Nte Afo Emeti?
Nte Afo Emeti?
Nte afo ama ọbọ ufọn oto edikot mme nsiondi Enyọn̄-Ukpeme eke ndondo emi? Ọfọn, se m̀mê emekeme ndibọrọ mme mbụme oro ẹtienede mi:
• Ntak emi “Akani Testament” enyenede ufọn oro ebịghide?
Andinyene Akani Testament idịghe Abasi ibak edi edi edima Abasi, kpa Jehovah. Jesus ye mme anditiene enye ẹma ẹsikot ẹto N̄wed Abasi Usem Hebrew. Enye esịne nti item ẹban̄ade uwem eke usen ke usen ẹnyụn̄ ẹnọ utịbe utịbe idotenyịn kaban̄a ini iso.—9/1, page 4-7.
• Nso ke anyan ini emi ebede tọn̄ọ Adam ye Eve ẹkenam idiọkn̄kpọ owụt?
Ediwak tọsịn isua emi ẹbede ẹwụt ke Satan edi osu nsu—Adam ye Eve ye ediwak miliọn nditọ esie ẹma ẹkpan̄a. Anyan ini oro ẹbede ẹwụt ke n̄kpọ ifọnke ye mmọ ikan ke ini mmọ ẹdade ke idem ẹkpọn̄ Abasi ye nte ke mmọ inyeneke unen m̀mê ndinyene ukeme ndinen̄ede ikpat mmọ.—9/15, page 6-7.
• Ntak emi owo mîkasuaha inọ Jacob ke ntak emi akanamde nte idi Esau?
Jacob ekenyene unen ndibọ edidiọn̄ ete esie, ke ama ekedep itie akpan oto Esau. Ke ini Isaac ekedide edifiọk ke Jacob ke imọ ikọdiọn̄, enye ikọbọhọ edidiọn̄ oro inọ Esau. Ndien Abasi emi akpakanamde n̄kpọ mbak Jacob edibọ edidiọn̄ oro, ama enen̄ede oyom ẹdiọn̄ Jacob.—10/1, page 31.
• Didie ke nnyịn ndinyene ubieresịt owụt ke iwụtke ifiọk ndidọhọ ke owo okofoforo?
Mme owo ke kpukpru ebiet ẹsima ndin̄wam kiet eken idem ke ini oro esitakde mmọ n̄kpọ. Mme owo ikpekereke iban̄a kiet eken ntre edieke mmọ ẹkpedide ikpîkpu unam oro ẹsin̄wanade ke kpukpru usụn̄ ẹyom nte ẹkpebọhọde ẹdu.—10/15, page 20.
• Ntak emi ikemede ndidọhọ ke Abasi osụhọde idem, ndien didie ke enye owụt edu emi?
Sia Abasi edide Andikara ye Andibot, ukeme esie inyeneke adan̄a. Edi nte ẹtịn̄de ke 2 Samuel 22:36 (NW), Abasi esisụhọde idem sia enye esikere aban̄a mme usụhọde owo oro ẹdomode ndinem enye esịt, ndien enye esitua mmọ mbọm. Esitie nte n̄kpọ eke ẹdọhọde ke enye esisụhọde edi isọn̄ man edifọn ido ye mbon oro ẹbakde enye.—11/1, page 4-5.
• Didie ke mbai usiọn̄ eset ẹsọn̄ọ se Bible etịn̄de?
Mme ọdọkisọn̄ nyom n̄kpọeset ẹmekụt mbai usiọn̄ ke Samaria, oro ọdọn̄ọde enyịn̄ ubon itiaba oro ẹwetde ke Joshua 17:1-6. Mbai usiọn̄ Arad ẹsọn̄ọ mme ntọt ẹban̄ade mme ubon oku ye enyịn̄ Abasi. Mbai usiọn̄ Lachish ẹnam ẹfiọk nte ukara eketiede ye ndutịme oro okodude ke Judah mbemiso Babylon akan̄wanade ẹkọn̄ ye mmọ.—11/15, page 12-14.
• Nnyịn isan̄a didie ifiọk ke Luke ekewet n̄wed Utom?
Ẹwet Gospel Luke ye n̄wed Utom Mme Apostle ẹnọ ẹsọk Theophilus, emi owụtde ke Luke ekewet n̄wed mbiba. Utọ ikọ nte “nnyịn,” owụt ke Luke ama etiene abuana ke ndusụk n̄kpọntịbe emi ẹtịn̄de ẹban̄a ke n̄wed oro. (Utom 16:8-15)—11/15, page 18.
• Didie ke Christian ekpese utop ye ukọiyak?
Toto ke eyo Naoh, Abasi enyịme mme owo ẹsiwot unam ẹta. Edi, ewụhọ oro ẹkenọde mmọ ẹte ẹduọk iyịp unam oro owụt ke owo ikpenyeneke ndida uwem unam nnam mbubru sia edide Abasi okobot mmọ. Ikpanaha mme Christian ẹwot unam ẹda ẹbre mbre m̀mê ẹda ẹtan̄ ase. Oyom mmọ ẹnịm mme ibet “Caesar” ẹnyụn̄ ẹkpono ubieresịt mbon en̄wen. (Rome 14:13)—12/1, page 31.