Daniel ye Kad Idiọn̄ọ Mbono

JESUS ama asua ọnọ mme adaiso ido ukpono oro ẹkekụtde idem ke edinen, emi ẹkeyatde esịt ndikụt nditọwọn̄ ẹtorode Abasi an̄wan̄wa. Ntak edi oro enye okobụpde mmọ ete: “Nte akanam mbufo ikotke emi ite, ‘Afo ada inua nseknditọ ye mmọ eke ẹwapde eba ọnọ itoro’?”—Matthew 21:15, 16.

Daniel eyen isua itiokiet emi odude ke esop usem Russian ke Germany owụt ke nditọwọn̄ ke ẹtoro Jehovah mfịn. Daniel ama etiene eka ye adiahaeka esie odụk mbono district Mme Ntiense Jehovah ke Duisburg. Akpa ini oro mmọ ẹkedụkde utọ akamba mbono emi ekedi oro. Kpukpru n̄kpọ ẹketie mmọ esen esen: ufọkisen, akwa otuowo ke mbono, nditie sụn̄-n̄ ke usen ita, baptism, owo itịn̄ke-tịn̄ iban̄a drama. Edi didie ke Daniel akanam n̄kpọ? Enye akakama idem ukpono ukpono.

Ke mmọ ẹma ẹkedisịm ufọk ke mbono ama okokụre, Daniel ama abak edemede ke ndan̄nsiere oro ekedide Monday ete ika n̄wed. Ndi ọmọfiọk se ikosụk idianade ke jaket esie? Ekedi kad idiọn̄ọ mbono! Eka esie ama ọdọhọ enye ete: “Mbono okụre nan̄a. Dianade kad idiọn̄ọ mbono emi nịm ke ufọk ndien-e.” Edi Daniel ọkọbọrọ ete: “Nyom kpukpru owo ẹkụt ebiet oro n̄kodude ẹnyụn̄ ẹfiọk se n̄kekpepde.” Mmọdo, enye ama adian kad idiọn̄ọ mbono emi asian asian ofụri usen oro ke ufọkn̄wed mmọ. Ke ini andikpep mmọ okobụpde enye n̄kpọ aban̄a kad oro, enye ama etịn̄ se ẹkenemede ke mbono oro ọnọ enye.

Ke ndinam oro, Daniel eketiene uwụtn̄kpọ ediwak tọsịn nditọwọn̄ oro ẹtorode Jehovah an̄wan̄wa ke ediwak isua ikie oro ẹbede.