Ndi Eto Obufa Isua Edi N̄kpọ Mbon Russia? M̀mê eke Mme Christian?

“KE NTỌN̄Ọ NTỌN̄Ọ iduọk isua 1830, ẹkesụk ẹkot awawa eto emi ‘ediye eto mbon Germany.’ Ke isua duop ẹma ẹkebe, mme imọ owo ke St. Petersburg ke Russia ẹma ẹtọn̄ọ ndibon eto emi ke ufọk mmọ. . . . Mme ọkwọrọ ederi ye mme ọtọin̄wan̄ kpọt mîkesibonke eto emi ke ufọk mmọ ke ọyọhọ isua ikie 19. . . .

“Owo ikenen̄ekede ima eto emi . . . mbemiso ọyọhọ isua ikie 19. Nte mme owo ẹkesede eto emi ke ufọt ufọt ọyọhọ isua ikie 19 ama enen̄ede okpụhọde ye nte ẹkesede enye mbemiso ini oro: mbon Russia ẹkedọhọ ke enye edi idiọn̄ọ n̄kpa ẹnyụn̄ ẹbuan enye ye obio ekpo, ke ini mbon eken ẹkesidade enye ẹdori ke ọkọm ufọk un̄wọn̄ n̄kpọ. . . . Nnyịn imetịm ifiọk ke sia mme owo ẹma ẹketọn̄ọ ndida eto emi mbana ufọk mmọ, ke mmọ ẹdise enye nte ẹsede eto Christmas ke Edem Usoputịn, ẹnyụn̄ ẹbuan enye ye Christmas. . . .

“Ikememke utom ndibuan eto emi ye Ido Ukpono Christ ke Russia. Ufọkabasi Orthodox ama ọbiọn̄ọ emi. Mme ọkwọrọ ederi ẹkedọhọ ke obufa edinam emi edi ‘n̄kpọ mme demon,’ edinam mme okpono ndem, emi mîkenyeneke ebuana ndomokiet ye emana Andinyan̄a, ye nte ke enye ekedi edinam mbon Edem Usoputịn.”—Prọfesọ Yelena V. Dushechkina, akwa ekpep ukpepn̄kpọ akwaifiọk ke Ufọkn̄wed Ntaifiọk St. Petersburg ke Russia.

Ebiet Ẹdade Ndise Ẹto ke page 32]

Ndise: Nikolai Rakhmanov