Ikot Oro Ẹnọde Fi . . .

Nte Abasi Osụk Akara?

IWAKKE usen emi nnyịn mîsikopke mme oto-obot afanikọn̄, enyene-ndịk udọn̄ọ, udia-inọ ke ukara, mme edinam oyomonsia, ekọn̄, ye ubiatibet ke mbụk n̄kpọntịbe. Edide mme n̄kpọ emi ẹtụk fi m̀mê itụkke, mmọ ẹsinam nnyịn ibụp m̀mê nso iditịbe inọ ererimbot emi, n̄ko m̀mê n̄kpọ ọyọfọn ke ererimbot tutu amama.

Man ẹbọrọ mme utọ mbụme emi, Mme Ntiense Jehovah emi ẹdude ke se ibede idụt 200 ẹyenọ ekemini utịn̄ikọ an̄wa oro ibuotikọ edide “Nte Abasi Osụk Akara?” Enye eyeneme se Abasi etịn̄de onyụn̄ ọn̄wọn̄ọde ke Ikọ esie oro mînyeneke ndudue, kpa Bible, aban̄a mme akpan mbụme emi:

Ndi Abasi enyene udọn̄ ke se itịbede ke isọn̄?

Nso ke enye ekere aban̄a ubonowo?

Ndi enye ekere aban̄a mfọnọn̄kpọ fo?

Ke ata ediwak ebiet, ẹdinọ utịn̄ikọ emi ke Sunday, April 30, 2006, ke Ufọkmbono Obio Ubọn̄ Mme Ntiense Jehovah. Mme Ntiense ke mbọhọ mbufo ẹyema ndisian fi ini ye ebiet oro ẹdinọde utịn̄ikọ emi.

Nnyịn imokot fi ite edikop ọnọ-nsịnudọn̄ utịn̄ikọ Bible mfọn oro edibọrọde mbụme oro etienede mi edifọn edifọn: Nte Abasi Osụk Akara?