Ndi Esiyom N̄kpọ Osụk Ọsọn̄ ke Okwo Kpukpru Ini?
Ndi Esiyom N̄kpọ Osụk Ọsọn̄ ke Okwo Kpukpru Ini?
NDITỌWỌN̄ iba ke ẹbre mbre ọtọkiet. Kiet awabade enye eken n̄kpọmbre oro enye amade akan onyụn̄ ofiori ete, “Okịmmọ ke edi!” Mme anana mfọnmma owo ẹsitọn̄ọ ke uyen ẹbụk ibụk. (Gen. 8:21; Rome 3:23) N̄kpọ efen n̄ko edi ke ererimbot emi esịn udọn̄ ọnọ umia mbuba. Ana nnyịn in̄wana ọkpọsọn̄ mbak idiọk edu emi edibe nnyịn. Mîdịghe ntre, imekeme ndinam mbon en̄wen ẹtuak ukot ẹduọn̄ọ, inyụn̄ ibiat itie ebuana nnyịn ye Jehovah.—Rome 7:21-23.
Apostle Paul ama ọdọhọ ikere nte edinam nnyịn ẹsitụkde mbon en̄wen. Enye ekewet ete: “Kpukpru n̄kpọ ẹnenen ndinam; edi idịghe kpukpru n̄kpọ ẹnyene ufọn. Kpukpru n̄kpọ ẹnenen ndinam, edi idịghe kpukpru n̄kpọ ẹdi se ibọpde-bọp.” Paul ama aka iso ete: “Ẹkûnam n̄kpọ ẹdi ntak iduọ” owo en̄wen. (1 Cor. 10:23, 32) Ọkpọfọn ibụp idem nnyịn mme mbụme emi ke ini inamde ubiere, ‘Ndi mmesitre ndikọn̄ nyịre ke unen mi man emem odu ke esop? Ndi mmeben̄e idem ndinịm mme edumbet Bible, idem ke ini ọsọn̄de ndinam ntre?’
Ke Ini Emekde Utom
Ediwak owo ẹsikere ke imenyene unen ndimek utom ekededi oro imade, ke se ibierede ndinam ibeheke owo ndomokiet. Edi kere se iketịbede inọ eren kiet emi edide anam mbubehe idemesie, emi otode ekpri obio kiet ke Edem 2 Cor. 7:1) Ke ini enye ọkọdọhọde ke ikpama nditiene esop n̄kwọrọ ikọ ke efak, ebiowo kiet ama ada mbufiọk ọdọhọ enye ekere aban̄a utọ utom oro enye esinamde. Enye ekesinyam ọkpọsọn̄ ibọk emi ediwak owo ke obio mmọ ẹsidade ẹsịn ke mmịn man enen̄ede anam owo.
Usụk America. Enye ama esibre mbre mfọniso esinyụn̄ akpa mmịn. Edi ke ini enye ekekpepde Bible ye Mme Ntiense Jehovah, enye ama ọtọn̄ọ ndida se enye ekpepde nsịn ke edinam onyụn̄ okpụhọde usụn̄ uwem esie. (Enye ama edifiọk ke edieke imọ ikwọrọde ikọ an̄wan̄wa, edi isụk ika iso inyam utọ n̄kpọ oro, ke oro ekeme ndinam mme owo ẹtịn̄ idiọk ikọ ẹdian esop onyụn̄ ekeme ndibiat itie ebuana imọ ye Abasi. Mmọdo, enye ama etre ndinyam utọ n̄kpọ oro, okposụkedi emi enye ekenyenede akamba ubon ndise mban̄a. Enye anyam n̄kpọ efen idahaemi man ese aban̄a ubon esie. Enye ye n̄wan esie, ọkọrọ ye nditọ iba, ke otu nditọ ition, ẹna baptism idahaemi. Mmọ ke ẹsịn ifịk ẹtan̄a eti mbụk ifụre ifụre.
