Nte Afo Emeti?

Nte afo ama ọbọ ufọn oto edikot mme nsiondi Enyọn̄-Ukpeme eke ndondo emi? Ọfọn, se m̀mê emekeme ndibọrọ mme mbụme oro ẹtienede mi:

• Ndi eyen emi akpade eka ke idịbi eyeset?

Uwem ọtọn̄ọ ke ini owo oyomode idịbi. Jehovah ekeme ndinam owo ekededi eset koro “Abasi emekeme ndinam kpukpru n̄kpọ.” (Mark 10:27) Bible itin̄ke nnennen nnennen m̀mê nditọ oro ẹmanade obukpo m̀mê mbon oro ẹbụn̄ọde-bụn̄ọ ẹyeset.—4/15, page 12, 13.

• Nso ke ikpep ito nnuene, cony, n̄kukun̄kpọyọriyọ, ye ukpọn̄-eyen?

Mme edibotn̄kpọ inan̄ emi ẹnyene ibuot etieti. Mmọ ẹnam mme owo ẹkụt ọniọn̄ Abasi. (N̄ke 30:24-28)—4/15, page 16-19.

• Nso ke Mme Ntiense Jehovah ẹkenam isua 100 emi ẹkebede?

Ẹkesio ibuot itieutom Watch Tower Bible and Tract Society, kpa N̄ka Mme Ntiense Jehovah oro ibet enyịmede, ke Pittsburgh ke Pennsylvania, ẹka Brooklyn ke New York ke 1909. Ibuot itieutom emi osụk odu do tutu esịm mfịn.—5/1, page 22-24.

• Ntak emi Bible ọdọhọde ke ọfọn ndidop uyo?

Ndidop uyo edi idiọn̄ọ ukpono, owụt ke owo enyene ọniọn̄ ye mbufiọk, onyụn̄ esinọ owo ifet nditie n̄kere n̄kpọ. (Ps. 37:7; 63:6; N̄ke 11:12)—5/15, page 3-5.

• Nso ke John Wycliffe, William Tyndale, Robert Morrison, ye Adoniram Judson ẹkenam?

Kpukpru mmọ ẹma ẹma Ikọ Abasi ẹnyụn̄ ẹkabade Bible ẹsịn ke ọsọ usem. Wycliffe ye Tyndale ẹkekabade Bible ẹsịn ke Ikọmbakara, Morrison akabade esịn ke usem Chinese, ndien Judson akabade esie esịn ke usem Burmese.—6/1, page 8-11.

• Ndidem Judah ifan̄ ẹkewụt ke ifịk ufọk Abasi adia mmimọ idem?

Ndidem 19 ẹkekara Judah, kpa obio ubọn̄ edem usụk, ndien inan̄ ke otu mmọ ẹkewụt ke imenyene utọ ifịk emi. Mmọ ẹkedi Asa, Jehoshaphat, Hezekiah, ye Josiah.—6/15, page 7-11.

• Ndi kpukpru Christian oro ẹyetde aran ẹsitiene ẹnọ ikọt Abasi udia eke spirit?

Baba-o. Kpukpru Christian oro ẹyetde aran ke edisana spirit edi ofụn emi anamde akpanikọ onyụn̄ enyenede ọniọn̄; edi Otu Ukara kpọt esise aban̄a ndutịm udia eke spirit.—6/15, page 22-24.

• Nso ikanam mbonekọn̄ Rome ẹnen̄ede ẹma ọfọn̄ idakidem Jesus?

Mbonekọn̄ oro ẹkedade usụn̄ ke ndiwot Jesus ikedemeke ọfọn̄ idakidem esie ida. Ẹkesida ubak ọfọn̄ iba ẹkịm utọ ọfọn̄ emi, edi eke Jesus ikenyeneke ituak. Emi akanam enye enen̄ede ọsọn̄ urua akan mbon eken.—7/1, page 22.

• Ntak emi ẹkemede ndidọhọ ke ima akanam Jesus okûnam n̄kpọ ye mme owo nte mme adaiso ido ukpono eyo esie ẹkesinamde?

Mme adaiso ido ukpono ẹkesise mme ubuene ke ndek, ikonyụn̄ imaha mmọ. Mmọ ikamaha Abasi n̄ko. Jesus ama ama Ete esie onyụn̄ esitua mme owo mbọm. (Matt. 9:36) Enye ama enem itie onyụn̄ ọfọn ido.—7/15, page 15.

• Ntak emi ebe ye n̄wan ẹsinyenede mfịna okụk-e? Ndien nso ikeme ndin̄wam mmọ?

Se isiwakde ndida mfịna okụk ndi edi ndịk m̀mê unana mbuọtidem ye nte ẹkebọkde ebe ye n̄wan. N̄kpọ inan̄ oro ẹkemede ndin̄wam ẹdi: Ẹdomo ndineme nneme okụk emem emem, ẹbiere nte ẹdikamade okụk, ẹwewet okụk oro ẹdibiatde ke ubon, ye owo oro edidepde emi m̀mê oko.—8/1, page 10-12.