Nte Afo Emeti?

Nte afo ama ọbọ ufọn oto edikot mme nsiondi Enyọn̄-Ukpeme eke ndondo emi? Se m̀mê emekeme ndibọrọ mme mbụme oro ẹtienede mi:

• Ntak emi ikemede ndinịm ke In̄wan̄ Eden ama enen̄ede odu?

Bible owụt ke enye ama odu, onyụn̄ etịn̄ nnennen itie emi enye okodude. Iba ke otu akpa inan̄ oro ẹsiakde ke mbụk In̄wan̄ Eden, ke ẹsụk ẹdodu mfịn. N̄ke m̀mê ikpîkpu mbụk isitiehe ntre. Jesus, kpa Ntiense akpanikọ, ama etịn̄ aban̄a Adam ye Eve nte ata mbon emi ẹkedude uwem.—1/1, page 5-6, 9.

• Ndi Abasi ama ọfiọk ke Adam ye Eve ẹyenam idiọkn̄kpọ?

Ihih. Jehovah ama ọnọ mmọ ọniọn̄ ye ifụre edimek, anam mmọ ẹkeme ndibiere ndikop m̀mê nditre ndikop uyo. Kpa ye oro Abasi ekemede ndidiọn̄ọ ini iso, enye ememek se enye oyomde ndidiọn̄ọ.—1/1, page 13-15.

• Ndi mme ata Christian ẹsida enyịn̄ Abasi nte ibọk n̄kpemeidem?

Ndusụk owo ẹsida mme n̄kpọ m̀mê idiọn̄ọ nte n̄kpọ m̀mê ibọk n̄kpemeidem emi edikpemede mmọ, edi ikọt Abasi idaha enyịn̄ Abasi ntre. Mmọ ẹbuọt idem ke Jehovah ẹnyụn̄ ẹnam uduak esie, ntem ke mmọ ẹda enyịn̄ esie nte ebiet ubọhọ. (Zeph. 3:12, 13)—1/15, page 5-6.

• Mmanie ẹkebọ ufọn editan̄ nyọhọ-nsụhọ n̄kpọ in̄wan̄ ke Israel?

Kpukpru owo. Emi ama ekpep mbon oro ẹketan̄de nyọhọ-nsụhọ ndisịn idem nnam utom. Mbon eken ẹma ẹbọ ufọn sia emi ama esikpep mmọ nditat ubọk nnyụn̄ mberi edem ke edidiọn̄ Abasi.—2/1, page 15.

• Ntak emi Jehovah ekesịnde Edidem Saul?

Akana Saul ebet prọfet Abasi edifọp uwa, edi edidem oro ama ọsọn̄ ibuot ọfọp uwa oro ke idemesie. Nte ini akakade, enye ikokopke uyo ke ini ẹkenọde enye ewụhọ ete osobo mme asua.—2/15, page 22-23.

• Nnyịn ikeme didie ndiwụt ke imasua ubiatibet?

Nnyịn idin̄wọn̄ke mmịn ibe ubọk, iyefep ndedịbe odudu, inyụn̄ inam item Jesus aban̄ade oburobụt ido. Ke uwụtn̄kpọ, iyefep n̄wed ye ndise idan̄ ye mfụmmfụm ekikere utọ edinam oro. (Matt. 5:27, 28) N̄ko-n̄ko nnyịn ididụkke nsan̄a ye mbon oro ẹsion̄ode ke esop.—2/15, page 29-32.

•Nso idi n̄wọrọnda iban̄a akani efọk ọkwọk oro mme ọdọkisọn̄ nyom n̄kpọeset ẹkụtde ke Israel eyomfịn?

Mme ọdọkisọn̄ nyom n̄kpọeset ẹma ẹkụt se iwakde ibe efọk ọkwọk 30, ndien ntaifiọk ẹdọhọ ke ẹma ẹkeme ndisio aranọkwọk emi ọyọhọde tian 25 ke mme efọk-ọkwọk emi kpukpru isua. Emi owụt ke ẹma ẹsibọk ọkwọk ke isọn̄ emi Abasi ọkọdọhọde ke ‘edifiọrọ ye mmọn̄eba ye aranọkwọk.’ (Ex. 3:8)—3/1, page 15.

• Didie ke Jeremiah eketie nte eto “eke ẹtọde ke mben ediwak mmọn̄, oro ọdọn̄de orụn̄ esie”? (Jer. 17:7, 8)

Enye iketreke ndin̄wụm mfri; ikonyụn̄ iyakke mbon nsahi ẹtụn enye usụn̄. Utu ke oro, enye ama eberi edem ke Enye emi ọnọde mmọn̄ uwem, ifreke se Abasi ọdọhọde enye.—3/15, page 14.

• Ke ini Jesus ọkọdọhọde Martha ke ibat ibat n̄kpọ m̀mê n̄kpọ kiet kpọt ke ẹyom, nso ke ikọ esie ọkọwọrọ? (Luke 10:41, 42)

Jesus ikọdọhọke ke enye edi ama udia ke ntak emi enye eketemde nsio nsio udia; ikonyụn̄ idọhọke ke ufọn enye ndisịn ifịk oro ikodụhe. Utu ke oro, Jesus eketịn̄ aban̄a se idide akpan n̄kpọ. Martha ikadaha san̄asan̄a ifet oro inam n̄kpọ man ọsọn̄ọ mbuọtidem esie.—4/1, page 12-13.

• Nso ibet ke ẹkebiat ke ikpe oro ẹkekpede ẹnọ Jesus?

Esop ikokopke ikọ emi akpanamde ẹtebe Jesus ikpe. Ẹkeyoyom mme ntiense nsu. Ẹkekpe ikpe oro okoneyo. Ẹketọn̄ọ ẹnyụn̄ ẹbiere ikpe Jesus kpa usen oro.—4/1, page 20.