Ata N̄wọrọnda Orụk Ima

KE ATA ediwak idaha ke N̄wed Abasi Christian Usem Greek, m̀mê ke Obufa Testament, ẹkabade ikọ oro “ima” ẹto ikọ Greek oro a·gaʹpe.

Ke ndinam ikọ oro an̄wan̄a, n̄wed ndụn̄ọde oro Insight on the Scriptures * ọdọhọ ete: “[A·gaʹpe] idịghe ima ntụk oro ọkọn̄ọde ke ikpîkpu edimehe ye owo, nte ẹsiwakde ndikere, edi enye edi ima ido uwem m̀mê eke n̄kaowo oro ọkọn̄ọde ke edikokoi nnyịme enye nte edumbet, mbiomo, ye eti edu, emi oyomde ufọn owo enye eken ke ofụri esịt nte asan̄ade ekekem ye se inende. Ima (a·gaʹpe) anam owo akan usua, idehede iyak usua anam owo ọkpọn̄ ndinen edumbet onyụn̄ osio owo usiene.”

A·gaʹpe ekeme n̄ko ndisịne ọkpọsọn̄ ntụk. Apostle Peter ama eteme ete: ‘Ẹnyene ufiop-ufiop ima [a·gaʹpe] ke otu idem mbufo.’ (1 Peter 4:8) Ntem, ẹkeme ndidọhọ ke a·gaʹpe abuana esịt ye ekikere. Ntak mûkereke uban̄a ndusụk itie N̄wed Abasi oro ẹwụtde odudu oro ata n̄wọrọnda orụk ima emi enyenede ye se enye enen̄ede ọwọrọ? Mme itien̄wed oro ẹtienede mi ẹkeme ndinyene ufọn: Matthew 5:43-47; John 15:12, 13; Rome 13:8-10; Ephesus 5:2, 25, 28; 1 John 3:15-18; 4:16-21.

[Ikọ idakisọn̄]