Ndi Emekeme Ndida Enyịn Ikike N̄kụt Se Okotde?

MAN ekeme ndida enyịn ikike n̄kụt se iketịbede, ọyọfọn afo ọdiọn̄ọ mme ebiet oro afo okotde aban̄a. Ke uwụtn̄kpọ, kere ban̄a isan̄ isụn̄utom apostle Paul, oro ẹbụkde ke n̄wed Utom ke Bible. Paul ọkọtọn̄ọ akpa isan̄ isụn̄utom esie ke Antioch, kpa ebiet emi ẹketọn̄ọde ndikot mme anditiene Jesus, Christian. Enye ama oto do aka mme itie nte Salamis, Antioch eke Pisidia, Iconium, Lystra, ye Derbe. Ndi afo emekeme ndida enyịn ikike n̄kụt ebiet oro mme obio emi ẹkedude?

Ekeme ndidi udukemeke ndikụt ibọhọke afo akama n̄wed ndise obio. Mme utọ ndise obio emi ẹdu ke ediye uduot ekpri n̄wed emi enyenede page 36 mi ‘Kụt Eti Isọn̄.’ Eyen Montana, U.S.A., oro okokotde ediye uduot ekpri n̄wed emi, etịn̄ ikọ ndiwụt esịtekọm esie ete: “Mmokụt mme ebiet oro Paul akasan̄ade nnyụn̄ ndomo ndikere nte enye akasan̄ade ye utom oro enye ye mbon eset eken ẹkenamde ndisuan eti mbụk. Ẹsọsọn̄ọ-o ke ndisio utọ ediye n̄kpọ un̄wam emi.”

Ndise oro owụtde nte Paul akasan̄ade isan̄ esie edi kiet ke otu ediwak ndise obio oro ẹdude ke ediye uduot ekpri n̄wed emi, oro ẹkemede ndin̄wam andikot ndida enyịn ikike n̄kụt se ẹbụkde ke Bible. Afo emekeme ndibọ idem ‘Kụt Eti Isọn̄’ kiet nto Mme Ntiense Jehovah ke n̄kann̄kụk mbufo. Edieke afo edimade owo awaha edise fi, mbọk wet n̄kpọ yọhọ ekebe oro odude ke idak mi nyụn̄ nọ enye aka adres oro ẹwụtde mi m̀mê nnennen adres oro odude ke page 2 ke magazine emi.

□ Mbọk ẹsobo ye ami kaban̄a ukpepn̄kpọ Bible mfọn.

[Ebiet Ẹdade Ndise Ẹto ke page 32]

Pictorial Archive (Near Eastern History) Est.