editọn̄ọ edisobo ye Jesus ke okoneyo’ ke ukem udọn̄ikọ oro enye eketịn̄de aban̄a Joseph owo Arimathea nte ‘edide mbet Jesus ke ndịbe ọnọ ndịk mme Jew.’ (John 19:38, 39) Mmọdo, etie nte Nicodemus akaka etiene Jesus ke okoneyo ke ntak “ndịk mme Jew,” kpa nte mbon eyo esie eken ẹkefehede ndịk edinyene ebuana ekededi ye Jesus.—John 7:13.
Nte afo emesịk ubiere edikabade ndi kiet ke otu mbet Jesus enịm ke ntak emi okopde ndịk aban̄a se mme iman, mme ufan, m̀mê mme nsan̄a fo ẹditịn̄de? N̄ke kiet ọdọhọ ete: “Uten̄e owo ọkọk afia enịm.” Didie ke afo ekeme ndikan ndịk oro? N̄ke oro aka iso ete: “Edi ẹda owo eke ọbuọtde idem esie ye Jehovah ẹmenede enye ẹnịm ke enyọn̄.” (Mme N̄ke 29:25) Man ekeme ndinyene mbuọtidem oro ke Jehovah, oyom afo ke idemfo ọfiọk ete ke Abasi eyekpeme fi ke ini afo odude ke nnanenyịn. Bọn̄ akam nọ Jehovah, nyụn̄ ben̄e enye uko ndinam idem n̄kpri ubiere ẹban̄ade utuakibuot fo. Sụn̄sụn̄, mbuọtidem ye ibetedem fo ke Jehovah ẹyekọri ẹsịm udomo oro afo edikemede ndinam ikpọ ubiere oro ẹdude ke n̄kemuyo ye uduak Abasi.
Ekeme ndidi idaha ye uku Nicodemus nte andibuana ke otu mbon oro ẹkekamade ukara n̄ko ẹkebiọn̄ọ enye ndinam akpan usio-ukot eke editụk idemesie. Ke ini oro, anaedi enye ke okosụk enenen̄ede ama itie esie nte owo Sanhedrin. Nte afo ememen̄e ndinam n̄kpọ ndikabade ndi anditiene Christ koro afo ekemede nditaba akamba itie ke n̄kaowo m̀mê koro ekemede ndiyom fi asana ndusụk idotenyịn uforo ayak? Ndomokiet ke otu n̄kpọ emi imenke udomo ye ukpono eke edikeme ndinam n̄kpọ Andikon̄ N̄kan ke ofụri ekondo, emi enyịmede ndinam eben̄e emi afo eben̄ede nte ekemde ye uduak esie.—Psalm 10:17; 83:18; 145:18.
Ekeme ndidi n̄kpọ efen emi akanamde Nicodemus emen̄e ekedi inyene esie. Nte owo Pharisee, ekeme ndidi mbon efen emi ‘ẹkedide mme ama-inyene’ ẹma ẹnyene odudu ke idem esie. (Luke 16:14) Enye ndikekeme ndidep ọsọn̄urua mbuaha myrrh ye aloes owụt ke enye ama enyene inyene. Ndusụk owo mfịn ẹmen̄e ndibiere ndibiom mbiomo edidi Christian koro mmọ ẹtịmerede esịt ẹban̄a inyene obụkidem mmọ. Nte ededi, Jesus ama ọnọ mme anditiene enye item ete: “Ẹkûtịmede esịt ẹban̄a uwem mbufo, ẹte ididia nso? m̀mê idin̄wọn̄ nso? m̀mê ẹban̄a ikpọkidem mbufo, ẹte idisịne nso? . . . koro Ete mbufo ke heaven ọmọfiọk ete kpukpru n̄kpọ emi ẹnana mbufo. Ẹkam ẹbem iso ẹyom Obio Ubọn̄ Esie ye edinen ido Esie; ndien ẹyedian kpukpru n̄kpọ emi ẹnọ mbufo.”—Matthew 6:25-33.
Enye Ama Ataba Ekese N̄kpọ
Nte enemde, mbụk aban̄ade Nicodemus, emi odude ke Gospel John kpọt, itịn̄ke m̀mê enye ama akabade edi anditiene Jesus m̀mê ikakabakede idi. Nte mbụk kiet ọdọhọde, Nicodemus ama ada ọnọ Jesus, ana baptism, mme Jew ẹnyụn̄ ẹkọbọ, ẹbọ enye itie esie, ndien ke akpatre ẹbịn enye ẹfep ke Jerusalem.
Se ededi oro idaha oro ekedide, n̄kpọ kiet edi akpanikọ: Enye ama ataba ekese n̄kpọ ke ndikesịk n̄kpọ nnịm ke adan̄aemi Jesus okodude ke isọn̄.Edieke Nicodemus ọkpọkọtọn̄ọde nditiene Jesus ke akpa ini oro enye okosobode ye Ọbọn̄, enye ekpekekeme ndikabade ndi n̄kpet n̄kpet mbet Jesus. Ye ifiọk, ikike, nsụhọdeidem, ye udọn̄ n̄kpọ eke spirit oro Nicodemus ekenyenede, enye ekpekekeme ndikabade ndi n̄wọrọnda mbet. Ih, enye okpokokop mme enyene-ndyọ utịn̄ikọ Akwa Andikpep, ekpep mme akpan n̄kpọ oto mme uwụtn̄kpọ Jesus, okụt mme ndyọ ndyọ utịben̄kpọ oro Jesus akanamde, okpokonyụn̄ ọbọ nsịnudọn̄ oto item ini unyọn̄ oro Jesus ọkọnọde mme apostle esie. Edi enye ama ataba kpukpru oro.