Ke Ini Emekde Mme Ufan
Ndi edi mbubehe owo kiet kiet ndibiere m̀mê akpana idụk nsan̄a ye mbon emi mîdịghe Mme Ntiense, mîdịghe, ndi odu mme edumbet Bible oro ẹnọde ndausụn̄ ke n̄kpọ emi? Eyenete an̄wan kiet okoyom ndisan̄a ye akparawa oro mîdịghe kiet ke otu Mme Ntiense Jehovah n̄ka usọrọ. Kpa ye oro ẹkedọhọde enye ke emi ekeme ndisịn enye ke fehesan̄, enye ekekere ke imọ imenyene unen ndibiere se imọ imade onyụn̄ adaha aka. Ndien ke enye ama ekesịm do, ẹma ẹsịn ọkpọsọn̄ ibọk idap ke mmịn ẹnọ enye ke itie usọrọ oro. Enye ama ede ebịghi. Ke enye ama ekedemede, enye ama edikụt ke owo oro imọ ikadade nte ufan ama asabade imọ.—Men Genesis 34:2 domo.
Okposụkedi emi edidụk nsan̄a ye mbon oro mîdịghe Mme Ntiense mîdisịnke nnyịn ke utọ afanikọn̄ emi kpukpru ini, Bible odụri nnyịn utọn̄ ete: “Owo eke asan̄ade ye mme enyene-ibuot eyenyene ibuot: edi nsan̄a mbon ndisịme ọyọdiọn̄ ọdiọk.” (N̄ke 13:20) Ufọn ndifan̄a idụhe—ndidụk idiọk nsan̄a esisan̄a ye afanikọn̄! Mme N̄ke 22:3 ọdọhọ ete: “Ọniọn̄ owo okụt idiọk-n̄kpọ, ndien edịbe: edi mme ọkọi ẹbe ẹka iso, ndien ẹda ufen.” Mbon oro nnyịn idụkde nsan̄a ẹkeme ndibiat nnyịn, ẹnyụn̄ ẹbiat itie ebuana nnyịn ye Jehovah.—1 Cor. 15:33; Jas. 4:4.
Ọfọn̄ ye Ukamaidem
Usụn̄ oro mme owo ẹsisịnede ọfọn̄ ye nte mmọ ẹsikamade idem ẹsikpụhọde ke ubọk ke ubọk. Kpa ye oro, mme edumbet Bible emi 1 Tim. 2:9) Paul ikọdọhọke ikama idem ke ufen m̀mê ndidọhọ ke ana kpukpru mme Christian ẹma ukem n̄kpọ. Edi didie ke ikeme ndiwụt ke imosụk idem? N̄wed ukabadeikọ kiet ọdọhọ ke nsụkidem ọwọrọ ‘ndinyene iso bụt nnyụn̄ mfara ke idem.’
ẹban̄ade nte nnyịn ikpesịnede ọfọn̄ inyụn̄ ikama idem ikpụhọkede. Paul ama esịn udọn̄ ọnọ nditọete iban ete “ẹbana idem ke ndisịne ọfọn̄ eke etịmde odot, ye nsụkidem ye eti ibuot.” Edumbet emi ebehe irenowo n̄ko. (Nnyịn inyene ndibụp idem nnyịn ite: ‘Ndi mmekeme ndidọhọ ke esịt akpanikọ ke mmosụk idem edieke nsọn̄ọde nyịre nsịne n̄kpọ ke usụn̄ oro anamde mme owo ẹwọn̄ọde enyịn ẹse mi? Ndi usụn̄ oro nsisịnede n̄kpọ ẹsinam mme owo ẹkere ke ndi oburobụt owo?’ Edieke ikerede iban̄a mbon en̄wen utu ke idem nnyịn kpọt, nte ikamade idem idinamke mme owo ẹtuak ukot ẹduọn̄ọ.—2 Cor. 6:3; Phil. 2:4.
