Uwụtn̄kpọ Edinam Akpanikọ

KE NDONDO EMI, enyene se ikodomode nsọn̄ọnda Nelma emi esinamde idet ke obio Cruzeiro do Sul ke Brazil. Ke ini ukwọ ekemende ikpehe oro mmọ ẹkedụn̄de, owo emi enye esinamde idet ama ada ọfọn̄ ọsọk enye. Ke ini enye ekesede ọfọn̄ oro, enye ama okụt okụk oro awakde esịm $1,000 ke ekpat ndusụk ọfọn̄ukot oro ẹkenọde enye.

Okụk emi ama ekpere ndisịm okụk oro Nelma esidiade ke ọfiọn̄ itiaba; n̄ko okụk emi ekpekenen̄ede an̄wam enye. Ukwọ ama abiat ufọk mmọ, ete ye nditọeka esie ẹnyụn̄ ẹtaba ekese inyene mmọ. Okụk oro ekpekekem se enye adade ọdiọn̄ ufọk mmọ onyụn̄ ada ndusụk an̄wam mme iman esie. Nte ededi, ubieresịt Nelma oro Bible ọnọde ukpep ikayakke enye ada okụk oro.—Mme Hebrew 13:18.

Ke ndan̄nsiere, Nelma ama ababak aka utom akan nte enye esikade onyụn̄ okosobo n̄wan oro ọkọnọde enye ọfọn̄ oro. Nelma ama ọkọm enye ke ndikọnọ ọfọn̄ oro onyụn̄ ọdọhọ ke enyene se ikụtde ke ọfọn̄ oro, ke enye ke ida idi. Esịt ama enen̄ede adat mma emi ndibọ okụk oro. Enye ekenịm okụk oro ndida n̄kpe mbonutom esie. Ntre, enye ama ọdọhọ Nelma ete: “Mme owo isiwakke ndinam akpanikọ.”

Ke akpanikọ, ndusụk owo ẹkeme ndikere ke ufọn inen̄ekede idu ndinam akpanikọ. Edi mbon oro ẹsịnde idem ẹdomo ndinem Abasi akpanikọ, Jehovah esịt, idaha akpanikọ ibre mbre. (Ephesus 4:25, 28) Nelma ọkọdọhọ ete: “N̄kpekemeke ndide idap edieke mmen̄kpekemenke okụk oro n̄kọnọ andinyene.”