Nicodemus ndikemen̄e ndinam ubiere ama atak enye ata ekese n̄kpọ. N̄kpọ efen oro enye akatabade ekedi ufiop ufiop ikot Jesus emi: “Ẹtiene Mi, kpukpru mbufo emi ẹkpade mba ẹnyụn̄ ẹbiomde edidobi mbiomo, ndien Ami nyọnọ mbufo nduọk-odudu. Ẹmen ọkpọnọ Mi ẹkọn̄ọ ke itọn̄ mbufo, ẹnyụn̄ ẹkpebe Mi; koro mmenyene ifụre-ifụre ido nnyụn̄ nsụhọde idem ke esịt; ndien mbufo ẹyekụt nduọk-odudu ẹnọ ukpọn̄ mbufo. Koro ọkpọnọ Mi ememem, mbiomo Mi onyụn̄ efefere.” (Matthew 11:28-30) Nicodemus ama ataba ifet edibọ ata ata nduọkodudu emi nto Jesus ke idemesie!
Nso Kaban̄a Fi?
Toto ke 1914, Jesus Christ odu ke heaven nte Edidem Obio Ubọn̄ Abasi eke heaven. Ke ebemde iso etịn̄ se iditịbede ke ini edidu esie, enye ama etịn̄ ke adianade ye mme n̄kpọ en̄wen, ete: “Ẹyenyụn̄ ẹkwọrọ gospel Ubọn̄ Abasi emi ke ofụri ekondo nte ntiense ẹnọ kpukpru mme idụt, ndien adan̄aoro ke utịt eyedi.” (Matthew 24:14) Mbemiso utịt edide, ẹnyene ndinam utom ukwọrọikọ ofụri ererimbot oro. Jesus Christ okop inemesịt ndinam mme anana-mfọnmma owo ẹbuana ke enye. Afo n̄ko emekeme ndibuana ke utom emi.
Nicodemus ama ọfiọk ete ke Abasi okosio Jesus ọdọn̄. (John 3:2) Otode ke ukpepn̄kpọ Bible, ekeme ndidi afo emesịm ukem ubiere oro. Ekeme ndidi afo amanam mme ukpụhọde ke usụn̄ uwem fo man ada ekekem ye mme idaha Bible. Ekeme ndidi afo amakam odụk mme mbono esop Mme Ntiense Jehovah man enyene ifiọk Bible efen efen. Ẹnyene nditoro fi ke mme utọ ukeme oro. Edi, ama oyom Nicodemus anam n̄kpọ akan sụk edifiọk nte ke Abasi okosio Jesus ọdọn̄. Ama oyom enye “otụk idem esie, onyụn̄ emen [eto ndutụhọ, NW] esie ke usen ke usen etiene” Jesus.—Luke 9:23.
Kere ban̄a se apostle Paul etịn̄de ọnọ nnyịn. Enye ekewet ete: “Nte mme abuana-utom ye Abasi, nnyịn ikpe mbufo ubọk ite, ẹkûyak mfọn Abasi, emi mbufo ẹkebọde, ọwọrọ ikpîkpu; koro Enye ọdọhọ ntem ete, Mma nyere fi ke ini mfọn-ido, mma nnyụn̄ nnyan̄a fi ke usen edinyan̄a. Sese, ini mfọn-ido mi; sese, usen edinyan̄a mi.”—2 Corinth 6:1, 2.
Ini ndinyene mbuọtidem emi onụkde fi anam n̄kpọ edi emi. Man enyene utọ mbuọtidem oro, tie kere mme n̄kpọ oro afo ekpepde ke Bible. Bọn̄ akam nọ Jehovah, nyụn̄ ben̄e enye un̄wam ndinyene utọ mbuọtidem oro. Nte afo okụtde un̄wam esie, esịtekọm ye ima oro afo amade enye ẹyenụk fi oyom ‘nditụk idemfo ndinyụn̄ mmen eto ndutụhọ fo ke usen ke usen ntiene Jesus Christ.’ Nte afo ayanam oro idahaemi?
[Ndise ke page 9]
Ke ntọn̄ọ ntọn̄ọ, Nicodemus ama ada ọnọ Jesus uko uko
[Ndise ke page 9]
Kpa ye ubiọn̄ọ, Nicodemus ama an̄wam nditịm okpo Jesus mben̄e edibụk
[Ndise ke page 10]
Ọkpọkpọ ukpepn̄kpọ ye akam ẹkeme ndisọn̄ọ fi idem ndinam n̄kpọ
[Ndise ke page 10]
Nte afo eyenyịme ifet edinam utom ke idak itie ibuot Jesus Christ?