Ke Mbubehe
Ke ini unana edinam akpanikọ ke mbubehe ekesịnde akwa mfịna ke esop Corinth, Paul ekewet ete: “Ntak emi mbufo mîyakke ẹnam mbufo idiọk? Ntak emi mbufo mîbọhọ utụk ibiom?” Paul ọkọdọhọ mme Christian ẹnyịme n̄kpọ atak mmọ utu ke ndikot nditọete mmọ ikpe. (1 Cor. 6:1-7) Eyenete kiet ke United States ama ada item emi esịn ke edinam. Enye ama asian eyenete oro akadade enye ke utom ete ke enye akama imọ isọn, edi eyenete emi ama afan̄a. Mmọ ẹma ẹsobo ediwak ini nte Bible ọdọhọde man ẹkọk mfịna emi, edi mmọ ikekemeke. Ke akpatre, mmọ ẹma ẹda mfịna oro ẹbịne mbiowo, kpa mbon oro ẹdade ke ibuot “esop.”—Matt. 18:15-17.
Edi n̄kpọ mfụhọ nditịn̄ ke owo ikosụk ikemeke ndikọk mfịna oro. Eyenete oro ama ọbọn̄ akam ediwak ini onyụn̄ ebiere ndiyak okụk oro atak imọ. Ntak emi enye akanamde utọ ubiere oro? Enye ọkọdọhọ ete, “Mfịna emi ikayakke n̄kop aba inemesịt, ama onyụn̄ adia ini oro n̄kpakadade nnam n̄kpọ nnọ Abasi.” Ke eyenete oro ama ekebiere ndiyak okụk oro atak imọ, enye ama afiak okop inemesịt, onyụn̄ ọdọhọ ke Jehovah ama ọdiọn̄ imọ.
Idem ke N̄kpri N̄kpọ
Nditre ndiyom n̄kpọ osụk ọsọn̄ ke ekikere nnyịn, idem ke n̄kpri n̄kpọ, esisan̄a ye mme edidiọn̄ n̄ko. Ke akpa usen mbono district, ebe ye n̄wan oro ẹdide mme asiakusụn̄ ẹma ẹbabak ẹkesịm an̄wa mbono ẹnyụn̄ ẹtie ke itie oro ọfọnde ye mmọ. Ke ndutịm ama ọkọtọn̄ọ, ubon kiet oro ẹnyenede ediwak nditọ ẹma ẹbụn̄ọ ẹdụk efe mbono. Ke ini mme asiakusụn̄ oro ẹkekụtde ke ubon oro ẹyom itie oro edikemde kpukpru mmọ, mmọ ẹma ẹyak itie mmọ ẹnọ ubon oro. Ntre, itie ama ekem kpukpru owo ke ubon oro nditie ọtọkiet. Usen ifan̄ ke mbono oro ama okokụre, ubon emi ẹma ẹwet leta ẹkọm mme asiakusụn̄ emi. Mmọ ẹma ẹwet ke leta oro ẹte ke bụt ama enen̄ede anam mmimọ ndidi mbono ke idiọk ini. Edi ke mfọnido mmọ ama enen̄ede enem mmimọ.
Ọkpọfọn inyịme n̄kpọ atak nnyịn man in̄wam mme owo ke ini ifet ebererede. Edieke nnyịn inyenede ima oro mîyomke “ufọn esiemmọ” kpọt, iyodu ke emem ye nditọete nnyịn ye mme mbọhọidụn̄ nnyịn nde. (1 Cor. 13:5) Se ikam ifọnde ikan edi ke nnyịn iyaka iso idi ufan ye Jehovah.
[Ndise ke page 20]
Ndi oyosion̄o idem ọkpọn̄ ọfọn̄ oro amade edieke etiede nte ke enye ayanam owo atuak ukot ọduọ?
[Ndise ke page 20, 21]
Ndi eyenyịme ndikpọn̄ itie fo nnọ eyenete fo?